କିଡନୀ ଆମ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ, ଯାହା ରକ୍ତକୁ ସଫା କରେ ଏବଂ ଶରୀରରୁ ବିଷାକ୍ତ ପଦାର୍ଥ ବାହାର କରେ। କିନ୍ତୁ ଯେତେବେଳେ ଏହା ଠିକ୍ ଭାବରେ କାମ କରିବା ବନ୍ଦ କରିଦିଏ, ଏହାର ପ୍ରଭାବ ସମଗ୍ର ଶରୀରରେ ଦେଖାଯିବା ଆରମ୍ଭ କରେ ଏବଂ ପ୍ରଥମେ ମୁହଁରେ ଦେଖାଯାଏ । ଯଦି ଆପଣ ସମୟ ଥାଉ ଥାଉ ମୁହଁରେ ଏହି ପରିବର୍ତ୍ତନଗୁଡ଼ିକୁ ଚିହ୍ନିପାରନ୍ତି, ତେବେ ଆପଣ ତୁରନ୍ତ ଚିକିତ୍ସା ଆରମ୍ଭ କରିପାରିବେ।
ଆଖି ଚାରିପାଖରେ ଫୁଲିବା: ଯଦି ସକାଳେ ଉଠିବା ମାତ୍ରେ ଆଖି ତଳେ କିମ୍ବା ଚାରିପାଖରେ ଫୁଲି ଯାଇଥାଏ, ତେବେ ଏହା କେବଳ ନିଦ ଅଭାବ କିମ୍ବା ଆଲର୍ଜି ଯୋଗୁଁ ହୋଇନପାରେ। କିଡନୀ ଫେଲୁଅର ହେଲେ, ଶରୀରରେ ପାଣି ଜମା ହେବା ଆରମ୍ଭ ହୁଏ, ଯାହା ମୁହଁର ଏହି ଅଂଶରେ ଫୁଲା ସୃଷ୍ଟି କରେ।
ମୁହଁ ସୁଖି ଯିବା: ଯେତେବେଳେ କିଡନୀ ଠିକ୍ ଭାବରେ କାର୍ଯ୍ୟ କରେ ନାହିଁ, ରକ୍ତରେ ଲାଲ ରକ୍ତ କଣିକା ସଂଖ୍ୟା ହ୍ରାସ ପାଏ । ଯାହା ରକ୍ତହୀନତା ସୃଷ୍ଟି କରିପାରେ । ଏହାର ପ୍ରଭାବରେ ମୁହଁ ଫିକା ହେବାକୁ ଲାଖିଯାଏ ।
ଓଠ ଏବଂ ଚର୍ମ ଶୁଷ୍କ ହେବା: କିଡନୀ ସମସ୍ୟାରେ, ଶରୀରରେ ଆର୍ଦ୍ରତାର ଅଭାବ ଦେଖାଯାଏ। ଏହାର ପ୍ରଭାବରେ ଓଠ ଫାଟିବା, ଚର୍ମ ଶୁଷ୍କ ହେବା ଏବଂ ମୁହଁରେ ଚମକ ନ ଆସିବା ପରି ଦେଖାଯାଏ।
ମୁହଁ ନାଲି ହୋଇଯିବା: ଯେତେବେଳେ କିଡନୀ ଫେଲ୍ ହୋଇଯାଏ, ରକ୍ତରେ ଥିବା ବିଷାକ୍ତ ପଦାର୍ଥ ବାହାରକୁ ଯାଇ ଚର୍ମକୁ ପ୍ରଭାବିତ କରିପାରେ ନାହିଁ। ମୁହଁରେ ଲାଲ ଦାଗ, ଫୋଟକା କିମ୍ବା କୁଣ୍ଡାଇ ହେବା ଏହାର କାରଣ ହୋଇପାରେ।
ଆଖି ତଳେ କଳା ଦାଗ: କିଡନୀ ରୋଗରେ ଶରୀର କ୍ଳାନ୍ତ ଅନୁଭବ ହୁଏ ଏବଂ ନିଦ ମଧ୍ୟ ହ୍ରାସ ପାଏ। ଏହାର ସିଧାସଳଖ ପ୍ରଭାବ ଆଖି ତଳେ କଳା ଦାଗ ଭାବରେ ଦେଖାଯାଏ।
ହଠାତ୍ ମୁହଁ ଫୁଲିବା: ଯଦି କିଛି ଦିନ ମଧ୍ୟରେ ଆପଣଙ୍କ ମୁହଁ ଫୁଲିଯାଏ କିମ୍ବା କୌଣସି କାରଣ ବିନା ଆପଣଙ୍କ ଓଜନ ବଢ଼ିଯାଏ, ତେବେ ଏହା ଶରୀରରେ ତରଳ ପଦାର୍ଥ ଜମା ହେବାର ଏକ ଲକ୍ଷଣ ହୋଇପାରେ, ଯାହା କିଡନୀ ଫେଲ ହେବାର ଏକ ପ୍ରାରମ୍ଭିକ ଲକ୍ଷଣ।
