ନୂଆଦିଲ୍ଲୀ,୦୬/୦୫: ଭାରତର ଗୋଟିଏ ପରେ ଗୋଟିଏ ଆକ୍ସନ । ପାକିସ୍ତାନର ନିଦ ଉଡ଼ିଗଲାଣି । କଣ କରିବ କିଛି ଜାଣି ପାରୁନାହିଁ । ଆତଙ୍କୀଦେଶର ଆଉ ମୁଣ୍ଡ କାମ କରୁନାହିଁ । ପହଲଗାମ ପ୍ରତିଶୋଧ ନେଇ ଭାରତର ପ୍ରସ୍ତୁତିକୁ ନେଇ ପାକିସ୍ତାନ ଛାତିରେ ଛନକା ପଶିଲାଣି । ପ୍ରତି ମୂହୁର୍ତ୍ତରେ ଡ଼ରି ଡ଼ରି ବଞ୍ଚୁଛି । ଭାରତର ଆକ୍ରମଣ ଭୟରେ ଥରୁଛି ପାକିସ୍ତାନ । ଯେ କୌଣସି ମୁହୂର୍ତ୍ତରେ ମିଳିପାରେ ଯୁଦ୍ଧ ସିଗନାଲ । ସବୁ ରାଜ୍ୟକୁ କେନ୍ଦ୍ର ଗୃହମନ୍ତ୍ରଣାଳୟ ମକ୍ଡ୍ରିଲ ନିର୍ଦ୍ଦେଶ ପରେ ପାକିସ୍ତାନ ଛାତି ଧଡ଼ ଧଡ଼ ହୋଇଛି । ଭାରତ ଏଲଓସିରେ ଆକ୍ରମଣ କରିପାରେ ବୋଲି ପାକିସ୍ତାନ ପ୍ରତିରକ୍ଷ ମନ୍ତ୍ରୀ ଖ୍ୱାଜା ଆସିଫ୍ କହିଛନ୍ତି ।
ଭାରତ ଭୟରେ ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ୍ କହିଛନ୍ତି, ''ଯେ କୌଣସି ମୁହୂର୍ତ୍ତରେ ଭାରତ ଆକ୍ରମଣ କରିପାରେ । ଭାରତ କଶ୍ମୀରର ନିୟନ୍ତ୍ରଣ ରେଖା (ଏଲଓସି) ପାଖରେ ଆକ୍ରମଣ ନେଇ ପ୍ରସ୍ତୁତି କରୁଛି । ଭାରତକୁ ଜବାବ ଦେବାକୁ ଆମେ ପ୍ରସ୍ତୁତ ଅଛୁ । ପହଲଗାମ ଆତଙ୍କୀ ଆକ୍ରମଣ ନେଇ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ପହଲଗାମ ହମଲାର ଅନ୍ତରାଷ୍ଟ୍ରୀୟ ତଦନ୍ତ ଦାବି କରିଥିଲେ ।''
LoCରେ ପାକ୍ ସେନାର ଉତ୍ପାତ ଜାରି- ଚେତାବନୀ ସତ୍ତ୍ୱେ ଚେତୁନୀ ପାକିସ୍ତାନ । ଏଲଓସିରେ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରୁଛି । ପହଲଗାମ ଆତଙ୍କୀ ଆକ୍ରମଣ ପରେ ଲଗାତାର ୧୨ଥର ନିୟନ୍ତ୍ରଣ ରେଖାରେ ଗୁଳିମାଡ଼ କରିଛି । ମଙ୍ଗଳବାର ରାତିରୁ ଏଲଓସି ନିକଟ କୁପୱାଡ଼ା, ବାରମୁଲ୍ଲା, ରୌଜରୀ, ପୁଞ୍ଚ, ମେନ୍ଧାର, ନୌସେର, ସୁନ୍ଦରବନୀ ଏବଂ ଅଖନୁରରେ ଫାୟାରିଂ କରିଛି । ଯାହାର ମୁହଁତୋଡ଼ ଜବାବ୍ ଦେଇଛି ଭାରତୀୟ ସେନା ।
During the night of 05-06 May 2025, Pakistan Army resorted to unprovoked small-arms firing from posts across the Line of Control in areas opposite Kupwara, Baramulla, Poonch, Rajouri, Mendhar, Naushera, Sunderbani and Akhnoor in J&K. Indian Army responded in proportionate manner:…
— ANI (@ANI) May 6, 2025
ଘନେଇଲା ଯୁଦ୍ଧ ଆଶଙ୍କା- କୌଣସି ବି ମୁହୂର୍ତ୍ତରେ ପହଲଗାମ ପ୍ରତିଶୋଧ ନେଇପାରେ ଭାରତ । ୨୬ ଜୀବନର ବଦଲା ନେବ ଭାରତ । ଲୁହ-ଲହୁର ଗୋଟି ଗୋଟି କରି ହିସାବ ନେବ ଭାରତୀୟ ସେନା । ଭାରତ-ପାକିସ୍ତାନ ମଧ୍ୟରେ ଯୁଦ୍ଧ ଆଶଙ୍କା ଆହୁରି ଘନୀଭୂତ ହୋଇଛି । ସବୁ ରାଜ୍ୟଗୁଡି଼କୁ ମକ୍ଡ୍ରିଲ ନିର୍ଦ୍ଦେଶ ଦେଇଛି ସ୍ୱରାଷ୍ଟ୍ର ମନ୍ତ୍ରଣାଳୟ । ଆସନ୍ତାକାଲି (ବୁଧବାର) ନାଗରିକଙ୍କୁ ମିଳିବ ଆତ୍ମରକ୍ଷା ତାଲିମ । ଯାହାକୁ ନେଇ ପାକିସ୍ତାନ ଛାତିରେ ଛନକା ପଶିଛି । ଯୁଦ୍ଧ ଭୟ ଘାରିଛି । ବଡ଼ କଥା ହେଉଛି ଦେଶରେ ଶେଷଥର ୧୯୭୧ରେ ଏଭଲି ମକ୍ଡ୍ରିଲ ହୋଇଥିଲା ।
