ହାଙ୍ଗ୍ଝୌ,୧୩/୦୯: ମହିଳା ହକି ଏସିଆ କପ୍ର ସୁପର-୪ ରାଉଣ୍ଡ୍ରେ ଶନିବାର ଭାରତ ଓ ଜାପାନ ପରସ୍ପରକୁ ଭେଟିବାକୁ ଯାଉଛନ୍ତି । ଏହି ମ୍ୟାଚ୍ ଭାରତ ପାଇଁ ‘କର ବା ମର’ ସଦୃଶ ରହିଛି । ଜାପାନକୁ ହରାଇଲେ ଦଳ ଫାଇନାଲ୍ରେ ପ୍ରବେଶ କରିବ । ପରାଜିତ ହେଲେ ଟାଇଟଲ୍ ଦୌଡ଼ରୁ ବାଦ୍ ପଡ଼ିଯିବ । ତେଣୁ ଭାରତ ମ୍ୟାଚ୍ ଜିତିବା ପାଇଁ ସବୁ ଶକ୍ତି ଖଟାଇବାକୁ ପ୍ରସ୍ତୁତ ।
ସୁପର-୪ ରାଉଣ୍ଡରେ ଭାରତ ୨ଟି ମ୍ୟାଚ୍ରେ ୧ବିଜୟ ଓ ୧ ପରାଜୟ ସହ ମୋଟ ୩ପଏଣ୍ଟ ପାଇ ତାଲିକାରେ ଦ୍ୱିତୀୟ ସ୍ଥାନରେ ରହିଛି । ପ୍ରଥମ ମ୍ୟାଚ୍ରେ ଦଳ ଦକ୍ଷିଣ କୋରିଆକୁ ୪-୨ରେ ହରାଇଥିବାବେଳେ ଦ୍ୱିତୀୟ ମ୍ୟାଚ୍ରେ ଚୀନଠୁ ୪-୧ ଗୋଲ୍ରେ ପରାଜିତ ହୋଇଥିଲା । ଜାପାନ ୨ଟି ମ୍ୟାଚ୍ ଖେଳି ଗୋଟିଏ ଡ୍ର’ ଓ ଗୋଟିଏ ପରାଜୟ ସହ ମାତ୍ର ୧ପଏଣ୍ଟ ପାଇ ତାଲିକାରେ ନିମ୍ନସ୍ଥାନରେ ରହିଛି । ଯଦି ଜାପାନ ଭାରତକୁ ହରାଇବାରେ ସଫଳ ହୁଏ ତା’ହେଲେ ଦଳ ୪ପଏଣ୍ଟ ସହ ଫାଇନାଲ୍ରେ ପ୍ରବେଶ କରିପାରିବ । ମାତ୍ର ଚୀନ-ଦକ୍ଷିଣ କୋରିଆ ମ୍ୟାଚ୍ର ଫଳାଫଳ ଉପରେ ଦଳର ଭାଗ୍ୟ ନିର୍ଭର କରିବ । ଦକ୍ଷିଣ କୋରିଆ ୧ପଏଣ୍ଟ ସହ ତୃତୀୟ ସ୍ଥାନରେ ରହିଛି ।
ଗ୍ରୁପ୍ ପର୍ଯ୍ୟାୟରେ ଭାରତ ଓ ଜାପାନ ସାମ୍ନାସାମ୍ନି ହୋଇଥିଲେ । ଏହି ମ୍ୟାଚ୍ ୨-୨ ଗୋଲ୍ରେ ଡ୍ର’ ହୋଇଥିଲା । ଭାରତ ଶ୍ରେଷ୍ଠ ପ୍ରଦର୍ଶନ ଦେବାକୁ ପ୍ରୟାସ କରିବ । ଦଳର ଷ୍ଟାର୍ ଖେଳାଳି ମମତାଜ୍ ଖାନଙ୍କ ଉପରେ ସମସ୍ତଙ୍କ ନଜର ରହିବ । ସେ ଇତିମଧ୍ୟରେ ଦ୍ୱିତୀୟ ସର୍ବାଧିକ ୬ଟି ଗୋଲ୍ କରି ସାରିଛନ୍ତି । ସେହିପରି ନଭନୀତ କୌର ୫ଟି, ଋତୁଜା ପିସାଲ ୪ଟି ଗୋଲ୍ କରିଛନ୍ତି ।
ମହିଳା ଦଳ: ଗୋଲ୍କିପର- ବାନସାରୀ ସୋଲାଙ୍କି, ବିଚୁଦେବୀ ଖାରିବାମ³ ଡିଫେଣ୍ଡର- ମନୀଷା ଚୌହାନ, ଉଦିତା, ଜ୍ୟୋତି, ସୁମନ ଦେବୀ ଥୌଦାମ, ନିକି ପ୍ରଧାନ, ଇସିକା ଚୌଧୁରୀ³ ମିଡ୍ଫିଲ୍ଡର- ନେହା, ବୈଷ୍ଣବୀ ଫାଲ୍କେ, ସଲିମା ଟେଟେ (ଅଧିନାୟିକା), ଶର୍ମିଳା ଦେବୀ, ଲାଲରେମସିଆମି, ସୁନେଲିତା ଟପ୍ପୋ³ ଫରୱାର୍ଡ- ନଭନୀତ କୌର, ଋତୁଜା ପିସାଲ, ବିୟୂଟୀ ଡୁଙ୍ଗ ଡୁଙ୍ଗ, ମମତାଜ ଖାନ, ସାକ୍ଷୀ, ସଙ୍ଗୀତା କୁମାରୀ ।
