ନୂଆଦିଲ୍ଲୀ,୦୪/୧୦: ପାକିସ୍ତାନ ପାଇଁ ଗୁଇନ୍ଦାଗିରି କରୁଥିବା ଅଭିଯୋଗରେ ହରିୟାଣାର ପଲୱାଲ ପୁଲିସ ୨ ଜଣଙ୍କୁ ଗିରଫ କରିଛି । ସେମାନେ ନୂଆଦିଲ୍ଲୀରେ ଥିବା ପାକ୍ ହାଇକମିଶନରଙ୍କ ଭିସା ବିଭାଗକୁ ଗୋପନୀୟ ତଥ୍ୟ ପ୍ରଦାନ କରୁଥିଲେ । ଭିସା ବିଭାଗରେ କାର୍ଯ୍ୟ କରୁଥିବା ଜାଫର ଓ ଦାନିଶ ନାମକ ଅଧିକାରୀଙ୍କ ସହ ଉଭୟେ ଯୋଗାଯୋଗରେ ଥିଲେ । ଗିରଫ ଦୁଇ ଅଭିଯୁକ୍ତ ହେଲେ କୋଟ ଗ୍ରାମର ୟୁଟ୍ୟୁବର ୱାସିମ ଆକ୍ରମ ଏବଂ ଆଲିମେଭ ଗ୍ରାମର ତୌଫିକ । ପାକିସ୍ତାନୀ ଭିସା କରାଇଦେବା ନାଁରେ ଉଭୟେ ଲୋକଙ୍କ ନିକଟରୁ ଟଙ୍କା ଆଦାୟ କରୁଥିଲେ । ଏହି ଅର୍ଥରୁ ସେମାନେ ସିଂହଭାଗ ପାକ୍ ହାଇକମିଶନରଙ୍କ କାର୍ଯ୍ୟାଳୟକୁ ପଠାଉଥିଲେ । ସେଠାରୁ ଏହି ଅର୍ଥ ସିଧାସଳଖ ପାକିସ୍ତାନୀ ଗୁପ୍ତଚର ସଂସ୍ଥା ଆଇଏସ୍ଆଇ ନିକଟକୁ ଯାଉଥିଲା ।
