କଣ୍ଟାମାଳ,୧୧।୬ : ଘଣ୍ଟାପଡ଼ା(ମାଣ୍ଡିଆଯୋର)- କୋଡ଼ିବାହାଲ ରାସ୍ତା ମଝିରେ ଘଣ୍ଟାପଡା ପୁଲିସ ପୋଲିସ ଚଢାଉ କରି ୧୦୦ କେଜି ଗଞ୍ଜେଇ ସହ ୪ଟି ବାଇକ ଜବତ କରିଛି। ତେବେ ପୋଲିସକୁ ଦେଖି ଅଭିଯୁକ୍ତମାନେ ବାଇକ ଛାଡି ଫେରାର ହୋଇଯାଇଥିଲେ।
ବୌଦ୍ଧ ଜିଲ୍ଲା କଣ୍ଟାମାଳ ଅନ୍ତର୍ଗତ ଘଣ୍ଟାପଡା ପୁଲିସ ବିଶ୍ଵସ୍ତ ସୂତ୍ରରୁ ଖବର ପାଇ ଘଣ୍ଟାପଡ଼ା(ମାଣ୍ଡିଆଯୋର)- କୋଡ଼ିବାହାଲ ରାସ୍ତା ମଝିରେ ଛକି ରହିଥିଲା। ଅନେକ ବାଇକରେ ଗଞ୍ଜେଇ ଧରି ଆସୁଥିବା ଚୋରା ଚାଲାଣକାରୀ ପୁଲିସକୁ ଦେଖି ବାଇକ ଛାଡ଼ି ଚମ୍ପଟ ମାରିଥିଲେ। କେତେକ ବାଇକ ଚାଳକ ନିଜ ବାଇକ ବୁଲାଇ ଫେରାର ମାରିଥିଲେ । ୪ଟି ବାଇକ ଛାଡି ଯାଇଥିଲେ। ପୁଲିସ୍ ଉକ୍ତ ବାଇକ ଗୁଡିକରେ ବନ୍ଧାଯାଇଥିବା ଗଞ୍ଜେଇ ଓ ୪ଟି ବାଇକ ଜବତ କରିଥିଲା। ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ଓଜନ କରାଯାଇଥିଲା। ମୋଟ ୧୦୦ କେଜି ହୋଇଥିଲା। ଏନେଇ ଘଣ୍ଟାପଡ଼ା ଥାନାରେ ଏକ ମାମଲା ରୁଜୁ କରି ଅଧିକ ତଦନ୍ତ କରୁଥିବା ନେଇ ଥାନାଧିକାରୀ ମାଧବ ଚନ୍ଦ୍ର ଟାକ୍ରି ସୂଚନା ପ୍ରଦାନ କରିଛନ୍ତି।
