ଭୁବନେଶ୍ୱର,୧୧/୧୦: ଶନିବାରଠୁ ଦୁଇ ଦିନ ଧରି ଓଡ଼ିଶା ହେମାଟୋଲୋଜିର ୧୫ତମ ବାର୍ଷିକ ସମ୍ମିଳନୀ ମେଫେୟାର କନେ୍ଭନସନ ସେଣ୍ଟରରେ ଅନୁଷ୍ଠିତ ହେବ । ହେମାଟୋଲୋଜି ରୋଗ କ୍ଷେତ୍ରରେ ଦେଖା ଦେଉଥିବା ନୂଆ ନୂଆ ସମସ୍ୟା ସମ୍ପର୍କରେ ଆଲୋଚନା କରାଯିବ । ଦେଶର ବିଭିନ୍ନ ପ୍ରାନ୍ତରୁ ପ୍ରାୟ ୩୦୦ରୁ ଅଧିକ ଡାକ୍ତର ଏହି ସମ୍ମିଳନୀରେ ଯୋଗ ଦେବେ । ୩୫ ଜଣ ଜାତୀୟସ୍ତର ଫାକଲ୍ଟି ସମ୍ମିଳନୀରେ ଅଂଶଗ୍ରହଣ କରିଛନ୍ତି ବୋଲି ଓଡ଼ିଶା ହେମାଟୋଲୋଜି ସମ୍ପାଦକ ପ୍ରଫେସର ଡାକ୍ତର ରବି ଜେନା କହିଛନ୍ତି ।
ସାମ୍ବାଦିକ ସମ୍ମିଳନୀରେ ପ୍ରଫେସର ଜେନା କହିଛନ୍ତି, ଶୁକ୍ରବାରଠାରୁ ଏସ୍ସିବି ମେଡିକାଲ କଲେଜ ଆଣ୍ଡ ହସ୍ପିଟାଲ, ଏମ୍ସ୍ ଭୁବନେଶ୍ୱର, ଆଇଏମଏସ୍ ଆଣ୍ଡ ସମ୍ ହସ୍ପିଟାଲ, ବାଗ୍ଚୀ କ୍ୟାନସର ହସ୍ପିଟାଲ, ଭୁବନେଶ୍ୱର ଠାରେ ପ୍ରାକ୍-ସମ୍ମିଳନୀ କର୍ମଶାଳା ଆୟୋଜିତ ହୋଇଥିଲା । ଯେଉଁଥିରେ ସମଗ୍ର ଓଡ଼ିଶାରୁ ୧୨୦ ରେସିଡେଣ୍ଟ ଓ ସ୍ନାତକୋତ୍ତର ଡାକ୍ତର ଅଂଶଗ୍ରହଣ କରିଥିଲେ ।
