ସଇଁତଳା,୧୦/୮ : ଗଞ୍ଜେଇ ବେପାରୀକୁ କାବୁ କରିଛି ସଇଁତଲା ପୁଲିସ । ଏକ ଚାରି ଚକିଆ ଗାଡି ଡିକି ଭିତରେ ଏକ ରୋଲ ବ୍ୟାଗରେ ଗଞ୍ଜେଇ ଚାଲାଣ କରୁଥିଲେ । ଗଞ୍ଜେଇ ଚୋରା ଚାଲାଣ ହେଉଥିବାର ଖବରପାଇ ସଇଁତଲା ପୁଲିସ ବାଟରେ ଛକି ବସିଥିଲା ।
ସୂଚନା ଅନୁସାରେ, ବଲାଙ୍ଗିର ଜିଲ୍ଲା ସଇଁତଳା ପୁଲିସ ଚାରି ଚକିଆ ଦୁଇଟି ଗାଡିରେ ଗଞ୍ଜେଇ ଚାଲାଣ ହେଉଥିବା ଖବରପାଇଥିଲା । ପରେ ବରଗାଁ-ମହଗାଁ ମଝିରେ ଥିବା ଲାଂଥ ନଦୀ ବ୍ରିଜ ନିକଟରେ ପାଟ୍ରୋଲିଂ କରୁଥିବାବେଳେ ଗୋଟିଏ ଗାଡିକୁ କାବୁ କରିଥିଲା । ଅନ୍ୟ ଗାଡିଟି ପୋଲିସକୁ ଦେଖିବା ପରେ ଫେରାର ମାରିବାକୁ ଚେଷ୍ଟା କରୁଥିଲା କିନ୍ତୁ ଫେଲ ମାରିବା ପରେ ଦୁଇଟି ଗାଡିକୁ ଜବତ କରିବାରେ ସଫଳ ହୋଇଛି ପୋଲିସ ।
ଥାନାକୁ ଦୁଇ ଜଣ ଗଞ୍ଜେଇ ଚାଲାଣକାରୀକୁ ଆଣି ପଚରାଉଚରା କରିବା ପରେ ବୌଦ୍ଧରୁ ଟିଟିଲାଗଡ଼ ଦେଇ ରାୟପୁରକୁ ଗଞ୍ଜେଇ ଚାଲାଣ କରିବା ପାଇଁ ବ୍ୟବସ୍ଥା କରାଯାଉଥିଲା । ହେଲେ ପୋଲିସ ହାତରେ ଦୁଇ ଗଞ୍ଜେଇ ବେପାରୀ, ୧୦୦କେଜି ୨୩୦ଗ୍ରାମ ଗଞ୍ଜେଇ ଜବତ ହୋଇଛି । ଅଭିଯୁକ୍ତମାନେ ହେଲେ ସୁବର୍ଣ୍ଣପୁର ଜିଲ୍ଲାର ସଂଜୀବ ମିଶ୍ର ଓ ବୌଦ୍ଧର ଦେବନ୍ତ କର୍ଣ୍ଣ ବୋଲି ଜଣାପଡିଛି । ଦୁଇଟି ଚାରି ଚକିଆ ଗାଡି, ୧୫ହଜାର ଟଙ୍କା ଓ ଦୁଇଟି ମୋବାଇଲ ଜବତ ହୋଇଛି । ଦୁଇ ଅଭିଯୁକ୍ତଙ୍କୁ ଆସନ୍ତାକାଲି କୋର୍ଟ ଚାଲାଣ କରାଯିବା ସହ ସମସ୍ତ ତଥ୍ୟ ସାମ୍ବାଦିକ ସମ୍ମିଳନୀରେ ଟିଟିଲାଗଡ଼ ଏସଡ଼ିପିଓ ଯଶୋବନ୍ତ ପ୍ରଧାନୀ ସୂଚନା ଦେବେ ବୋଲି ଜଣାପଡିଛି ।
