ଭୁବନେଶ୍ୱର,୩୦/୧୦: ଶବଦାହ ପାଇଁ ଆଉ ଦହଗଞ୍ଜ ହେବାକୁ ପଡିବ  ନାହିଁ । ସତ୍ୟନଗର ଶ୍ୱଶାନ ନୂଆରୂପ ପାଇଛି । ଏନେଇ ବୁଧବାର ବିଏମ୍‌ସି କମିଶନର  ଚଞ୍ଚଳ ରାଣା ଶ୍ମଶାନ ବୁଲିବା ସହ ଏହାର ସମୀକ୍ଷା କରିଛନ୍ତି । ଖୁବ୍‌ଶୀଘ୍ର ଏହି ଶ୍ମଶା ଲୋକାର୍ପିତ ହେବ । ସତ୍ୟନଗର ଶ୍ମଶାନର ପୁନ ନବୀକରଣ କରାଯାଇଛି । ଏବାବଦରେ ୨ କୋଟି ୩୮ ଲକ୍ଷ ଟଙ୍କା ଖର୍ଚ୍ଚ ହୋଇଛି । ଏଠାରେ ଗ୍ୟାସଚୁଲା ସହ ୬ଟି କାଠଚୁଲା ପାଇଁ ସ୍ୱତନ୍ତ୍ର ପିଣ୍ଡି ରହିଛି । ଏହା ସହ ଶ୍ମଶାନରେ ପୋଖରୀ କରାଯାଇଛି । ଏହା ସହ  ପାରମ୍ପରିକ ରୀତିନୀତି ଅନୁସାରେ ଶବଦାହ କରିବାକୁ ସବୁ ବ୍ୟବସ୍ଥା କରାଯାଇଛି ।  ବିଏମ୍‌ସି ପକ୍ଷରୁ ରେଷ୍ଟରୁମ, ଶୌଚାଳୟ, ଶ୍ମଶାନରେ କର୍ମଚାରୀ ରହିବାକୁ କ୍ୱାଟର୍ସ  ନିର୍ମାଣ କରାଯାଇଛି । ଶ୍ମଶାନ କାର୍ଯ୍ୟ ସରିଥିବା ବେଳେ ଏହା ଉଦ୍‌ଘାଟନ ଅପେକ୍ଷାରେ  ରହିଛି । ୧୫ ଦିନ ଭିତରେ ଏହି ଶ୍ମଶାନ ଲୋକାର୍ପିତ ହେବ ।    

 

ସତ୍ୟନଗର ଶ୍ମଶାନ ପରେ କମିଶନର ୟୁନିଟ-୪ ହାଟ ବୁଲି ସମୀକ୍ଷା  କରିଥିଲେ । ପରିମଳ ବ୍ୟବସ୍ଥାରେ ସୁଧାର ଆଣିବାକୁ ଦୋକାନୀ ମାନଙ୍କୁ ପରାମର୍ଶ  ଦେଇଥିଲେ । ଏହା ସହ ସହିଦନଗର ମଲ୍ଟିଲେବଲ କାର ପାର୍କିଂ ବୁଲି ଦେଖିଥିଲେ ।