ଛତ୍ରପୁର, ୮।୯: ଛତ୍ରପୁର ରେଳ ଷ୍ଟେସନରେ ଚଳନ୍ତା ରେଳ ଗାଡ଼ିରୁ ଖସି ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ଜଣକ ୪୫ ବର୍ଷୀୟ ପ୍ରବୀଣ ବେହେରା । ତାଙ୍କ ଘର ଛତ୍ରପୁର ରାମକୃଷ୍ଣ ନଗର । ଶବ ବ୍ୟବଚ୍ଛେଦ ପରେ ତାଙ୍କ ପରିବାରକୁ ମୃତଦେହ ହସ୍ତାନ୍ତର କରାଯାଇଛି ।
ସୂଚନାନୁସାରେ, ଏକ ଘରୋଇ କୋରିୟାର ସଂସ୍ଥାରେ ପ୍ରବୀଣ କାମ କରୁଥିବା ବେଳେ ସେ ଭୁବନେଶ୍ୱର ଫେରୁଥିଲେ । ଖଲିକୋଟ ଷ୍ଟେସନରେ ଗାଡ଼ିରେ ଆସି ଗତକାଲି ରାତିରେ ଛତ୍ରପୁର ଷ୍ଟେସନରେ ପହଞ୍ଚିଥିଲେ । ଟ୍ରେନରୁ ଓହ୍ଲାଇବା ସମୟରେ ସେ ଧରିଥିବା ବ୍ୟାଗ୍ଟି ଗେଟ୍ରେ ଲାଗିଯାଇଥିଲା । ଟ୍ରେନ୍ଟି ହଠାତ୍ ଛାଡ଼ି ଦେବାରୁ ରେଳ ଲାଇନ ଭିତରକୁ ସେ ପଶିଯାଇଥିଲେ l ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ପ୍ରବୀଣ ଜଣେ ଅବସର ପ୍ରାପ୍ତ ସେନା କର୍ମଚାରୀ ।
