ନୂଆଦିଲ୍ଲୀ,୦୨/୦୮: ଚଳିତ ବର୍ଷ ଫେବୃଆରୀ ୧୫ ତାରିଖରେ ଦିଲ୍ଲୀ ରେଳ ଷ୍ଟେସନ୍ରେ ଦଳାଟକଟା ହୋଇଥିଲା । ଏଥିରେ ୧୮ ଜଣଙ୍କର ମୃତ୍ୟୁ ହୋଇଥିଲେ । ଯେଉଁଥିରେ ୧୧ ଜଣ ମହିଳା ୪ ଜଣ ଶିଶୁ ଥିଲେ । ପ୍ରୟାଗରାଜରେ ମହାକୁମ୍ଭ ସମୟରେ ଏହି ଦୁର୍ଘଟଣା ଘଟିଥିଲା । ଏହାକୁ ସଂସଦରେ ପଚରାଯାଇଥିବା ଏକ ପ୍ରଶ୍ନରେ ଉତ୍ତର ରଖିଛନ୍ତି କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ସେ କହିଛନ୍ତି ଜଣେ ଯାତ୍ରୀଙ୍କ ମୁଣ୍ଡରୁ ବ୍ୟାଗ ଖସି ପଡିବାରୁ ଦୁର୍ଘଟଣା ହୋଇଛି । ଯେଉଁଥିରେ ୧୮ ଜଣଙ୍କର ଜୀବନ ଯାଇଥିଲା ।
ସମାଜବାଦୀ ପାର୍ଟି ସାଂସଦ ରାମଜୀ ଲାଲ ସୁମନଙ୍କ ପ୍ରଶ୍ନର ଲିଖିତ ଜାବବରେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି କି, ଫେବୃଆରୀ ୧୫ରେ ଦିଲ୍ଲୀ ରେଳ ଷ୍ଟେସନ୍ରେ ଏକ ଦୁଃଖଦ ଘଟଣା ଘଟିଥିଲା । କୁମ୍ଭମେଳା ଯିବାକୁ ଯାତ୍ରୀ ଅପେକ୍ଷା କରିଥିଲେ । ଏହି ସମୟରେ ଦଳଚକଟା ହୋଇ ୧୮ ଜଣଙ୍କର ମୃତ୍ୟୁ ହୋଇଥିବାବେଳେ ୨୦ରୁ ଅଧିକ ଆହତ ହୋଇଥିଲେ । ଘଟଣାର ଉଚ୍ଚସ୍ତରୀୟ ତଦନ୍ତରେ ଏହା ଜଣାପଡିଛି କି, ଜଣେ ଯାତ୍ରୀଙ୍କ ମୁଣ୍ଡରୁ ବ୍ୟାଗ ଖସିପଡିବା ପରେ ଦଳଚକଟାର ପ୍ରାଥମ୍ଭିକ କାରଣ ହୋଇଥିଲା ।
ଫେବୃଆରୀ ୧୫ରେ ୩ରେ କିପରି ହେଲା ଦୁର୍ଘଟଣା- ପ୍ରୟାଗରାଜ ଯିବାକୁ ଥିବା ଟ୍ରେନ୍ ପାଇଁ ଷ୍ଟେସନ୍ରେ ହଜାର ହାଜର ଲୋକ ଅପେକ୍ଷା କରି ରହିଥିଲେ । ରାତି ପ୍ରାୟ ୯ଟା ୧୫ ମିନିଟ୍ । ପ୍ଲାଟଫର୍ମ ନମ୍ବର ୧୪-୧୫କୁ ଯୋଡୁଥିବା ସିଢିରେ ଦଳାଚକଟା ହୋଇଥିଲା । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ସଂସଦରେ ଦୁର୍ଘଟଣାକୁ ନେଇ ପଚରାଯାଇଥିବା ପ୍ରଶ୍ନରେ କହିଛନ୍ତି, ଜଣେ ଯାତ୍ରୀଙ୍କ ମୁଣ୍ଡରୁ ତାଙ୍କ ବ୍ୟାଗ ଖସି ପଡିଥିଲା । ଏହାପରେ ସେଠାରେ ଥିଲା ଯାତ୍ରୀ ତଳେ ପଡିଯାଇଥିଲେ । ଫୁଟଓଭର ବ୍ରିଜ୍ ୩ରେ ଏହି ଦୁର୍ଘଟଣା ହୋଇଥିଲା । ପୋଷ୍ଟମର୍ଟମ ରିପୋର୍ଟ ଅନୁସାରେ ଯାତ୍ରୀଙ୍କ ମୃତ୍ୟୁ ଟ୍ରମାଟିକ୍ ଏକ୍ଫିକ୍ସିୟା ବା ନିଶ୍ୱାସ ନେଇ ନପାରିବାରୁ ହୋଇଥିଲା ।
କେନ୍ଦ୍ରମନ୍ତ୍ରୀ ଆହୁରି କହିଛନ୍ତି, ୨୦୧୭ ମୁମ୍ବାଇ ଅଘଟଣ ପରେ ଏହା ବଡ଼ ଦୁର୍ଘଟଣା ଥିଲା । ଆଗକୁ ଯେପରି ଏପରି ଦୁର୍ଘଟଣା ନ ହେବ ସେ ନେଇ ସମସ୍ତ ସୁରକ୍ଷା ଉପରେ ଧ୍ୟାନ ଦିଆଯାଉଛି । ଷ୍ଟେସନ୍ ବାହାରେ ସ୍ଥାୟୀ ହୋଲ୍ଡିଂ ଏରିଆ କରାଯାଇଛି । ଯାତ୍ରୀଙ୍କୁ ସେବେ ପ୍ଲାଟଫର୍ମ ଯିବାକୁ ଅନୁମତି ମିଳିବ ଯେବେ ଟ୍ରେନ୍ ଆସିବ । ଯାହା ଫଳରେ ଭିଡ଼ କମ୍ ରହିବ ।
