ନୂଆଦିଲ୍ଲୀ,୧୩/୦୮: ପ୍ରତିବର୍ଷ ୧୫ ଅଗଷ୍ଟରେ ଭାରତ ସ୍ୱାଧୀନତା ଦିବସ ପାଳନ କରେ। ଏହି ଦିନ ୧୯୪୭ ମସିହାରେ ୨୦୦ ବର୍ଷର ବ୍ରିଟିଶ ଶାସନରୁ ଭାରତ ସ୍ୱାଧୀନତା ପାଇଥିଲା। ସ୍ୱାଧୀନତା ପାଇଁ ଅନେକ ସଂଗ୍ରାମୀ ଜୀବନ ବଳିଦାନ ଦେଇଥିଲେ । ଏହି ବର୍ଷ ମଧ୍ୟ ସାରା ଦେଶରେ ସ୍ୱାଧୀନତା ଦିବସ ମହା ଆଡମ୍ବରରେ ପାଳନ କରାଯିବ। ଯାହା ପାଇଁ ପ୍ରସ୍ତୁତି ଜୋରସୋରରେ ଚାଲିଛି । କିନ୍ତୁ ଆପଣ ଜାଣନ୍ତି ଯେ ଭାରତ କେଉଁ ତମ ସ୍ୱାଧୀନତା ବର୍ଷ ପାଳନ କରିଛି ? ଏହି ବର୍ଷ ଭାରତ ତା’ର ୭୮ତମ ସ୍ୱାଧୀନତା ଦିବସ ପାଳନ କରୁଛି ନା ୭୯ତମ, ସେ ବିଷୟରେ ଲୋକମାନଙ୍କ ମନରେ ଦ୍ୱନ୍ଦ୍ୱରେ ରହିଛି । ଆସନ୍ତୁ ଏହି ପ୍ରଶ୍ନର ଉତ୍ତର ସରଳ ଉପାୟରେ ଜାଣିବା ।
କ'ଣ ଦ୍ବନ୍ଦ୍ବ ? ଅନେକଙ୍କ ମନରେ ପ୍ରଶ୍ନ ଆସୁଥିବ ଭାରତ ତା'ର ୭୮ ନା ୭୯ତମ ସ୍ୱାଧୀନତା ଦିବସ ପାଳନ କରିବ । କାରଣ ବର୍ତ୍ତମାନ ୨୦୨୫ରୁ ୧୯୪୭ (ସ୍ୱାଧୀନତା ବର୍ଷ) କୁ ହ୍ରାସ କରି ଗଣନା କରନ୍ତି । ଏହା କରିବା ଦ୍ୱାରା ଆମେ ୭୮ ସଂଖ୍ୟା ପାଇଥାଉ । ଆପଣଙ୍କୁ କହି ରଖୁଛୁ ଯେ, ଏହି ପଦ୍ଧତିରେ ଆମେ କେବଳ ସ୍ୱାଧୀନତାର ସମ୍ପୂର୍ଣ୍ଣ ବର୍ଷ ଗଣନା କରୁ, ଉତ୍ସବ ସଂଖ୍ୟା ନୁହେଁ ।
ଚଳିତ ବର୍ଷ ସ୍ୱାଧୀନତା ଦିବସ କେଉଁ ତମ ତାହା ଜାଣିବାର ସବୁଠାରୁ ସହଜ ଉପାୟ ହେଉଛି ପ୍ରଥମେ ସ୍ୱାଧୀନତା ଦିବସ ଅର୍ଥାତ୍ ୧୯୪୭ରୁ ଗଣନା କରିବା । ଉଦାହରଣ ସ୍ୱରୂପ, ଭାରତର ପ୍ରଥମ ସ୍ୱାଧୀନତା ଦିବସ ୧୯୪୭ ରେ ପାଳିତ ହୋଇଥିଲା। ଏହା ପରେ ୧୦ତମ ସ୍ୱାଧୀନତା ଦିବସ ୧୯୫୬, ୨୦ତମ ୧୯୬୬ରେ ୫୦ତମ ୧୯୯୬ରେ ପାଳିତ ହୋଇଥିବା ବେଳେ ୭୦ତମ ୨୦୧୬ରେ ପାଳିତ ହୋଇଥିଲା । ଏହି ଗଣନା ଅନୁସାରେ ଦେଖିଲେ ଚଳିତ ବର୍ଷ ଦେଶ ୭୯ତମ ସ୍ୱାଧୀନତା ଦିବସ ପାଳନ କରିବାକୁ ଯାଉଛି । କହିରଖୁଛୁ କି, ଯେତେବେଳେ ଆମେ ବାର୍ଷିକୀ ବିଷୟରେ କଥା ହେଉ, ଏହାକୁ ୭୮ତମ ସ୍ୱାଧୀନତା ଦିବସ ଭାବରେ ବିବେଚନା କରାଯିବ । କାରଣ ଏହି ବାର୍ଷିକୀ ଗୋଟିଏ ବର୍ଷ ପୂରଣ ହେବା ପରେ ପାଳନ କରାଯାଏ ।
