ସାହାଜପାଲ/ବୌଦ୍ଧ ସଦର,୨୦/୦୮: ବୌଦ୍ଧ ସଦର ବ୍ଳକ ମୁଣ୍ଡିପଦର ଗ୍ରାମ ପଞ୍ଚାୟତରେ ନିର୍ମାଣ ହେଉଛି ନୂତନ ସ୍ୱାସ୍ଥ୍ୟକେନ୍ଦ୍ର ଓ ଏନଏମ କେନ୍ଦ୍ର । ହେଲେ ଏହା ନିମ୍ନମାନର ଓ ବିନା ସୂଚନା ଫଳକରେ କାମ ହେଉଥିବା ଅଭିଯୋଗ ହୋଇଛି।  ଏହି ସ୍ୱାସ୍ଥ୍ୟ କେନ୍ଦ୍ରର ଭୂମିତଳୁ ନିର୍ମାଣ ହୋଇଥିବା କଲମକୁ ବାଲିରେ କିମ୍ବା ପଥର ଗୁଣ୍ଡ ଦେଇ ପୋତାଯିବା କଥା । ସେହିଭଳି ନ ହୋଇ କଲମଗୁଡିକ ମାଟିରେ ପୋତା ଯାଇଥିବା ଦେଖିବାକୁ ମିଳିଛି । ସେହିପରି  ବିନା ସୂଚନା ଫଳକରେ ଠିକାଦାର କାମ କରୁଛନ୍ତି। ତେବେ  ଏହା କେତେ ଲକ୍ଷ୍ୟ ଟଙ୍କାର କାମ,କେଉଁ ବର୍ଷର କାମ, କେବେ ସାରିବା କଥା,ଏହାର କୌଣସି ସୂଚନା ଫଳକ ଲାଗିନଥିବା ଦେଖିବାକୁ ମିଳିଛି। ଅନ୍ୟପଟେ ଏନେଇ ଏଠାରେ ଠିକାଦାର କହିଛନ୍ତି, ମୁଁ ସବୁ ବିଲ୍ ପାଇ ସାରିଛି ସ୍ୱାସ୍ଥ୍ୟ ନିର୍ମାଣ ନକଲେ ଵି ଚଳିବ । ଏ ଦିଗରେ ସ୍ୱାସ୍ଥ୍ୟ ବିଭାଗର ଯନ୍ତ୍ରୀ ବିଭାଗଙ୍କୁ ଯୋଗାଯୋଗ କରିବାରୁ ତାଙ୍କର କଲ ଲାଗିନଥିଲା। ତେଣୁ ତୁରନ୍ତ ଏ ଦିଗରେ ଜିଲ୍ଲା ପ୍ରଶାସନ ପକ୍ଷରୁ ନଜର ଦେବା ପାଇଁ ଦାବି ହୋଇଛି।