ନୂଆଦିଲ୍ଲୀ,୧୧/୧୦: ତାଙ୍କ ସଫଳତା ଦେଖି ହିମାଳୟ ନତମସ୍ତକ ହୁଏ... ତାଙ୍କ ବିଚାରରେ ସାଗର ଲୀନ ହୋଇଯାଏ... ତାଙ୍କ ତେଜରେ ସୂର୍ଯ୍ୟ ଚମକି ଉଠେ..ଶାଳୀନତାରେ ଚନ୍ଦ୍ର ହସିଉଠେ..ଏମିତି ତୁମେ ବଲିଉଡ଼ ସୁପରଷ୍ଟାର ଅମିତାଭ ବଚ୍ଚନ । ବଡ଼ ସୁପରଷ୍ଟାର । ସବୁଠୁ ବଡ଼ ହିରୋ, ନାୟକ ନୁହଁନ୍ତି ସେ ମହାନାୟକ । ଭାରତୀୟ ସିନେମାର ଶେହେନ୍‌ଶାହ ଅମିତାଭ ବଚ୍ଚନ ୮୩ ବର୍ଷ ବୟସରେ ପାଦ ଥାପିଛନ୍ତି । । ୬ ଦଶବ୍ଦି ଧରି ବଲିଉଡ୍ ଓ ଭାରତୀୟ ଫିଲ୍ମ ଇଣ୍ଡଷ୍ଟ୍ରିରେ ନିଜ ସ୍ବତନ୍ତ୍ର ସ୍ଥାନ ରଖିଥିବା ବିଗ୍ ବି’ଙ୍କ ଜନ୍ମଦିନ । ୧୯୪୨ ମସିହା ଆଜିର ଦିନରେ ଆହ୍ଲାବାଦରେ ଜନ୍ମଗ୍ରହଣ କରିଥିଲେ ଭାରତୀୟ ସିନେମାର ଆଇକନ ଅମିତାଭ ବଚ୍ଚନ । ପ୍ରଖ୍ୟାତ ହିନ୍ଦୀ କବି ହରିବଂଶ ରାୟ ବଚ୍ଚନ ଏବଂ ସମାଜସେବୀ ତେଜି ବଚ୍ଚନଙ୍କ କୋଳ ମଣ୍ଡନ କରିଥିଲେ ମହାନାୟକ ଅମିତାଭ । ଆଜି ତାଙ୍କ ଜନ୍ମଦିନ ଅବସରରେ ଫ୍ୟାନ୍ସ ଓ ସାଥୀ କଳାକାରଙ୍କ ପାଖରୁ ଶୁଭେଚ୍ଛାର ସୁଅ ଛୁଟିଛି । ମୁମ୍ବାଇ ସ୍ଥିତ ବାସଭବନରେ ତାଙ୍କର ଟିକେ ଝଲକ ଦେଖିବାକୁ ଫ୍ୟାନ୍ସ ଅପେକ୍ଷା କରି ରହିଛନ୍ତି ।

​​​​​​​ଅମିତାଭଙ୍କ କ୍ୟାରିୟର-  ଆଙ୍ଗ୍ରି ୟଙ୍ଗ ମ୍ୟାନ୍, ବିଗ୍‌ ବି, ଶେହେନ୍‌ଶାହଙ୍କ ଜନ୍ମଦିନକୁ ଅଦିନିଆ ଦୀପାବଳି ଭାବେ ମନାଉଛନ୍ତି ଫ୍ୟାନ୍ସ । ମୁମ୍ବାଇରେ ତାଙ୍କ ପ୍ରଶଂସକ ଏକାଠୀ ହୋଇ ଉତ୍ସବ ମନାଇଛନ୍ତି । ଜଣେ ଫ୍ୟାନ୍ସ କହିଛନ୍ତି, ଆଜି ସୁପରଷ୍ଟାର ମହାନାୟକ ଅମିତାଭଙ୍କ ବଚ୍ଚନ । ଆଜି ଆମ ପାଇଁ ଦୀପାବଳି । ସେ ସବୁବେଳେ ସୁସ୍ଥ ରୁହନ୍ତୁ ଏତିକି କାମନା । ୧୯୬୯ରେ ଅମିତାଭ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ । ଫିଲ୍ମ ''ଭୁବନ ସୋମେ''ରେ ଭଏସ୍‌ ନ୍ୟାରେଟର ଭାବେ କ୍ୟାରିଅର ଆରମ୍ଭ କରିଥିଲେ । ଏହାପରେ ଆନନ୍ଦ, ଜଞ୍ଜିର, ରୋଟି କପଡା ଔର ମକାନ୍ ଚଳଚ୍ଚିତ୍ରରେ ଆରମ୍ଭ ମହାନାୟକଙ୍କ ଯାତ୍ରା । ଏହା ପରେ ବ୍ୟାକ୍‌ ଟୁ ବ୍ୟାକ୍ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ । ଦିୱାର, ସୋଲେ, କଭି କଭି, ଅମର ଆକବର ଆନ୍ଥୋନୀ, ପର୍ବରିଶ, କସମେ ୱାଦେ, ଡନ୍, ତ୍ରିଶୁଳ, ସୁହାଗ, ଦୋସ୍ତାନା, ଅନ୍ଧାକାନୁନ, କୁଲି ପରି ୨୦୦ରୁ ଅଧିକ ଫିଲ୍ମରେ ଦାମଦାର ଅଭିନୟ କରିଛନ୍ତି ଅମିତାଭ ।

ସମ୍ମାନ-ପୁରସ୍କାର; ଗ୍ଲୋବାଲ ଆଇକନ୍‌ ଅମିତାଭ ବଚ୍ଚନ ତାଙ୍କ ସଫଳତା ପାଇଁ ଅନେକ ପୁରସ୍କାର ହାସଲ କରିଛନ୍ତି । ଭାରତୀୟ ସିନେମା ପ୍ରତି ତାଙ୍କ ଅବଦାନ ପାଇଁ ୨୦୧୯ରେ ଦାଦା ସାହେବ ଫାଲକେ ପୁରସ୍କାରରେ ସମ୍ମାନିତ କରାଯାଇଥିଲା । ପଦ୍ମଶ୍ରୀ, ପଦ୍ମବିଭୂଷଣ ଓ ପଦ୍ମଭୂଷଣ ସମ୍ମାନରେ ମଧ୍ୟ ସମ୍ମାନିତ ହୋଇଥିଲେ । ୨୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ ଯାଦୁ ଦେଖାଇଛନ୍ତି ମହାନାୟକ ଅମିତାଭ । ଏବେ ବି ଅଭିନୟ ଜାରି ରଖିଛନ୍ତି । ବଲିଉଡର ସବୁଠାରୁ ପ୍ରଭାବଶାଳୀ ଅଭିନେତା ମଧ୍ୟରୁ ସେ ଜଣେ । ତାଙ୍କର ମୋଟ୍ ସମ୍ପତ୍ତି ୧.୬୩୦ କୋଟି ହେବ । ବର୍ତ୍ତମାନ ପ୍ରଶ୍ନୋତ୍ତର ରିୟାଲିଟି ଶୋ' କନ୍‌ ବନେଗା କରୌଡ଼ ପତି ହୋଷ୍ଟ କରୁଛନ୍ତି ଅମିତାଭ । ଏହା ତାଙ୍କୁ ଭାରତରେ ସର୍ବାଧିକ ଦରମା ନେଉଥିବା ଟେଲିଭିଜନ ହୋଷ୍ଟ କରିଛି । ୧୯୭୩ରେ ଅଭିନେତ୍ରୀ ଜୟା ବଚ୍ଚନଙ୍କୁ ବିବାହ କରିଥିଲେ । ତାଙ୍କର ଦୁଇ ସନ୍ତାନ ଅଭିଷେକ ବଚ୍ଚନ ଓ ଶ୍ୱେତା ବଚ୍ଚନ ରହିଛନ୍ତି ।