ରିଆମାଳ ୨୨/୦୫: ରେଙ୍ଗାଲି ଜଳ ଭଣ୍ଡାରରେ ବଡ ଅଘଟଣ। ଡଙ୍ଗା ବୁଡି ୩ ଜଣଙ୍କ ମୃତ୍ୟୁ। ମାଆ ସହ ଚାଲିଗଲା ଦୁଇ ପୁଅଙ୍କ ଜୀବନ, ବାପା ଉଦ୍ଧାର। ଏଭଳି କିଛି ଅଭାବନୀୟ ଘଟଣା ଦେଖିବାକୁ ମିଳିଛି କୁଣ୍ଢେଇଗୋଳା ଥାନା ତଲେଇସର ଗାଁରେ।
ସୂଚନା ଅନୁଯାୟୀ, ରିଆମାଳ ବ୍ଲକ କୁଣ୍ଢେଇଗୋଳା ଥାନା ତଲେଇସ ଗାଁର ଗୁଲୁ ଧିବର। ତାଙ୍କ ଦୁଇ ପୁଅ ଆୟୁସ, ରିଆନ୍ସୁ ଏବଂ ପତ୍ନୀଙ୍କ ସହ ଗତ ରାତିରେ ରେଙ୍ଗାଲି ଜଳଭଣ୍ଡାର ଭିତରକୁ ମାଛ ମାରିବାକୁ ଯାଇଥିଲେ। ହେଲେ ସେହି ସମୟରେ କୌଣସି କାରଣରୁ ଡଙ୍ଗାଟି ଓଲଟି ପଡିଥିଲା। ଫଳରେ ପାଣିରେ ବୁଡି ଦୁଇ ପୁଅ ସମେତ ମାଆଙ୍କର ମୃତ୍ୟୁ ହୋଇଛି। ଅଳ୍ପକେ ବାପାଙ୍କ ଜୀବନ ବଞ୍ଚିଯାଇଛି। ତିନି ଜଣଙ୍କର ମୃତ ଦେହ ଉଦ୍ଧାର ହୋଇଥିବାବେଳେ ଘଟଣା ସ୍ଥଳରେ ରିଆମାଳ ତହସିଲଦାର, ବିଡ଼ିଓ ଏବଂ କୁଣ୍ଢେଇଗୋଳ ଥାନାଧିକାରୀ, ଅଗ୍ନିଶମ ବିଭାଗ ପହଞ୍ଚି ଘଟଣାର ତଦନ୍ତ କରୁଛନ୍ତି ।
