ମୁମ୍ବାଇ,୨୧/୮ : ରିଲାଏନ୍ସ ଫାଉଣ୍ଡେସନର ବାର୍ଷିକ ଛାତ୍ର ବୃତ୍ତି ପାଇଁ ଆବେଦନ ଆରମ୍ଭ ହୋଇଛି । ରିଲାଏନ୍ସ ଫାଉଣ୍ଡେସନ ୨୦୨୫-୨୬ଶିକ୍ଷା ବର୍ଷ ପାଇଁ ୫୧୦୦ଛାତ୍ରଛାତ୍ରୀଙ୍କୁ ଛାତ୍ର ବୃତ୍ତି ପ୍ରଦାନ କରିବ । କେବଳ ପ୍ରଥମ ବର୍ଷର ନିୟମିତ ସ୍ନାତକ ଏବଂ ସ୍ନାତକୋତ୍ତର ଛାତ୍ରଛାତ୍ରୀମାନେ ଛାତ୍ରବୃତ୍ତି ପାଇଁ ଆବେଦନ କରିପାରିବେ। ଉଚ୍ଚ ଶିକ୍ଷା ପାଇଁ ଭାରତର ସର୍ବ ବୃହତ ଛାତ୍ର ବୃତ୍ତି ପାଇଁ ଆବେଦନ କରିବାର ଶେଷ ତାରିଖ ୪ଅକ୍ଟୋବର, ୨୦୨୫ରହିଛି। ସୂଚନାଯୋଗ୍ୟ ଯେ, ୨୦୨୨ରେ, ଧୀରୁଭାଇ ଅମ୍ବାନୀଙ୍କ ୯୦ତମ ଜନ୍ମବାର୍ଷିକୀରେ ରିଲାଏନ୍ସ ଫାଉଣ୍ଡେସନ ଅଧ୍ୟକ୍ଷା ନୀତା ଅମ୍ବାନୀ ୧୦ବର୍ଷରେ ୫୦,୦୦୦ଛାତ୍ର ବୃତ୍ତି ଦେବାକୁ ଘୋଷଣା କରିଥିଲେ।

ରିଲାଏନ୍ସ ଫାଉଣ୍ଡେସନ୍ ସ୍ନାତକ ସ୍ତରରେ ୫,୦୦୦ଛାତ୍ରଛାତ୍ରୀମାନଙ୍କୁ ଏବଂ ସ୍ନାତକୋତ୍ତର ସ୍ତରରେ ୧୦୦ ଛାତ୍ରଛାତ୍ରୀମାନଙ୍କୁ ଛାତ୍ରବୃତ୍ତି ପ୍ରଦାନ କରିବ। ସ୍ନାତକ ଛାତ୍ରଛାତ୍ରୀଙ୍କୁ ୨ଲକ୍ଷ ଟଙ୍କା ପର୍ଯ୍ୟନ୍ତ ଅନୁଦାନ ପ୍ରଦାନ କରାଯିବ। ଛାତ୍ରଛାତ୍ରୀମାନଙ୍କୁ ସେମାନଙ୍କର ଶୈକ୍ଷିକ ଯୋଗ୍ୟତା ଏବଂ ଆର୍ଥିକ ସ୍ଥିତି ଆଧାରରେ ଛାତ୍ର ବୃତ୍ତି ପାଇଁ ଚୟନ କରାଯିବ । ଅନ୍ୟପକ୍ଷରେ, ଇଞ୍ଜିନିୟରିଂ, ପ୍ରଯୁକ୍ତି ବିଦ୍ୟା, ଶକ୍ତି ଏବଂ ଲାଇଫ ସାଇନ୍ସ ର କିଛି ଚୟନିତ କ୍ଷେତ୍ରରେ ଭାରତର ୧୦୦ଜଣ ପ୍ରତିଭାବାନ ଛାତ୍ରଛାତ୍ରୀଙ୍କୁ ସ୍ନାତକୋତ୍ତର ଛାତ୍ରବୃତ୍ତି ପ୍ରଦାନ କରାଯିବ। ଛାତ୍ରଛାତ୍ରୀମାନଙ୍କୁ ଜାତୀୟ ବିକାଶ ଏବଂ ବିଶ୍ୱ ସ୍ତରରେ ପ୍ରଗତି ପାଇଁ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଉନ୍ନତ ଅଧ୍ୟୟନ ଏବଂ ଗବେଷଣା ପାଇଁ ୬ ଲକ୍ଷ ଟଙ୍କା ପର୍ଯ୍ୟନ୍ତ ଅନୁଦାନ ମିଳିବ। ଏହି ଛାତ୍ରବୃତ୍ତିର ଲକ୍ଷ୍ୟ ହେଉଛି ଭବିଷ୍ୟତର ନେତୃତ୍ୱ ନେବାର କ୍ଷମତା ରଖୁଥିବା ଏକ ସମୁଦାୟ ସୃଷ୍ଟି କରିବା ଯେଉଁମାନଙ୍କର ସାମାଜିକ, ପରିବେଶଗତ ଏବଂ ଡିଜିଟାଲ୍ ଚିନ୍ତାଧାରା ରହିଛି ଏବଂ ଯେଉଁମାନେ ଭାରତ ପାଇଁ କିଛି ବଡ଼ ଚିନ୍ତା କରିପାରିବେ।

ରିଲାଏନ୍ସ ୨୯ ବର୍ଷରୁ ଅଧିକ ସମୟ ଧରି ମେଧାବୀ ଛାତ୍ରଛାତ୍ରୀମାନଙ୍କୁ ଛାତ୍ରବୃତ୍ତି ଦେଇ ଆସୁଛି। ରିଲାଏନ୍ସ ଏ ପର୍ଯ୍ୟନ୍ତ ବିଭିନ୍ନ ମାଧ୍ୟମରେ ୨୮,୦୦୦ରୁ ଅଧିକ ଛାତ୍ର ବୃତ୍ତି ପ୍ରଦାନ କରିସାରିଛି । ଫାଉଣ୍ଡେସନ୍ ଅନୁଯାୟୀ, ଛାତ୍ର ବୃତ୍ତି ପାଇଥିବା ଅଧିକାଂଶ ଛାତ୍ରଛାତ୍ରୀ ଆଜି ସେମାନଙ୍କ ବୃତ୍ତିଗତ ଜୀବନରେ ବହୁତ ଭଲ ସୁନାମ ଅର୍ଜନ କରୁଛନ୍ତି ଏବଂ ଭାରତର ପ୍ରଗତିରେ ଯୋଗଦାନ ଦେଉଛନ୍ତି । ସ୍କଲାରସିପ୍ ବିଷୟରେ ଅଧିକ ଜାଣିବା ଏବଂ ଆବେଦନ କରିବାକୁ, scholarships.reliancefoundation.org ପରିଦର୍ଶନ କରନ୍ତୁ।