ଉମରକୋଟ, ୨୮/୧୦: ଉମକକୋଟ ଅବକାରୀ ବିଭାଗ ଏବଂ ଉମରକୋଟ ପୋଲିସର ମିଳିତ ଚଢ଼ାଉ । ଗଈଧଡି ଗ୍ରାମର ମୁକୁନ୍ଦ ବିଶୋଇଙ୍କ ଅସ୍ଥାୟୀ ଘରୁ ଜବତ ହେଲା ୬୫୦ ଲିଟର ଦେଶୀ ମଦ । ଏହି ଘଟଣାରେ ସମ୍ପୃକ୍ତ ଥିବା ମୁକୁନ୍ଦ ବିଶୋଇ ଗିରଫ ହୋଇ କୋର୍ଟ ଚାଲାଣ ହୋଇଥିବା ବେଳେ ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ ରତାଖଣ୍ଡିଗୁଡା ପଞ୍ଚାୟତର ଗଈଧଡି ଗ୍ରାମରେ ଏଭଳି ଘଟଣା ଘଟିଛି ।
ସୂଚଚନା ମୁତାବକ, ଗଈଧଡି ଗ୍ରାମର ମୁକୁନ୍ଦ ବିଶୋଇ ତାଙ୍କର ଏକ ଅସ୍ଥାୟୀ ଘରେ ଦେଶୀ ମଦ ତିଆରି କରି ବଜାରରେ ବିକ୍ରି କରନ୍ତି । ଏନେଇ ଅନେକ ଥର ଚଢ଼ାଉ ପରେ ବି ମୁକୁନ୍ଦ ଅବକାରୀ ବିଭାଗ ଆଖିରୁ ଖସି ଯିବାରେ ସଫଳ ହୋଇଥିଲା । କିନ୍ତୁ ଏଥର ଅବକାରୀ ବିଭାଗ ସଫଳ ହୋଇଛି । ମୁକୁନ୍ଦ ବିଶୋଇ ଘରେ ଚଢାଉ କରି ୬୫୦ ଲିଟର ରନ୍ଧା ଦେଶୀ ମଦ ଜବତ କରିବା ସହ ଦେଶୀ ମଦ ବେପାରୀ ମୁକୁନ୍ଦ ବିଶୋଇକୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ । ଅନେକ ଚେଷ୍ଟା ପରେ ମୁକୁନ୍ଦକୁ ଧରିବାରେ ଅବକାରୀ ବିଭାଗ ଓ ପୋଲିସ ସଫଳ ହୋଇଛି ବୋଲି କହିଛନ୍ତି ଉମରକୋଟ ଅବକାରୀ ନିରୀକ୍ଷକ ମଞ୍ଜୁଲତା ବାରିକ ।
