ନୂଆଦିଲ୍ଲୀ,୧୨/୧୦: ଘରୋଇ ଭାରତ ଓ ୱେଷ୍ଟ ଇଣ୍ଡିଜ ମଧ୍ୟରେ ଖେଳାଯାଉଥିବା ଦ୍ୱିତୀୟ ଟେଷ୍ଟରେ ଭାରତ ଆଧିପତ୍ୟ ଜାରି ରଖି ଆଉ ଏକ ବିଜୟ ପାଇଁ ଅଣ୍ଟା ଭିଡ଼ିଛି । ଯଶସ୍ୱୀ ଜୈସ୍ୱାଲଙ୍କ ପରେ ଶୁଭମନ ଗିଲଙ୍କ ଶତକ ବଳରେ ଭାରତ ୫/୫୧୮ ରନ୍‌ରେ ପ୍ରଥମ ଇନିଂସ ଘୋଷଣା କରିଥିଲା । ଜବାବରେ ୱେଷ୍ଟ ଇଣ୍ଡିଜ ପ୍ରଥମ ଇନିଂସ ବ୍ୟାଟ କରି ୨୪୮ରନ୍‌ରେ ଅଲଆଉଟ ହୋଇଛି । ଇଣ୍ଡିଜକୁ ବଡ ଫଲୋଅନ ଦେଇଛି ଇଣ୍ଡିଆ । ୨୭୦ରନ୍ ଟ୍ରାଏଲ କରୁଛି ଭ୍ରମଣକାରୀ ୱେଷ୍ଟଇଣ୍ଡିଜ । କୁଳଦୀ ଯାଦବ ୫ଟି, ରବୀନ୍ଦ୍ର ଜାଡେଜା ୩ଟି ୱିକେଟ ନେଇଛନ୍ତି । ସେହିପରି ବୁମରା ଓ ସିରାଜ ଗୋଟିଏ ଲେଖାଏଁ ୱିକେଟ ଅକ୍ତିଆର କରିଛନ୍ତି । ଇଣ୍ଡିଜ ପକ୍ଷରୁ ଆଲିକ ଆନ୍ଥୋଜ ସର୍ବାଧିକ ୪୧ରନ କରିଛନ୍ତି ।

​​​​​​​ୱେଷ୍ଟଇଣ୍ଡିଜ ଇନିଂସ- ୱେଷ୍ଟ ଇଣ୍ଡିଜ ପ୍ରଥମ ଇନିଂସ ବ୍ୟାଟିଂ ଆରମ୍ଭ କରି ୪ ୱିକେଟ୍‌ ବିନିମୟରେ ୧୪୦ ରନ ସଂଗ୍ରହ କରିଥିଲା । ଦ୍ୱିତୀୟ ଦିବସ ଷ୍ଟମ୍ପ ଅପସାରଣ ସୁଦ୍ଧା ସାଇ ହୋପ୍‌ ୩୧ ଓ ଟେଭିନ ଇମଲାଚ ୧୪ ରନ କରି ଅପରାଜିତ ରହିଥିଲେ । ତୃତୀୟ ଦିନ ଖେଳ ଆରମ୍ଭ ପରେ ଦଳ ଭାରତୀୟ ବୋଲଙ୍କ ଆକ୍ରମଣରେ ଟଳମଳ ହୋଇଥିଲା । ଗୋଟିଏ ପରେ ଗୋଟିଏ ୱିକେଟ ହରାଇଥିଲା । ୨୪୮ ରନ୍‌ରେ ଅଲଆଉଟ ହୋଇଛି ଅତିଥି  ୱେଷ୍ଟଇଣ୍ଡିଜ । ଭାରତ ଦଳକୁ ବଡ଼ ଫଲୋଅନ ଦେଇଛି । ୨୭୦ରନ୍‌ ଟ୍ରାଏଲ କରୁଛି । ଦଳ ପକ୍ଷରୁ ଆଲିକ ଆନ୍ଥୋଜ ୪୧, ଚନ୍ଦରପଲ ୩୪, ସାଇ ହୋପ ୩୬, କେରୀ ପେରୀ ୨୩, ଆଣ୍ଡରସନ ଫିଲିପ ଅପରାଜିତ ୨୪ରନ୍ କରିଛନ୍ତି ।