ନୂଆଦିଲ୍ଲୀ,୨୮/୦୧: ଦିଲ୍ଲୀ ବୁରାରିରେ ଗତକାଲି(ସୋମବାର) ଏକ ୪ ମହଲା ବିଲ୍ଡି ଭୁଶୁଡି ପଡିଥିଲା । ଏ ଅଘଟଣରେ ୨ ଜଣ ଶ୍ରମିକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସେପଟେ ଘଟଣାସ୍ଥଳ ପରିଦର୍ଶନ କରି ବଡ ଅବହେଳା ହୋଇଥିବା କହିଛନ୍ତି ବିଜେପି ସାଂସଦ ମନୋଜ ତିୱାରୀ । 

ସୋମବାର ସନ୍ଧ୍ୟା ୭ଟାରେ ଦିଲ୍ଲୀ ବୁରାରିରେ ୨୦୦ ବର୍ଗଫୁଟ ଅଞ୍ଚଳରେ ଥିବା ଏକ ୪ ମହଲା ବିଲ୍ଡିଂ ଭୁଶୁଡି ପଡିଥିଲା । ଭଗ୍ନାବଶେଷ ତଳେ ଅନେକ ଶ୍ରମିକ ଫସି ରହିଥିଲେ । ଦୁର୍ଘଟଣା ଖବର ମିଳିବା ପରେ ପୋଲିସ, ଦମକଳ ଓ ଏନଡିଆରଏଫ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ଦୀର୍ଘ ଘଣ୍ଟା ଧରି ଉଦ୍ଧାରକାର୍ଯ୍ୟ ଆରମ୍ଭ ହୋଇଥିଲା । ଭଗ୍ନାବଶେଷରେ ଫସି ରହିଥିବା ଶ୍ରମିକଙ୍କୁ ସୁରକ୍ଷିତ ଉଦ୍ଧାର ପାଇଁ ଅଭିଯାନ ଆରମ୍ଭ ହୋଇଥିଲା । ୧୨ ଜଣଙ୍କୁ ଉଦ୍ଧାର କାରଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେମାନଙ୍କ ମଧ୍ୟରୁ ୨ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏବେ ବି ଉଦ୍ଧାରକାର୍ଯ୍ୟ ଚାଲିଛି । ଆହୁରି ଶ୍ରମିକ ଫସି ରହିଛନ୍ତି ।

#UPDATE | 2 people lost their lives after a four-storey building collapsed in Delhi's Burari area yesterday: Delhi Police

Rescue operation is still going on. So far 12 people have been rescued. https://t.co/vm1i60ZlQP

— ANI (@ANI) January 28, 2025

ସେପଟେ ଦୁର୍ଘଟଣାସ୍ଥଳ ପରିଦର୍ଶନ କରିଥିଲେ ବିଜେପି ସାଂସଦ ମନୋଜ ତିୱାରୀ । ଏଥିରେ କୌଣସି ସନ୍ଦେହ ନାହିଁ ଏହା କେବଳ ଅବହେଳା ହୋଇଛି । ନୂଆ କରି ତିଆରି ହୋଇଥିବା ବିଲ୍ଡିଂ କିପରି ଭୁଶୁଡି ପଡିଲା । ଏ ନେଇ ଯିଏ ଦାୟୀ ତାକୁ ଛଡା ଯିବ ନାହିଁ କହିବା ସହିତ ବର୍ଷିଥିଲେ ବିଜେପି ସାଂସଦ । 

ଏହା ବି ପଢନ୍ତୁ...ଦିଲ୍ଲୀର ବୁରାରିରେ ଭୁଶୁଡ଼ି ପଡ଼ିଲା ୪ ମହଲା ବିଲ୍ଡିଂ : ଅନେକ ଶ୍ରମିକଙ୍କ ଫସି ରହିଥିବା ଆଶଙ୍କା

ପ୍ରକାଶଥାଉ କି, ଏହା ପୂର୍ବରୁ ଗତ ୨୩ ତାରିଖରେ ଉତ୍ତର-ପୂର୍ବ ଦିଲ୍ଲୀର ବ୍ରହ୍ମପୁରୀ ଅଞ୍ଚଳରେ ଏକ କୋଠାର ଆଶିଂକ ଭୁଶୁଡି ପଡିଥିଲା । ସେଥିରେ ୫ ଜଣ ଶ୍ରମିକ ଆହତ ହୋଇଥିଲେ । ବରିଷ୍ଠ ପୋଲିସ ଅଧିକାରୀଙ୍କ ସମେତ ଅଗ୍ନିଶମ ବାହିନୀ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ ।