ମୋହନା,୨୨/୧୧: ଅଡବା ଥାନାର ବଡ଼ ସଫଳତା । ଚଢାଉରେ ଜବତ ହେଲା ୧୦୪ କେଜି ଗଞ୍ଜେଇ ଏବଂ ବୋଲେରୋ ଗାଡ଼ି । ଏହି ଘଟଣାରେ ୨ ଜଣଙ୍କୁ ଗିରଫ କରାଯାଇଛି । ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଗୋପୀନାଥପୁର ଗାଁ ନିକଟରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଗୋପୀନାଥପୁର ଗାଁ ନିକଟରେ ବେଆଇନ ଗଞ୍ଜେଇ କାରବାର ହେଉଥିବା ନେଇ ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଉକ୍ତ ସ୍ଥାନରେ ଅଡବା ଥାନା ପୋଲିସ ଚଢାଉ କରିଥିଲା । ଉକ୍ତ ସ୍ଥାନରେ ଚଢାଉ କରି ୧୦୪ କେଡି ଗଞ୍ଜେଇ ଜବତ କରିଛି ପୋଲିସ । ଏହା ସହ ଘଟଣାସ୍ଥଳରୁ ଏକ ବୋଲେରୋ ଗାଡ଼ି ମଧ୍ୟ ଜବତ କରାଯାଇଛି । ଏଥି ସହିତ ଘଟଣାରେ ସମ୍ପୃକ୍ତ ଥିବା ୨ ଜଣଙ୍କୁ ଅଡବା ପୋଲିସ ଗିରଫ କରିଛି ।