ଭଦ୍ରକ, ୭।୮ : ଭଦ୍ରକ ଆଞ୍ଚଳିକ ପରିବହନ ବିଭାଗ , ତିହିଡି ଓ ପିରହାଟ ପୁଲିସ ମିଳିତ ଭାବେ ଗାଡି ଯାଞ୍ଚ କରି ନିୟମ ଉଲଂଘନକାରୀଙ୍କ ଠାରୁ ଜରିମାନା ଆଦାୟ କରିଛି। ମୋଟ ୩୬ଟି ଗାଡିରୁ ୫ଲକ୍ଷ ୮୩ ହଜାର ଟଙ୍କା ଫାଇନ ଆଦାୟ କରାଯାଇଛି ।
ଦୁର୍ଘଟଣା ହ୍ରାସ ଲକ୍ଷ୍ୟରେ ଭଦ୍ରକ ଚାନ୍ଦବାଲି ରାଜ୍ୟ ରାଜପଥ ରେ ଯାନବାହନ ଯାଞ୍ଚ କରାଯାଇଥିଲା। ଭଦ୍ରକ ଜିଲ୍ଲା ପରିବହନ ବିଭାଗ , ତିହିଡି ଓ ପିରହାଟ ପୁଲିସର ମିଳିତ ସହଯୋଗରେ ଗାଡି ଯାଞ୍ଚ କରାଯାଇଥିଲା। ମୋଟ ୫ଲକ୍ଷ ୮୩ ହଜାର ଟଙ୍କାର ଜୋରିମାନା କରାଯାଇଛି । ଏହି ଯାଞ୍ଚ ସମୟରେ ମଦ ପିଇ ଗାଡି ଚଳବାଇବା ଅଭିଯୋଗରେ ଜଣେ, ବିନା ହେଲମେଟ ରେ ଗାଡି ଚାଳନା ନେଇ ୩୦ଟି ବାଇକ , ସିଟ ବେଲଟ ପିନ୍ଧି ନ ଥିବା ଅଭିଯୋଗରେ ଦୁଇ ଜଣ, ଓ ଯାତ୍ରୀ ବାହି ଗାଡି ରେ ପଣ୍ୟ ସାମଗ୍ରୀ ପରିବହନ ଅଭିଯୋଗରେ ଏହି ଫାଇନ କଟା ଯାଇଥିବା ଜଣା ପଡିଛି। ଏହି ଯାଞ୍ଚରେ ଜିଲ୍ଲା ପରିବହନର ରାସ୍ତା ସୁରକ୍ଷା ଅଧିକାରୀ ସେକ ଅବଦୁଲ ରହିମ, ଟ୍ରାଫିକ ସବ ଇନ୍ସପେକ୍ଟର ଶର୍ମିଷ୍ଠା ମିଶ୍ର, କନିଷ୍ଠ ଏମ ଭି ଆଇ ପ୍ରିୟଙ୍କା ପ୍ରଧାନ,ଅତିରିକ୍ତ ଟ୍ରାଫିକ ସବ ଇନ୍ସପେକ୍ଟର ଶ୍ୟାସୁନ୍ଦର ନାୟକଙ୍କ ସମେତ ଉଭୟ ତିହିଡି ଓ ପିର ହାଟ ପୁଲିସର କର୍ମଚାରୀ ସାଙ୍ଗକୁ ପରିବହନ ବିଭାଗର କର୍ମଚାରୀ ମାନେ ଉପସ୍ଥିତ ଥିଲେ।
