ଆସିକା, ୨୪।୫ : ନୂଆଁ ନୂଆଁ ତରିକାରେ ହେଉଛି ଗୋ ଚାଲାଣ।  ଥମୁନି ଗୋ ଚୋରା ଚାଲାଣ ରାକେଟ । ଏମିତି ଏକ ଦୃଶ୍ୟ  ଦେଖିବାକୁ ମିଳିଛି ଆସିକା ଭେଟ ନଈ ଅଞ୍ଚଳରେ। ଗୋ- ଚାଲାଣ ବେଳେ ୫୪ଟି ଗାଈ ଉଦ୍ଧାର କରାଯାଇଛି। ଏଥିସହ ୪ ଜଣଙ୍କୁ ପୋଲିସ ଜିମା ଦେଇଛନ୍ତି। 

 କିଛି ଗୋ ଚାଲାଣକାରୀ ପୋଲସରା ଅଞ୍ଚଳରୁ ୫୪ ଟି ଗାଈ ବଡ଼ଗଡ଼ ଅଞ୍ଚଳକୁ ଚାଲାଣ କରୁଥିବା ଖବର ବଜରଙ୍ଗୀ ଦଳର କିଛି ଲୋକଙ୍କୁ ମିଳିଥିଲା। ତାହାକୁ ଆଧାର କରି ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗୀ ଦଳର ସଦସ୍ୟମାନେ ଏକାଠି ହୋଇ ସେମାନଙ୍କୁ ଗୋଡ଼ାଇ ଗୋଡ଼ାଇ ଶେଷରେ କୋଟିନଡା ଥାନା ଅନ୍ତର୍ଗତ ଭେଟ ନଇଁ ଗ୍ରାମରେ ଧରିଥିଲେ। ସବୁଠାରୁ ବଡ଼ ଘଟଣା ହେଲା ଏହି ଗୋରୁ ଚାଲାଣ କାରୀମାନେ ଯେଉଁ ଗ୍ରାମକୁ ଯାଉଥିଲେ ସେହି ଗ୍ରାମର କିଛି ଗୋ ଚରାଳିଙ୍କୁ ହାତ କରି ଗୋରୁ ଗାଈ ମାନକୁ ବିଲରେ ଚରାଇବା ଭଳି କରି ଅନ୍ୟ ଗାଁରେ ଛାଡି ଦିଅନ୍ତି। ପୁଣି ସେହି ଗାଁର କିଛି ଲୋକଙ୍କୁ ହାତେଇ ତା’ ପାଖ ଗାଁ ରେ ଛାଡି ଦିଅନ୍ତି। ଯେମିତି ସହଜରେ କିଏ ଜାଣି ପାରିବ ନାହିଁ ଯେ ଗୋ ଚାଲାଣ ହେଉଛି । ହେଲେ ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗୀ ଦଳ ଏହା ଜାଣିବା ପରେ ଆଜି ୪ ଜଣ ଗୋ ଚାଲାଣ କାରୀ ସହ ୫୪ ଗାଈ କୁ ଉଦ୍ଧାର କରିଥିଲେ। ଗୋରୁମାନଙ୍କୁ କରଚୁଲି ଗୋଶାଳକୁ ପଠାଇ 4 ଜଣଙ୍କୁ ପୋଲିସରେ ଜିମା ଦେଇଛନ୍ତି।ବିଶ୍ୱ ହିନ୍ଧୁ ପରିଷଦ ପ୍ରକାଶ ଗୁରୁ,  ଘୁମୁସର ଜିଲ୍ଲା ସଂଯୋଜିକା ରୀନା ରାଣୀ ଦେବୀ ଏବଂ ବଜରଙ୍ଗ ଦଳର ପୀତବାସ ସାହୁ ସମେତ ସଙ୍ଗଠନର ସଦସ୍ୟମାନେ ଏହି ରାକେଟକୁ କାବୁ କରିଥିଲେ।