ଜଗତସିଂହପୁର,୧୮।୨ : କଟକ-ପାରାଦୀପ ରାସ୍ତାର ନୂଆପଡା ଛକ ନିକଟରେ ଦୁର୍ଘଟଣା ।ଭାରସାମ୍ୟ ହରାଇ ଖୁଣ୍ଟରେ ପିଟି ହେଲା ବାଇକ । ଏଥିରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛି। ମୃତକମାନେ ହେଲେ ଗୋକୁଳିପୁର ଗାଁର ରୁଦ୍ର ନାରାୟଣ ଜେନା ଓ ତୋଫାନ ଜେନା । ଗୁରୁତର ଜଣଙ୍କୁ ଜଗତସିଂହପୁର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଗୋକୁଳିପୁର ଗାଁର ରୁଦ୍ର ନାରାୟଣ ଜେନା, ତୋଫାନ ଜେନା ଓ ଅନ୍ୟ ଜଣେ ଏକ ପଲସର ବାଇକରେ ଦ୍ରୁତ ଗତିରେ ଯାଉଥିଲେ। କଟକ-ପାରାଦୀପ ରାସ୍ତାର ନୂଆପଡା ଛକ ନିକଟରେ ଗାଡି ଉପରୁ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଖୁଣ୍ଟରେ ପିଟି ହୋଇ ରାସ୍ତାରେ ଛିଟିକି ହୋଇ ପଡିଥିଲେ। ଘଟଣାସ୍ଥଳରେ ରୁଦ୍ର ଓ ନାରାୟଣଙ୍କ ମୃତ୍ୟୁ ଘଟିଥିଲା। ଅନ୍ୟ ଜଣେ ଗୁରୁତର ହୋଇଥିଲେ। ସ୍ଥାନୀୟ ଲୋକମାନେ ଗୁରୁତର ଜଣଙ୍କୁ ଉଦ୍ଧାର କରି ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି।
