ନୂଆଦିଲ୍ଲୀ,୫।୧: ଆମେରିକାର ମହାକାଶ ସଂସ୍ଥା ନାସା ଆର୍ଟେମିସ୍-୨ ମିଶନ୍ ସମ୍ପର୍କରେ ଏକ ବଡ଼ ଘୋଷଣା କରିଛି। ନାସାର ଆର୍ଟେମିସ୍ ମିଶନ୍ ହେଉଛି ଚନ୍ଦ୍ରକୁ ମଣିଷ ପଠାଇବାର ଏକ ବଡ଼ ଯୋଜନା। ନାସା ଫେବୃଆରୀ ୨୦୨୬ ରେ ଆର୍ଟେମିସ୍-୨ ମିଶନ୍ ଲଞ୍ଚ କରିପାରେ। ନାସା ଶେଷ ଥର ପାଇଁ ୫୩ ବର୍ଷ ପୂର୍ବେ, ୧୯୭୨ରେ, ଆପୋଲୋ ୧୭ ମିଶନ୍ ସମୟରେ ଚନ୍ଦ୍ରରେ ପାଦ ଦେଇଥିଲା। ସେବେଠାରୁ, ଆମେରିକା ଚନ୍ଦ୍ରକୁ କୌଣସି ମିଶନ୍ ପଠାଇ ନାହିଁ। ତା ପରେ ଏହା ପ୍ରଥମ ମାନବ ମିଶନ୍ ହେବ,ଯାହାଦ୍ବାରା ଚନ୍ଦ୍ରପୃଷ୍ଠରେ ପୁଣି ପାଦ ଦେବ ମଣିଷ। ଏହି ମିଶନ୍ ପ୍ରାୟ ୧୦ ଦିନ ଚାଲିବ।
ନାସା ଏହି ମିଶନକୁ ଫେବୃଆରୀ ୫ କିମ୍ବା ୬ ରେ ଲଞ୍ଚ କରିବ ବୋଲି ଆଶା କରାଯାଉଛି। ଯଦି ବିଳମ୍ବ ହୁଏ, ତେବେ ଏହା ଏପ୍ରିଲ ୨୦୨୬ସୁଦ୍ଧା ଲଞ୍ଚ ହେବ। ଏହି ମିଶନ ଆମେରିକାର ଫ୍ଲୋରିଡାର କେନେଡି ସ୍ପେସ୍ ସେଣ୍ଟରର ଲଞ୍ଚ କମ୍ପ୍ଲେକ୍ସ ୩୯ବି ରୁ ଲଞ୍ଚ ହେବ। ଏହା ସେହି ସ୍ଥାନ ଯେଉଁଠାରୁ ଆପୋଲୋ ମିଶନ୍ ଲଞ୍ଚ କରାଯାଇଥିଲା।
ରକେଟ୍ ଏବଂ ମହାକାଶଯାନ
ଏହି ମିଶନକୁ ସ୍ପେସ୍ ଲଞ୍ଚ ସିଷ୍ଟମ୍ (SLS) ରୁ ଉତକ୍ଷେପଣ କରାଯିବ। ଏହା ବ୍ଲକ ୧ ଭର୍ସନରେ ରହିବ। ଏସ୍ଏଲଏସ୍ ଏକକାଳୀନ ଚନ୍ଦ୍ରକୁ ଓରିଅନ୍ ମହାକାଶଯାନ, ମହାକାଶଚାରୀ ଏବଂ ମାଲବାହୀ ପଠାଇପାରିବ। ‘ଓରିଅନ୍’ ନାମକ ଏହି ମହାକାଶଯାନରେ ଚାରି ଜଣ ବସିପାରିବେ। ଏଥିରେ ଲାଇଫ୍ ସପୋର୍ଟ ସିଷ୍ଟମ, ନାଭିଗେସନ୍ ଏବଂ କମ୍ୟୁନିକେସନ୍ର ଆଧୁନିକ ଟେକ୍ନୋଲୋଜି ରହିବ। ଓରିଅନ୍ ଚନ୍ଦ୍ରକୁ ପରିକ୍ରମା କରିବା ପରେ ଫେରି ଆସିବ।
ମହାକାଶଚାରୀ କିଏ?
ନାସାର ଆର୍ଟେମିସ୍-୨ ମିଶନରେ ଚନ୍ଦ୍ରକୁ ଯାତ୍ରା କରୁଥିବା ମହାକାଶଚାରୀଙ୍କ ମଧ୍ୟରେ କାନାଡିଆନ୍ ମହାକାଶ ଏଜେନ୍ସିର ମିଶନ ବିଶେଷଜ୍ଞ ଜେରେମି ହାନସେନ୍, ନାସାର ମିଶନ ବିଶେଷଜ୍ଞ କ୍ରିଷ୍ଟିନ୍ କୋଚ୍, ନାସାର ପାଇଲଟ୍ ଭିକ୍ଟର ଗ୍ଲୋଭର ଏବଂ ନାସାର କମାଣ୍ଡର ରିଡ୍ ୱିଜମ୍ୟାନ୍ ରହିବେ। ଏହି ଚାରି ଜଣ ମହାକାଶଚାରୀ ଆର୍ଟେମିସ-୨ ମିଶନର ଅଂଶ ହେବେ।
ମିଶନ କେତେ ଦିନର?
ଏହି ମିଶନ ପ୍ରାୟ ୧୦ ଦିନ ରହିଛି ଏବଂ ଚନ୍ଦ୍ରକୁ ପରିକ୍ରମା କରିବ। ଏହା ପ୍ରଥମେ ପୃଥିବୀକୁ ପରିକ୍ରମା କରିବ ଏବଂ ଚନ୍ଦ୍ର ପଛ ଦେଇ ଫେରିବ। ଚନ୍ଦ୍ରରୁ ଏହାର ନିକଟତମ ଦୂରତା ପ୍ରାୟ ୭୪୦୦ କିଲୋମିଟର ହେବ। ଏହା ଚନ୍ଦ୍ରରେ ଅବତରଣ କରିବ ନାହିଁ; ଏହା କେବଳ ଏହାର ଚାରିପଟେ ବୁଲିକି ଚାଲିଆସିବ।
କ’ଣ ରହିଛି ଉଦ୍ଦେଶ୍ୟ ?
ମଣିଷ ସହିତ ଓରିଅନ୍ ଏବଂ ଏସ୍ଏଲଏସ୍ ମହାକାଶଯାନ ପରୀକ୍ଷଣ କରିବା ଏବଂ ଲାଇଫ୍ ସପୋର୍ଟ ସିଷ୍ଟମ, ଏବଂ ଅନ୍ୟାନ୍ୟ ଦିଗଗୁଡ଼ିକୁ ଯାଞ୍ଚ କରିବା। ଏହା ଆର୍ଟେମିସ୍-୩ ମିଶନ୍ (୨୦୨୭ରେ ଚନ୍ଦ୍ର ଅବତରଣ) ପାଇଁ ପ୍ରସ୍ତୁତି। ଏହି ମିଶନ୍ ଚନ୍ଦ୍ରରେ ଏକ ସ୍ଥାୟୀ ଆଧାର ସ୍ଥାପନ ଏବଂ ମଙ୍ଗଳ ଗ୍ରହକୁ ଯିବାର ଏକ ରାସ୍ତା ଖୋଲିଯିବ।
