ନୂଆଦିଲ୍ଲୀ, ୨୩/୦୪ : ଜାମ୍ମୁ କାଶ୍ମୀର ପହଲଗାମରେ ଆତଙ୍କୀ ହମ୍ଲା ପରେ ପାକ୍ରେ ହଲଚଲ୍। ଭାରତର ସର୍ଜିକାଲ୍ ଷ୍ଟ୍ରାଇକ୍ କିମ୍ଵା ଏୟାର ଷ୍ଟାଇକ୍ ଭୟରେ ଏବେ ଛାନିଆ ପାକିସ୍ତାନ। ହାଇ ଆଲର୍ଟରେ ପାକିସ୍ତାନ ବାୟୁସେନା। ଭାରତ ସୀମାରେ ଟାଇଟ୍ ସିକ୍ୟୁରିଟି ବ୍ୟବସ୍ଥା। ଲାହୋର, କରାଚି, ପେଶାୱର, ରାୱଲପିଣ୍ଡି ଏବଂ ଇସଲାମବାଦ ଭଳି ପ୍ରମୁଖ ସହରକୁ ଆଲର୍ଟ ଜାରି କଲେ ସରକାର। ପାକିସ୍ତାନ ଅଧିକୃତ କାଶ୍ମୀରରେ ବି ସୁରକ୍ଷା ବ୍ୟବସ୍ଥା କଡ଼ାକଡ଼ି।
ସୂଚନାନୁଯାୟୀ, ପହଲଗାମ୍ ଆତଙ୍କୀ ଆକ୍ରମଣରେ ୨୭ ପର୍ଯ୍ୟଟକଙ୍କ ମୃତ୍ୟୁ ଘଟିଛି। ଏହି ଆଟାକ୍ର କଡ଼ା ଜବାବ ଦିଆଯିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସ୍ପଷ୍ଟ କରିଛନ୍ତି। ଏହାରି ମଧ୍ୟରେ ଭାରତୀୟ ବାୟୁସେନା ଏବଂ ସ୍ଥଳ ସେନା ଜାମ୍ମୁ କାଶ୍ମୀରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛନ୍ତି। ଏଲଓସିରେ ଡ୍ରୋନ୍ ନିୟୋଜିତ କରାଯାଇଛି। ସମସ୍ତ ୟୁନିଟ୍ଙ୍କୁ ହାଇ ଆଲର୍ଟରେ ରଖାଯାଇଛି।
ସୂଚନାନୁଯାୟୀ, ମଙ୍ଗଳବାର ଆତଙ୍କବାଦୀମାନେ ପହଲଗାମ୍ରେ ରକ୍ତର ନଦୀ ବୁହାଇଥିଲେ। ୨୭ ଜଣ ପର୍ଯ୍ୟଟକଙ୍କୁ ଧର୍ମ ପଚାରି ଗୁଳି କରି ହତ୍ୟା କରିଥିଲେ। ମୃତକଙ୍କ ମଧ୍ୟରେ ବିଦେଶୀ ପର୍ଯ୍ୟଟକ ମଧ୍ୟ ଥିଲେ। ଏହି ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ସାଉଦି ଆରବ ଗସ୍ତ କାର୍ଯ୍ୟକ୍ରମ ବାତିଲ କରି ବୁଧବାର ସକାଳେ ଭାରତରେ ପହଞ୍ଚିଛନ୍ତି। ଏହି ଆତଙ୍କୀ ହମ୍ଲାର ଜବାବ ଦେବାକୁ ପ୍ରସ୍ତୁତି କରୁଛନ୍ତି।
ଏହି ଖବରଟିକୁ ପଢନ୍ତୁ-ପହଲଗାମ ଆକ୍ରମଣର ଦିନକ ପରେ ବଡ଼ ଷଡ଼ଯନ୍ତ୍ର, ବାରମୁଳା ଦେଇ ଅନୁପ୍ରବେଶ କରୁଥିଲେ ଆତଙ୍କବାଦୀ
