ନୂଆଦିଲ୍ଲୀ,୦୩/୦୮: ଅଧା ରହିଗଲା ଜଳଲାଗି । ବାଟରେ ଜଗିଥିଲା ମୃତ୍ୟୁ । ଉତ୍ତରପ୍ରଦେଶ ଗୋଣ୍ଡାରେ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଆଖି ପିଛୁଳାକେ ଲିଭିଗଲା ୧୧ ଜୀବନ ଦୀପ । ନିୟନ୍ତ୍ରଣ ହରାଇ କେନାଲକୁ ଏକ ଗାଡ଼ି ଖସି ପଡିବା ଫଳରେ ୧୧ ଜଣଙ୍କର ମୃତ୍ୟୁ ହୋଇଛି । ୪ ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ୩ ଶିଶୁ ରହିଛନ୍ତି । ଗାଡ଼ିରେ ମୋଟ୍ ୧୫ ଜଣ ଥିଲେ । ଆହତଙ୍କ ଅବସ୍ଥା ଗୁରୁତର ରହିଛି । ସମସ୍ତେ ପୃଥୀନାଥ ମନ୍ଦିରରେ ଜଳଲାଗି କରିବାକୁ ଯାଉଥିଲେ । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଘଟଣକୁ ନେଇ ଶୋକ ପ୍ରକାଶ କରିଛନ୍ତି ।
ମିଳିଥିବା ସୂଚନା ଅନୁସାରେ, ଗୋଣ୍ଡା ମୋତିଜଙ୍ଗ ଥାନା ସିହାଗାଓଁ-ଖରଗୁପୁରରେ ଏହି ଭୟଙ୍କର ଦୁର୍ଘଟଣା ହୋଇଛି । ଘଟଣାସ୍ଥଳରେ ଉପସ୍ଥିତ ଲୋକ ପୁଲିସକୁ କହିଛନ୍ତି କି ଲଗାତାର ବର୍ଷା ଯୋଗୁଁ ନଦୀକୂଳ ରାସ୍ତା ଧୋଇ ହୋଇ ଯାଇଥିଲା । ଗାଡ଼ିର ସ୍ପିଡ଼ ଟିକେ ଅଧିକ ଥିଲା । ଅଚାନକ ଗାଡ଼ିଟି ନୟନ୍ତ୍ରଣ ହରାଇ ଦେଖୁ ଦେଖୁ କେନାଲକୁ ଖସି ପଡ଼ିଥିଲା । ସ୍ଥାନୀୟ ଲୋକ ପ୍ରଥମେ ସେଠାରେ ପହଞ୍ଚି ଲୋକଙ୍କ ଉଦ୍ଧାର କାର୍ଯ୍ୟରେ ଲାଗିଥିଲେ । ପୁଲିସକୁ ଅଘଟଣ ବାବଦରେ ଜଣାଇଥିଲେ । ସୂଚନା ପାଇ ପୁଲିସ ଓ ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ଅହତଙ୍କୁ ହସ୍ପିଟାଲରେ ପହଞ୍ଚାଇଥିଲେ । ଦୁର୍ଘଟଣାକୁ ନେଇ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଅଧିକାରୀଙ୍କୁ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଦ୍ରୁତ ଗତିରେ କରିବାକୁ ନିର୍ଦ୍ଦେଶ ଦେଇଛନ୍ତି । ଆହତଙ୍କ ଉତ୍ତମ ଚିକିତ୍ସା ସୁନିଶ୍ଚିନ୍ତ କରିବାକୁ କହିଛନ୍ତି । ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି ।
CM Yogi Adityanath has taken cognisance of the accident in Gonda and expressed condolences to the bereaved families. He has directed the officials to reach the spot and speed up the relief operations. He has also directed for the proper medical treatment of the injured: Uttar… https://t.co/af9KZa20Bs
— ANI (@ANI) August 3, 2025
ଗୋଣ୍ଡା ଜିଲ୍ଲା ମୋତିଗଞ୍ଜ ଥାନା ସିହା ଗାଁର ଦୁଇ ପରିବାର ୧୫ ଜଣ ବୋଲେରୋରେ ପ୍ରସିଦ୍ଧ ପୃଥୀନାଥ ମନ୍ଦିର ଯାଉଥିଲେ । ହେଲେ କିଏ ଜାଣିଥିଲା ସେମାନେ ଆଉ କେବେ ଘରକୁ ଫେରିବେ ନାହିଁ । ବାଟରେ ତାଙ୍କୁ ଯମ ଜଗି ବସିଥିଲା ବୋଲି କେହି କଳ୍ପନା ବି କରିନଥିଲେ । ମୃତ ୧୧ ଜଣ ହେଲେ ବିଣା (୩୫). କାଜଲ (୨୨), ମହକ (୧୨), ଦୁର୍ଗେଶ, ନନ୍ଦୀନି, ଅଙ୍କିତ୍, ଶୁଭ, ସଞ୍ଜୁ ବର୍ମା, ଅଞ୍ଜୁ, ଅନସୁୟା ଓ ସୌମ୍ୟା ।
