ପୁରୀ, ୧/୭ :  ଗତ ଦୁଇ ଦିନ ମଧ୍ୟରେ ପୁରୀ ରଥଯାତ୍ରାରୁ ପୁରୀ ପୋଲିସ ଓ ରୁଚିକା ସମାଜ ମଙ୍ଗଳ ସଂଗଠନର ମିଳିତ ସହଯୋଗରେ ୧୧ଜଣ ଶିଶୁ ଶ୍ରମିକ ଉଦ୍ଧାର । ସେଥି ମଧ୍ୟରେ ପିପିଲି ଅଂଚଳରୁ ଜଣେ ଶିଶୁ , ବଡ଼ ଶଙ୍ଖ ନିକଟରୁ ୬ଜଣ ଶିଶୁ  ଓ ସମୁଦ୍ର କୂଳ ଥାନା ଅଂଚଳରୁ ୫ଜଣ ଶିଶୁ କାର୍ଯ୍ୟ କରୁଥିଲେ । ସୂଚନାରୁ ଜଣା ପଡ଼ିଛି ଯେ ବାହାର ରାଜ୍ୟରୁ ଆସି ଓଡିଶାରେ ବେପାର କରିବା ଉଦେଶ୍ୟରେ ଛୋଟ ଛୋଟ ଶିଶୁମାନଙ୍କୁ ଅଣି ଶ୍ରମିକ ଭାବେ କମ୍ ପଇସା ଦେଇ କାର୍ଯ୍ୟରେ ଲଗାଉଛନ୍ତି ।

ଶିଶୁଙ୍କୁ ମନା ବାଉଁଶ ରାଣୀ

ଗତ କାଲି ରୁଚିକା ସମାଜ ମଙ୍ଗଳ ସଂଗଠନ ଓ ସମୁଦ୍ର କୂଳ ଥାନାର ମିଳିତ ସହଯୋଗରେ ବାଉଁଶ ରାଣୀ କରୁଥିବା ଏକ ଶିଶୁକୁ ଉଦ୍ଧାର କରାଯାଇଛି I ସୂଚନା ଅନୁସାରେ ବହୁ ପୁରାତନ ସମୟରୁ ଦେଖି ଆସୁଥିବା ବାଉଁଶ ରାଣୀରେ ପ୍ରାୟତଃ ଛୋଟ ଶିଶୁମାନଙ୍କୁ ପ୍ଲେଟ ଓ ରସି ମାଧ୍ୟମରେ ବାଉଁଶ ନାଟକ ପରିଦର୍ଶନ କରାଯାଏ I ବର୍ତ୍ତମାନ ଆଇନ୍ ଅନୁସାରେ ଛୋଟ ଶିଶୁମାନଙ୍କୁ କୌଣସି ବିପଦ ସଙ୍କୁଳ କାର୍ଯ୍ୟରେ ନ କରାଇବା ପାଇଁ କଡ଼ାକଡ଼ି ଭାବେ ଆଇନ୍ ଲାଗୁ ହୋଇସାରିଛି I ରଥଯାତ୍ରା ଅବସରରେ ଛତିଶଗଡ଼ରୁ ଆସିଥିବା ଦୁଇ ବାଉଁଶ ନାଟ୍ୟ ଦମ୍ପତ୍ତି ଏକ ୬ବର୍ଷର ଶିଶୁ କନ୍ୟାକୁ ପୁରୀ ସମୁଦ୍ରକୂଳ ନିକଟରେ ବାଉଁଶ ରାଣୀ ପରିଦର୍ଶନ କରାଉଥିଲେ । ଖବରପାଇ ରୁଚିକା ସାମାଜ ମଙ୍ଗଳ ସଂଗଠନ ଓ ସମୁଦ୍ର କୂଳ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶିଶୁ ଟିକୁ ଉଦ୍ଧାର କରିଛନ୍ତି I ଜିଲ୍ଲା ଶିଶୁ ମଙ୍ଗଳ ସମିତି ଶିଶୁଟିର ସମସ୍ତ ଦାୟିତ୍ଵ ନେବେ ବୋଲି କହିଛନ୍ତି I