ବରଗଡ,୨୪।୬ : ଅନାସ୍ଥା ପ୍ରସ୍ତାବ ଆଗତର ଦିନକ ପୂର୍ବରୁ ବରଗଡ଼ ବିଧାନସଭା ଅନ୍ତର୍ଗତ ତୋରା ଗ୍ରାମରେ ହୋଇଛି ବଡ ଧରଣର ରାଜନୈତିକ ପରିବର୍ତ୍ତନ। ତୋରା ଗ୍ରାମ ପଞ୍ଚାୟତରେ ସରପଞ୍ଚଙ୍କ ବିରୁଦ୍ଧରେ ଆସିଥିବା ଅନାସ୍ଥା ପ୍ରସ୍ତାବର ଭୋଟ୍ ଗ୍ରହଣର ଦିନକ ପୂର୍ବରୁ ମଙ୍ଗଳବାର ଗ୍ରାମ ପଞ୍ଚାୟତର ସମସ୍ତ ୧୬ ଜଣ ୱାର୍ଡ଼ ମେମ୍ବର ବିଧିବଦ୍ଧ ଭାବେ ଭାରତୀୟ ଜନତା ପାର୍ଟିରେ ଯୋଗଦାନ କରିଛନ୍ତି।
ସମସ୍ତ ସଭ୍ୟ ନିଜ ଅଞ୍ଚଳର ସ୍ୱାର୍ଥ ତଥା ବିକଶିତ ଗ୍ରାମ ବିକଶିତ ବରଗଡ଼ର ସ୍ଲୋଗାନରେ ପ୍ରଭାବିତ ହୋଇ ବରଗଡ଼ର ବିଧାୟକ ଅଶ୍ୱିନୀ କୁମାର ଷଡ଼ଙ୍ଗୀଙ୍କ ବାସଭବନକୁ ଯାଇ ଯୋଗଦାନ କରିଥିଲେ । ତୋରା ଗ୍ରାମ ପଞ୍ଚାୟତର ସମସ୍ତ ୧୬ ଜଣ ୱାର୍ଡ ମେମ୍ବରଙ୍କୁ ଫୁଲତୋଡ଼ା ଦେଇ ସ୍ୱାଗତ କରିଥିଲେ । ସେମାନେ ଏକତା, ସମନ୍ୱୟ ଓ ସଂଯୁକ୍ତ ଦୃଷ୍ଟିକୋଣ ସହିତ ଗ୍ରାମ ପଞ୍ଚାୟତର ସୁସଂଗଠିତ ଓ ଅବିରତ ବିକାଶ ପାଇଁ ପ୍ରତିଶୃତିବଦ୍ଧ। ଏହି ଏକତା ତୋରା ଗ୍ରାମ ପଞ୍ଚାୟତର ଉନ୍ନତି ଓ ପରିବର୍ତ୍ତନରେ ନୂଆ ଅଧ୍ୟାୟ ସୃଷ୍ଟି କରିବ ବୋଲି ବିଧାୟକ ଶ୍ରୀ ଷଡ଼ଙ୍ଗୀ କହିଛନ୍ତି
