ଭଦ୍ରକ,୨୦/୧୧: ମୀରାମହଲା ସାହିର ସେଖ୍‌ ସାଲାଦିନଙ୍କ ଘରେ ଅଗ୍ନିକାଣ୍ଡ । ନିଆଁ ଲାଗି ୪ ବଖରା ଘର ସମ୍ପର୍ଣ ଜଳି ପୋଡି ପାଉଁଶ ହୋଇଯାଇଛି । ଫଳରେ ଘରେ ଥିବା ସମସ୍ତ ଆସବାବପତ୍ର, ଧାନ, ଚାଉଳ, ଲୁଗା, ବାସନ, ସୁନା, ରୁପା, ବହି, ଖାତା ଇତ୍ୟାଦି ପୋଡ଼ି ଯାଇଛି । ଏହା ସହ ଘରେ ଥିବା ୨ଟି ଗାଈ ଏବଂ ୫ଟି ଛେଳି ମଧ୍ୟ ଏହି ଅଗ୍ନିକାଣ୍ଡରେ ପ୍ରାଣ ହରାଇଛନ୍ତି । ଏହି ଅଗ୍ନିକାଣ୍ଡକ କାରଣ ଅସ୍ପଷ୍ଟ ଥିବା ବେଳେ ଭଦ୍ରକ ଜିଲ୍ଲା ଗୁଜିଦରଡା ପଞ୍ଚାୟତ ମିରାମହଲା ସାହିରେ ଏହି ଘଟଣା ଘଟିଛି ।

ସୂଚନା ମୁତାବକ, ରବିବାର ସେଖ୍ ସାଲାଦିନଙ୍କ ଘର ଲୋକେ କୌଣସି କାମରେ ବାହାରକୁ ଯାଇଥିଲେ । ରାତି ସମୟରେ ହଠାତ ଘରେ ନିଆଁ ଲାଗିଥିଲା । କେହି କିଛି ବୁଝିବା ଆଗରୁ ଘର ସମ୍ପୂର୍ଣ ଜଳି ଯାଇଥିଲା । ଏହା ଦେଖି ଗାଁଲୋକେ ନିଆଁ ଲିଭେଇ ବାକୁ ପ୍ରୟାସ କରିଥିଲେ ଏବଂ ଅଗ୍ନିଶମ ବାହିନୀକୁ ମଧ୍ୟ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀର ଏକ ଟିମ୍‌ ପହଞ୍ଚିଥିଲା । ସେଠାରେ ପହଞ୍ଚି ନିଆଁ ଲିଭେଇବା ବେଳକୁ ଘର ସମ୍ପୂର୍ଣ ଜଳି ପୋଡ଼ି ନଷ୍ଟ ହୋଇ ଯାଇଥିଲା । ଫଳରେ ଘରେ ଥିବା ୨ଟି ଗାଈ ଏବଂ ୫ଟି ଛେଳିଙ୍କ ସହ ସମସ୍ତ ଆସବାବପତ୍ର, ଧାନ, ଚାଉଳ, ଲୁଗା, ବାସନ, ସୁନା, ରୁପା, ବହି, ଖାତା ଇତ୍ୟାଦି ପୋଡ଼ି ନଷ୍ଟ ହୋଇଯାଇଛି ।