ନୂଆଦିଲ୍ଲୀ,୧୮/୯ : ଭାରତର ଟି-୨୦ କ୍ରିକେଟ ଉପରେ ପଲ୍ଲା ଭାରି ରହିଛି । ଅନ୍ତର୍ଜାତୀୟ କ୍ରିକେଟ କାଉନସିଲ(ଆଇସିସି)ର ତାଜା ଟି-୨୦ ଅନ୍ତର୍ଜାତୀୟ ରାକିଂରେ ଭାରତ ଇତିହାସ ରଚିଛି । ଟିମ୍ ଇଣ୍ଡିଆ କେବଳ ଟି-୨୦ର ନମ୍ବର-୧ ଟିମ୍ ଅଟେ । କାରଣ ବ୍ୟାଟିଂ, ବୋଲିଂ ଏବଂ ଅଲରାଉଣ୍ଡର ୩ବ୍ୟକ୍ତିଗତ ଶ୍ରେଣୀରେ ଭାରତୀୟ ଖେଳାଳୀ ଶୀର୍ଷ ସ୍ଥାନରେ ଅଛନ୍ତି । ଖାଲି ଏତିକି ନୁହେଁ, ଭାରତ ବର୍ତ୍ତମାନର ଟି-୨୦ ବିଶ୍ବକପ ଚାମ୍ପିୟନ ବି ଅଟେ ।
ଭାରତୀୟ ଲେଗ୍-ସ୍ପିନର ବରୁଣ ଚକ୍ରବର୍ତ୍ତୀ ତାଙ୍କର ପ୍ରଭାବଶାଳୀ ପ୍ରଦର୍ଶନ ପାଇଁ ICC ଟି-୨୦ ବୋଲିଂ ରାକିଂରେ ଏକ ନମ୍ବର ସ୍ଥାନ ହାସଲ କରିଛନ୍ତି। ସେ ଏହି ସ୍ଥାନ ହାସଲ କରିବା ପାଇଁ ନ୍ୟୁଜିଲ୍ୟାଣ୍ଡର ଜାକବ୍ ଡଫି ଏବଂ ୱେଷ୍ଟଇଣ୍ଡିଜର ଆକିଲ୍ ହୋସୀନଙ୍କୁ ପଛରେ ପକାଇଛନ୍ତି। ନିକଟରେ ବରୁଣ ଏସିଆ କପ୍ ୨୦୨୫ରେ ପାକିସ୍ତାନ ବିପକ୍ଷରେ ଏକ ଗୁରୁତ୍ୱପୂର୍ଣ୍ଣ ୱିକେଟ୍ ନେଇଥିଲେ । ଫଳରେ ଟିମ୍ ଇଣ୍ଡିଆକୁ ତିନି ୱିକେଟରେ ବିଜୟ ହାସଲ କରିବାରେ ସାହାଯ୍ୟ କରିଥିଲା।
ଭାରତର ଯୁବ ତାରକା ଅଭିଷେକ ଶର୍ମା ଟି-୨୦ ଅନ୍ତର୍ଜାତୀୟ ବ୍ୟାଟର ରାକିଂରେ ସମସ୍ତଙ୍କୁ ପଛରେ ପକାଇ ଦେଇଛନ୍ତି। ୟୁଏଇ ଏବଂ ପାକିସ୍ତାନ ବିପକ୍ଷରେ ତାଙ୍କର ବିସ୍ଫୋରକ ଇନିଂସ ତାଙ୍କ କ୍ୟାରିୟରର ସର୍ବୋଚ୍ଚ ରେଟିଂ ପଏଣ୍ଟ ହାସଲ କରିଛି। ଅଭିଷେକଙ୍କ ପ୍ରଦର୍ଶନ ସୂଚାଇ ଦିଏ ଯେ ଭାରତ ଟି-୨୦ କ୍ରିକେଟରେ ଜଣେ ନୂତନ ସୁପରଷ୍ଟାର ପାଇଛି।
ଭାରତର ହାର୍ଦ୍ଦିକ ପାଣ୍ଡ୍ୟା ଅଲରାଉଣ୍ଡର ତାଲିକାରେ ଶୀର୍ଷରେ ରହିଛନ୍ତି। ବ୍ୟାଟିଂ ଏବଂ ବୋଲିଂ ଉଭୟରେ ତାଙ୍କର ସ୍ଥିରତା ତାଙ୍କୁ ଏହି ସ୍ଥାନ ଦେଇଛି। ହାର୍ଦ୍ଦିକ ଟିମ୍ ଇଣ୍ଡିଆ ପାଇଁ ଜଣେ ଗୁରୁତ୍ୱପୂର୍ଣ୍ଣ ସନ୍ତୁଳନକାରୀ, ପାୱାର ହିଟିଂ ଏବଂ ଡେଥ୍ ଓଭର ବୋଲିଂରେ ଦଳକୁ ଶକ୍ତି ଯୋଗାଇଥାନ୍ତି।ଭାରତ ଟି-୨୦ ବିଶ୍ୱକପ୍ ଚାମ୍ପିଅନ୍ ଏବଂ ଗୋଟିଏ ବର୍ଷ ପରେ ମଧ୍ୟ ଫର୍ମାଟରେ ପ୍ରାଧାନ୍ୟ ବିସ୍ତାର କରି ଚାଲିଛି। ଦଳଗତ ରାକିଂରେ ଭାରତ ଶୀର୍ଷ ସ୍ଥାନ ଅଧିକାର କରିଛି ଏବଂ ବର୍ତ୍ତମାନ ବ୍ୟକ୍ତିଗତ ରାକିଂରେ ଭାରତୀୟ ଖେଳାଳିମାନେ ତିନୋଟି ବର୍ଗରେ ଶୀର୍ଷରେ ଅଛନ୍ତି।
