ଭୁବନେଶ୍ୱର, ୧୨/୯: ଓଡ଼ିଶା ଭିଜିଲାନ୍ସ ଜାଲରେ ଫସିଲା ବଡ ମୁଣ୍ଡ। ଏକ ବଡ଼ ଅଭିଯାନରେ ସମ୍ବଲପୁର ଜିଲ୍ଲାର ବାମରା ତହସିଲ୍ର ତହସିଲ୍ଦାର ତଥା ୨୦୧୯ ବ୍ୟାଚର OAS (ଓଡ଼ିଶା ଅଡ଼ମିନିଷ୍ଟ୍ରେଟିଭ୍ ସର୍ଭିସ) କ୍ୟାଡର ଅଶ୍ୱିନୀ କୁମାର ପଣ୍ଡାଙ୍କୁ ଲାଞ୍ଚ ନେବା ଅଭିଯୋଗରେ ବାନ୍ଧିଲା ଭିଜିଲାନ୍ସ ବିଭାହ। ଏହା ସହିତ ତାଙ୍କର ଅଫିସ୍ ଡ୍ରାଇଭର୍ ପି. ପ୍ରଭୀନ୍ କୁମାରଙ୍କୁ ମଧ୍ୟ ଗିରଫ କରାଯାଇଛି।
ମିଳିଥିବା ସୂଚନା ଅନୁଯାୟୀ, ଅଶ୍ୱୀନି ଏକ ଜମି ମ୍ୟୁଟେସନ୍ (ଜମି ହସ୍ତାନ୍ତର) ମାମଲାରେ କୃଷି ଜମିକୁ ଘରବାରି ଜମିରେ ପରିବର୍ତ୍ତିତ କରିବା ପାଇଁ ଜଣେ ଆବେଦକଙ୍କୁ ପ୍ରାରମ୍ଭରେ ୨୦,୦୦୦ ଟଙ୍କା ଲାଞ୍ଚ ମାଗିଥିଲେ। ତେବେ ଆବେଦକ ଜଣକ ଏତେ ପଇସା ଦେବାକୁ ଅସମର୍ଥ ବୋଲି କହିବା ପରେ ସେ ଲାଞ୍ଚର ପରିମାଣକୁ ୧୫,୦୦୦ ଟଙ୍କାକୁ ଖସାଇ ଥିଲେ। ଏହାଛଡା ଲାଞ୍ଚ ନଦେଲେ ମ୍ୟୁଟେସନ୍ ହୋଇପାରିବ ନାହିଁ ବୋଲି ମଧ୍ୟ ଧମକ ଦେଇଥିଲେ। ତେବେ ଶୁକ୍ରବାର ଦିନ ସେ ତାଙ୍କର ଡ୍ରାଇଭର୍ ମାଧ୍ୟମରେ ଏହି ୧୫,୦୦୦ ଟଙ୍କାର ଲାଞ୍ଚ ଗ୍ରହଣ କରୁଥିବା ସମୟରେ ଭିଜିଲାନ୍ସ ଦଳ ତାଙ୍କୁ ମାଡି ବସିଥିଲା।
ଲାଞ୍ଚ ନେଉଥିବା ନେଇ ଧରାପଡ଼ିବା ପରେ ଓଡ଼ିଶା ଭିଜିଲାନ୍ସ ଦଳ ଅଶ୍ୱୀନିଙ୍କର ଭୁବନେଶ୍ୱରର ମେ-ଫେୟାର୍ ରୋଡ୍ସ୍ଥିତ ରେସିଡେନ୍ସିଆଲ୍ ଘରରେ ଚଢାଉ କରିଥିଲା। ଏହି ଚଢାଉ ସମୟରେ ତାଙ୍କ ଘରୁ ୪.୭୩ ଲକ୍ଷ ଟଙ୍କା ଜବତ କରାଯାଇଛି। ଏହାସହ ଭିଜିଲାନ୍ସ ତାଙ୍କର ଅନ୍ୟାନ୍ୟ ସମ୍ପତ୍ତି ଉପରେ ଚଢାଉ ଜାରି ରଖିଛି ଏବଂ ଅଧିକ ପ୍ରମାଣ ପାଇବାର ସମ୍ଭାବନା ରହିଛି।
ଆପଣଙ୍କୁ ଜଣାଇରଖୁ ଯେ, ଅଶ୍ୱୀନି ୨୦୧୯ ମସିହାରେ ଓଡ଼ିଶା ସିଭିଲ୍ ସର୍ଭିସ୍ରେ (OAS) ଟପ୍ପର ହୋଇ ସରକାରୀ ସେବାରେ ପ୍ରବେଶ କରିଥିଲେ। ଏହାପରେ ସେ ଗତ ଡିସେମ୍ବର ୩୦ ତାରିଖ ୨୦୨୧ ମସିହାରେ ବାଲେଶ୍ୱର ଜିଲ୍ଲା କଲେକ୍ଟରଙ୍କ ଅଫିସ୍ରେ ଟ୍ରେନିଂ ରିଜର୍ଭ୍ ଅଫିସର୍ (TRO) ଭାବରେ ଯୋଗଦାନ କରିଥିଲେ। ପରେ ୨୦୨୩ ମସିହାରେ ମୟୂରଭଞ୍ଜ ଜିଲ୍ଲାର ଖୁଣ୍ଟା ତହସିଲ୍ରେ ତହସିଲ୍ଦାର ଭାବରେ ଯୋଗଦାନ କରି ସେଠାରେ କାମ କରୁଥିଲେ। ଚଳିତ ବର୍ଷ ଜୁଲାଇ ମାସରେ ସେ ସମ୍ବଲପୁର ଜିଲ୍ଲାର ବାମରା ତହସିଲ୍ରେ ତହସିଲ୍ଦାର ଭାବରେ କାମ କରିଆସୁଥିଲେ।
ଏହା ପରେ ଓଡ଼ିଶା ଭିଜିଲାନ୍ସ ଆଜି ସମ୍ବଲପୁର, ମୟୂରଭଞ୍ଜ ଓ ନୟାଗଢ଼ ଜିଲ୍ଲାରେ ସମାନ୍ତରଳ ଭାବେ ନିଜ ଅଭିଯାନ ଚଳାଇ ଅନ୍ୟ ଦୁଇଜଣ ସରକାରୀ ଅଧିକାରୀଙ୍କୁ ମଧ୍ୟ ଗିରଫ କରିଛି। ଏହା ଓଡ଼ିଶାରେ ଭ୍ରଷ୍ଟାଚାର ବିରୋଧରେ ସରକାରର କଡ଼ା ପଦକ୍ଷେପକୁ ସୂଚାଉଛି।
ଏହି ଘଟଣା ସାମାଜିକ ସଂଦର୍ଶନରେ ପ୍ରତିକ୍ରିୟା ସୃଷ୍ଟି କରିଛି। ଯେଉଁଠାରେ ଅନେକ ଲୋକ ଲୋକସେବା ଅଧିକାରିଙ୍କ ନୈତିକତା ଓ ସୁଶାସନ ଉପରେ ପ୍ରଶ୍ନ ଉଠାଇଛନ୍ତି। ତେବେ ଅଧିକ ତଦନ୍ତ ଚାଲୁ ରହିଛି।
