ଭୁବନେଶ୍ବର, ୨୯/୧୦: ଟେଲିକମ୍ କ୍ଷେତ୍ରରେ ଉତ୍କୃଷ୍ଟମାନର ସେବା ନେଇ ଭାରତୀୟ ଟେଲିକମ୍ ନିୟାମକ ପ୍ରାଧିକରଣ ବା ‘ଟ୍ରାଇ’ର ଟେଷ୍ଟ ଡ୍ରାଇଭ୍ ରେଜଲ୍ଟ ପ୍ରକାଶ । ଭୁବନେଶ୍ବରରୁ ରାଉରକେଲା ରାଜମାର୍ଗ ଏବଂ ରାଉରକେଲା ସହରକୁ ଏଥିରେ ସାମିଲ୍ କରାଯାଇଥିଲା । ‘ଟ୍ରାଇ’ର ଅଞ୍ଚଳିକ କାର୍ଯ୍ୟାଳୟ, ହାଇଦ୍ରାବାଦ ତତ୍ତ୍ବାବଧାନରେ ଏହି ଡ୍ରାଇଭ୍ ଟେଷ୍ଟ ହୋଇଥିଲା । ବିବିଧ କ୍ଷେତ୍ରରେ ମୋବାଇଲ ନେଟଓ୍ବର୍କର କାର୍ଯ୍ୟଦକ୍ଷତାକୁ ପରୀକ୍ଷଣ କରାଯାଇଥିଲା । ଏଥିରେ ସହରାଞ୍ଚଳ, ପ୍ରତିଷ୍ଠାନ ହଟସ୍ପଟ୍, ଗ୍ରାମାଞ୍ଚଳ, ଆବାସିକ ଅଞ୍ଚଳ ଆଦି କ୍ଷେତ୍ରକୁ ସାମିଲ୍ କରାଯାଇଥିଲା ।
୨୦୨୫ ଅଗଷ୍ଟ ୧୯ ରୁ ୨୨ ତାରିଖ ମଧ୍ୟରେ ଟ୍ରାଇ ଟିମ୍ ପ୍ରାୟ ୩୩୧.୪ କିଲୋମିଟର ରାଜମାର୍ଗ ଏବଂ ୩୫୫ କି.ମି ରାଉରକେଲା ସହରରେ ଡ୍ରାଇଭ୍ ଟେଷ୍ଟ୍ ହୋଇଥିଲା। ଏଥିରେ ୩.୬ କି.ମିର ଓ୍ବାକିଂ ଟେଷ୍ଟ ଏବଂ ୮ଟି ହଟସ୍ପଟ ସ୍ଥାନରେ ବିସ୍ତୃତ ପରୀକ୍ଷା କରାଯାଇଥିଲା । ପ୍ରଯୁକ୍ତିବିଦ୍ୟା ଅନ୍ତର୍ଭୁକ୍ତ 2G, 3G, 4G ଏବଂ 5G ନେଟଓ୍ବର୍କର ମୂଲ୍ୟାୟନ ହୋଇଛି । ବିଭିନ୍ନ ପ୍ରକାର ମୋବାଇଲ୍ ହ୍ୟାଣ୍ଡ ସେଟର ନେଟଓ୍ବର୍କ କ୍ଷମତା ଏବଂ ଉପଭୋକ୍ତାଙ୍କ ସେବା ଅଭିଜ୍ଞତାକୁ ପରୀକ୍ଷଣ କରାଯାଇଥିଲା ।
ମୂଲ୍ୟାଙ୍କନର ପ୍ରମୁଖ ପାରାମିଟର :
(କ) ଭଏସ୍ ସେବା: କଲ୍ ସେଟଅପ୍ ସଫଳତା ହାର (CSSR), ଡ୍ରପ୍ କଲ୍ ରେଟ୍ (DCR), କଲ୍ ସେଟଅପ୍ ସମୟ, କଲ୍ ନୀରବତା ହାର, କଥା ଗୁଣବତ୍ତା (MOS), କଭରେଜ୍।
(ଖ) ଡାଟା ସେବା: ଡାଉନଲୋଡ୍/ଅପଲୋଡ୍ ଥ୍ରୋପୁଟ୍, ଲାଟେନ୍ସି, ଜିଟର, ପ୍ୟାକେଟ୍ ଡ୍ରପ୍ ହାର, ଏବଂ ଭିଡିଓ ଷ୍ଟ୍ରିମିଂ ବିଳମ୍ବ।
ଭୁବନେଶ୍ୱରରୁ ରାଉରକେଲା ହାଇୱେ ଏବଂ ରାଉରକେଲା ସହରରେ ସାମଗ୍ରିକ ମୋବାଇଲ୍ ନେଟୱାର୍କ କାର୍ଯ୍ୟଦକ୍ଷତା:
କଲ୍ ସେଟଅପ୍ ସଫଳତା ହାର - ଏୟାରଟେଲ୍, BSNL, RJIL ଏବଂ VIL ର ଅଟୋ-ସିଲେକ୍ସନ ମୋଡ୍ ରେ ଯଥାକ୍ରମେ ୧୦୦.୦୦%, ୮୭.୮୫%, ୯୯.୮୦% ଏବଂ ୯୯.୬୦% କଲ୍ ସେଟଅପ୍ ସଫଳତା ହାର ରହିଛି।
ଡ୍ରପ୍ କଲ୍ ରେଟ୍ - ଏୟାରଟେଲ୍, BSNL, RJIL ଏବଂ VIL ର ଅଟୋ-ସିଲେକ୍ସନ ମୋଡ୍ (5G/4G/3G/2G) ରେ ଯଥାକ୍ରମେ ୦.୦୦%, ୫.୩୨%, ୦.୪୦% ଏବଂ ୦.୦୦% ରହିଛି।
