ଭୋଗରାଇ,୧୭/୧୦: ଉଦୟପୁର-ତାଳସାରୀରେ ଉଚ୍ଚ ଜୁଆର ଫଳରେ ଭାଙ୍ଗିଲା ୪ ଟି ଡଙ୍ଗା । ମାଛ ଧରି ତାଳସାରିକୁ ଫେରୁଥିବା ବେଳେ ଡଙ୍ଗାକୁ ଡଙ୍ଗା ବାଡେଇ ହୋଇ ବୁଡ଼ିଗଲା ରାଜଲକ୍ଷ୍ମୀ ଡ଼ଙ୍ଗା । ଡଙ୍ଗାରେ ମାଛ ଧରିବାକୁ ଯାଇଥିବା ୬ ଜଣ ମତ୍ସ୍ୟଜୀବୀ ଉଦ୍ଧାର ହୋଇଥିବା ବେଳେ ୨ ଜଣ ଗୁରୁତର ଅବସ୍ଥାରେ ହସ୍ପିଟଲରେ ଭର୍ତ୍ତି ହୋଇଛନ୍ତି । ବାଲେଶ୍ୱର ଜିଲ୍ଲାରେ ଏହି ଅଘଟଣ ଘଟିଛି ।
ସୂଚନା ମୁତାବକ, କିଛି ମତ୍ସ୍ୟଜୀବୀ ୪ ଟି ଡଙ୍ଗାରେ ସମୁଦ୍ର ଭିତରକୁ ମାଛ ଧରିବାକୁ ଯାଇଥିଲେ । ଏହି ସମୟରେ ଉଚ୍ଚ ଜୁଆର ଆସିବା ଫଳରେ ଡଙ୍ଗାଗୁଡ଼ିକ ପରସ୍ପର ସହ ପିଟି ହୋଇ ଭାଙ୍ଗି ଯାଇଥିଲା । ସେଥି ମଧ୍ୟରୁ ରାଜଲକ୍ଷ୍ମୀ ନାମକ ଡଙ୍ଗା । ଡଙ୍ଗାଟି ଅନ୍ୟ ଡଙ୍ଗା ସହ ପିଟି ହୋଇ ବୁଡ଼ି ଯାଇଥିଲା । ଏହି ସମୟରେ ୬ ଜଣ ମତ୍ସ୍ୟଜୀବୀଙ୍କୁ ଓଡ୍ରାଫ ଟିମ୍ ଉଦ୍ଧାର କରିଥିଲା । ତନ୍ମଧ୍ୟରୁ ଦୁଇ ଜଣଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି ।
