କଟକ, ୨୪/୧୧ : କଟକ ମଧୁପାଟଣାରୁ ବାଂଲାଦେଶୀ ନାବାଳିକା ଉଦ୍ଧାର ଘଟଣାରେ ଦୁଇ ଜଣଙ୍କୁ ଗିରଫ କଲା ମଧୁପାଟଣା ଥାନା ପୋଲିସ । ଗିରଫ ଅଭିଯୁକ୍ତ ଦୁଇ ଜଣ କଟକ ସଦର ଥାନା ଅନ୍ତର୍ଗତ ଶ୍ରୀ କୋରୁଁଅ ଅଞ୍ଚଳର ସ୍ବାମୀ ସ୍ତ୍ରୀ। ନାବାଳିକାର କହିବା ମୁତାବକ ଏକ ଚାକିରି ନିମନ୍ତେ ବାଂଲାଦେଶରେ ଏହି ଫେସ୍ ବୁକ୍ ମାଧ୍ୟମ ରେ ଚାଟ କରି କଲିକତା ଆସିଥିଲା ଓ ପରବର୍ତ୍ତୀ ସମୟରେ ଭୁବନେଶ୍ୱର ଆସି ପହଞ୍ଚିବା ପରେ ଦଲାଲ ମାଧ୍ୟମରେ କଟକ ରେ ପହଞ୍ଚିଥିଲା।
ଗତ ୯ତାରିଖରେ ନାବାଳିକା ଜଣକ ମଧୁପାଟଣା ଅଞ୍ଚଳରେ ବୁଲୁଥିବା ସମୟରେ ପୋଲିସ ଉଦ୍ଧାର କରି ବସୁନ୍ଧରାକୁ ପଠାଇଥିଲା। ପରବର୍ତ୍ତୀ ସମୟରେ ଜଣା ପଡ଼ିଥିଲା କି ନାବାଳିକା ଜଣକୁ ଅନୈତିକ କାର୍ଯ୍ୟରେ ଲିପ୍ତ କରିଥିଲେ ଏହି ଦମ୍ପତି ତେବେ ସିଡବ୍ଲ୍ୟୁସି ଅଭିଯୋଗ ଆଧାରରେ ପୋଲିସ ଉଭୟ ଦମ୍ପତିଙ୍କୁ ଗିରଫ କରି କୋର୍ଟ ଚାଲାଣ କରିଛି।ତେବେ ଉଦ୍ଧାର ନାବାଳିକା ଗିରଫ ଦମ୍ପତିଙ୍କ ସହ ଆଇଏମଓ ଆପରେ କଥା ହୋଇଥିବା ପୋଲିସ ଆଗରେ ବୟାନ ଦେଇଛି ।
