ମୋହନା, ୧୭/୫(ଆପ୍ର): ସ୍ୱାସ୍ଥ୍ୟସେବା କ୍ଷେତ୍ରରେ ପରିବର୍ତନ ଆଣିବା ପାଇଁ କେନ୍ଦ୍ର ଓ ରାଜ୍ୟ ସରକାର ବହୁ ବ୍ୟବସ୍ଥା କରିଛନ୍ତି l ଉଭୟ ସରକାରଙ୍କ ମିଳିତ ଉଦ୍ୟମରେ ରୋଗୀ କଲ୍ୟାଣ ସମିତି ଦ୍ୱାରା ରାଜ୍ୟର ବିଭିନ୍ନ ସହର ଓ ଗାଁ ଗୁଡିକରେ ରୋଗୀଙ୍କୁ ମାଗଣା ସେବା ଯୋଗାଇବା ପାଇଁ ୧୦୮ ଆମ୍ବୁଲାନ୍ସ ସେବା ଚାଲିଛିl ପୂର୍ବ ସରକାର ଅମଳରୁ ମୋହନା ନିର୍ବାଚନ ମଣ୍ଡଳୀର ମୋହନା, ଅଡବା, ଚନ୍ଦ୍ରଗିରି, ଆର ଉଦୟଗିରି, ରାୟଗଡରେ ଥିବା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଗୁଡିକ ନିକଟରେ ୧୦୮ ଆମ୍ବୁଲାନ୍ସ ସେବା ରଖାଯାଇଛି। ଦୁର୍ଘଟଣା ହେଉ କିମ୍ବା ଗର୍ଭବତୀ ମାଙ୍କୁ ମେଡିକାଲ ପହଞ୍ଚାଇବା ହେଉ କିମ୍ବା ଗୁରୁତର ଥିବା ରୋଗୀଙ୍କୁ ମେଡିକାଲ ନେବା ପାଇଁ ମାଗଣାରେ ଏହି ଆମ୍ବୁଲାନ୍ସ ସେବା ସରକାର ଯୋଗାଇଛନ୍ତି l 

ତେବେ ଏହି ଆମ୍ବୁଲାନ୍ସ ସେବା ଏବେ ଅତ୍ୟନ୍ତ ଅବ୍ୟବସ୍ଥା ଦେଇ ଗତି କରୁଛି। ବର୍ତମାନ ସାରା ରାଜ୍ୟରେ ଗ୍ରୀଷ୍ମ ପ୍ରଭାବରେ ଗରମ ଓ ଗୁଳଗୁଳି ଲାଗି ରହିଛି। ଏଥି ମଧ୍ୟରେ ରୋଗୀଙ୍କୁ ମୋହନାରୁ ବ୍ରହ୍ମପୁର ମେଡିକାଲ ନେବା ହେଉ କିମ୍ବା ଚନ୍ଦ୍ରଗିରିରୁ ମୋହନା କିମ୍ବା ଦୁର୍ଘଟଣାସ୍ଥଳରୁ ସ୍ଥାନୀୟ ମେଡିକାଲ ନେବା ସମୟରେ ରୋଗୀଙ୍କୁ ଏହି ଅସହ୍ୟ ଗରମ ଓ ଗୁଳୁଗୁଳିରେ ଯିବାକୁ ପଡୁଛି। ୧୦୮ ଆମ୍ବୁଲାନ୍ସରେ ଶୀତତାପ ନିୟନ୍ତ୍ରିତ ବ୍ୟବସ୍ଥା ଅଚଳ ହେlଇ ରହିଥିବା ବେଳେ ପଙ୍ଖା ମଧ୍ୟ୍ୟ ନାହିଁ। ବଡ଼ କଷ୍ଟରେ ରୋଗୀଙ୍କୁ ନେବାକୁ ପଢୁଛି ବୋଲି କହିଛନ୍ତି ୧୦୮ ଆମ୍ବୁଲାନ୍ସ କର୍ମଚାରୀ। ଦୀର୍ଘ ଦୁଇ ବର୍ଷ ହେଲାଣି ଅଚଳ ଏଭଳି ସମସ୍ୟା ଥିବା ଅଭିଯୋଗ କରିଛନ୍ତି କର୍ମଚାରୀ। 

ଏବିଷୟରେ ଉପର ଅଧିକାରୀ ଙ୍କୁ ଜଣାଇଲେ ମଧ୍ୟ ସମସ୍ୟାର ସମାଧାନ ହେଉନି। ଯାହା ଦ୍ୱାରା ଝରକା ଖୋଲି ରୋଗୀଙ୍କୁ ନେବାକୁପଡୁଛି ବୋଲି କହିଛନ୍ତି କର୍ମଚାରୀ। ତେଣୁ ୧୦୮ ଆମ୍ବୁଲାନ୍ସ ସମସ୍ୟା ଦୂର ପାଇଁ ପଦକ୍ଷେପ ନେବାକୁ ଦାବି କରିଛନ୍ତି କର୍ମଚାରୀ ଓ ସ୍ଥାନୀୟ ବାସିନ୍ଧା l ଏନେଇ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ.ମୁବାରକ ଅଲ୍ଲୀଙ୍କୁ ପଚାରିବା ପରେ ସେ ପଦକ୍ଷେପ ନିଆଯିବ ବୋଲି କହିଛନ୍ତି।