ଫିରିଙ୍ଗିଆ,୨୧/୭  : ବିପର୍ଯ୍ୟସ୍ତ ହୋଇପଡିଛି ୧୦୮ ଆମ୍ବୁଲାନ୍ସ ସେବା । ରୋଗୀଙ୍କୁ ମିଳୁନି ଆମ୍ବୁଲାନ୍ସ ସେବା । ଆମ୍ବୁଲାନ୍ସ ନପାଇ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଅଞ୍ଚ ର ଗରିବ ରୋଗୀ । ଆମ୍ବୁଲାନ୍ସ କୁ ଅପେକ୍ଷା କରି ମେଡିକାଲ ବାରଣ୍ଡାରେ ଘଣ୍ଟାଘଣ୍ଟା ଧରି ରୋଗୀଙ୍କୁ ଅପେକ୍ଷା କରିବାକୁ ପଡୁଛି ପରିବାର ଲୋକଙ୍କୁ । ଏଭଳି ଏକ  ଦୃଶ୍ୟ ଦେଖିବାକୁ ମିଳିଛି ଆଦିବାସୀ ବହୁଳ କନ୍ଧମାଳ ଜିଲ୍ଲାର ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ । 

ସୂଚନା ଅନୁସାରେ ଫିରିଙ୍ଗିଆ ବ୍ଲକ କେଲାପଡା ପଞ୍ଚାୟତ ଟୁମୂଲା ପଦର ଗାଁ ର ସରୋଜିନୀ କହଁର ନାମକ ଜଣେ ମହିଳା ବିଲରେ କାମ କରୁଥିବା ବେଳେ ପଡିଯାଇ ତାଙ୍କର ବାମ ଗୋଡ଼ ଭାଙ୍ଗିଯାଇଥିଲା । ତାଙ୍କ ସ୍ୱାମୀ ଉମାଚରଣ କହଁର ଓ ତାଙ୍କର କିଛି ସମ୍ପର୍କୀୟ ତାଙ୍କୁ ପ୍ରଥମେ ଫିରିଙ୍ଗିଆ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆଣିଥିଲେ I ପରେ ତାଙ୍କର ଅବସ୍ଥା ଗୁରୁତର ହେବାରୁ ଫିରିଙ୍ଗିଆ ମେଡିକାଲରେ ଚିକିତ୍ସା କରିଥିବା ଡାକ୍ତର ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠେଇ ଦେଇଥିଲେ I ଏହା ପରେ ଗୁରୁତର ଆହତ ହୋଇ ଯନ୍ତ୍ରଣାରେ ଛଟପଟ ହେଉଥିବା ମହିଳା ଙ୍କ ସ୍ୱାମୀ ୧୦୮ ଆମ୍ବୁଲାନ୍ସ କୁ ଯୋଗାଯୋଗ କରିଥିଲେ I କିନ୍ତୁ ଦୁଃଖ ଓ ପରୀତାପ ର ବିଷୟ ଦୀର୍ଘ ୪ ରୁ ୫ ଘଣ୍ଟା ଅପେକ୍ଷା କରିବା ପରେ ମଧ୍ୟ୍ୟ ୧୦୮ ଆମ୍ବୁଲାନ୍ସ ସେବା ମିଳିପାରିନଥିଲା I କଲ ସେଣ୍ଟର କୁ କଲ କଲେ କେବଳ ଅପେକ୍ଷା କର ଆମ୍ବୁଲାନ୍ସ ଏବେ ଲେବୁଲ ନାହିଁ ବୋଲି କୁହା ଯାଉଥିଲା I ଅନ୍ୟପଟେ ମହିଳା ଜଣକ ଅତି ଗରିବ ଶ୍ରେଣୀର ହୋଇଥିବା ବେଳେ ତାଙ୍କ ପକ୍ଷେ ବେସରକାରୀ ଆମ୍ବୁଲାନ୍ସ କରିବା ସମ୍ଭବ ହୋଇପାରିନଥିଲା I 

ଘଟଣା ବିଷୟରେ ଖବର ପାଇ ଫିରିଙ୍ଗିଆ ଦୁଇ ଯୁବ ସାମ୍ବାଦିକ ପ୍ରେସ କ୍ଲବ ସଭାପତି ଉତ୍ତମ ଖମାରି ଓ ସୁବ୍ରତ କୁମାର ମହାନ୍ତି ଖବର ସଂଗ୍ରହ କରିବା ପାଇଁ ମେଡିକାଲ ରେ ପହଞ୍ଚି ଥିଲେ ଖବର ସଂଗ୍ରହ କରିବା ସହ ମହିଳା ଙ୍କ ଯନ୍ତ୍ରଣା ସହିନପାରି ବାଧ୍ୟ ହୋଇ ମେଡିକାଲ ରେ ଥିବା ଅନ୍ୟ ଏକ ଆମ୍ବୁଲାନ୍ସ କୁ ନିଜ ହାତରୁ ବିଲ ପଇଠ କରି ଗୁରୁତର ମହିଳା ଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଲୟ କୁ ପଠେଇ ଥିଲେ I ତେବେ ଏହି ଫିରିଙ୍ଗିଆ ମେଡିକାଲ ରେ ଏହା ନୁଆଁ ଘଟଣା ନୁହଁ ଆଗରୁ ମଧ୍ୟ୍ୟ ଅନେକ ରୋଗୀ ଏହି ୧୦୮ ଆମ୍ବୁଲାନ୍ସ ସେବା ପାଇବାରୁ ବଞ୍ଚିତ ହୋଇ ବହୁ ଅସୁବିଧାର ସମ୍ମୁଖୀନ ହେଉଥିବା ନଜିର ରହିଛି I ତେଣୁ ଏହି ଫିରିଙ୍ଗିଆ ମେଡିକାଲ ରେ ରୋଗୀ ମାନଙ୍କୁ ଆମ୍ବୁଲାନ୍ସ ସେବା ଯୋଗାଇଦେବା ପାଇଁ ସାଧାରଣରେ ଦାବି ଜୋର ଧରିଛି I