ନୂଆଦିଲ୍ଲୀ; ଆମେରିକାରେ ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ଜିତିବା ପରେ ସମଗ୍ର ବିଶ୍ବରେ ଏବେ ଚୀନକୁ ନେଇ ଚର୍ଚ୍ଚା ଜୋର ଧରିଛି । ଆମେରିକା ଓ ଚୀନ ମଧ୍ୟରେ ଫୁଣି ଆରମ୍ଭ ହେବାକୁ ଯାଉଛି ଟ୍ରେଡ ଓ୍ବାର(ବାଣିଜ୍ୟ ଯୁଦ୍ଧ) । ଘରୋଇ ଉତ୍ପାଦନକୁ ଉତ୍ସାହିତ କରିବା ପାଇଁ ଆମେରିକାର ସମସ୍ତ ଆମଦାନି ଉପରେ ୧୦-୨୦ ପ୍ରତିଶତ ଓ ଚାଇନାରୁ ଆମଦାନି ଉପରେ ୬୦ ପ୍ରତିଷତ ଯାଏ ଶୁଳ୍କ ଲଗାଯିବ ବୋଲି ଟ୍ରମ୍ପ ଏବେଠୁ ଘୋଷଣା କରିସାରିଲେଣି ।
ବିଶେଷଜ୍ଞ ମାନଙ୍କ ମତରେ ଟ୍ରମ୍ପଙ୍କ ଏହି ନିଷ୍ପତ୍ତି ଫଳରେ ଆମେରିକା ବଜାରରେ ଭାରତୀୟ ସାମଗ୍ରୀ ପହଞ୍ଚିବା ପାଇଁ ଏକ ବଡ ମଉକା ପ୍ରଦାନ କରିବା ସହିତ ଭାରତୀୟ ମାନୁଫ୍ୟାକଚରିଂ ୟୁନିଟକୁ ଏକ ବଡ ବୁଷ୍ଟ ପ୍ରଦାନ କରିବ । ଚୀନରେ ବିଭିନ୍ନ ସାମଗ୍ରୀ ନିର୍ମାଣ କରୁଥିବା ଆମେରିକା, ତାଇଓ୍ବାନ, ଜାପାନ ଓ କୋରିଆ ପରି ଦେଶର କମ୍ପାନିଙ୍କୁ ଆମେରିକା ଜିନିଷ ରପ୍ତାନି କରିବାକୁ ହେଲେ ଏହା ଅଧିକ ମହଙ୍ଗା ହୋଇଯିବ । ତେଣୁ କମ୍ପାନି ମାନେ ସେମାନଙ୍କ ୟୁନିଟ ଚୀନରୁ ହଟାଇ ଅନ୍ୟ କୈାଣସି ଦେଶରେ ନିଜ ମାନୁଫେକଚରିଂ ୟୁନିଟ ସ୍ଥାପନ କରିବାକୁ ଯିବା ସମୟରେ ଭାରତ ସେମାନଙ୍କୁ ନିଜଆଡକୁ ଆକର୍ଷିତ କରିପାରେ ।
ଚୀନ ଉପରେ ୬୦ ପ୍ରତିଶତ ରପ୍ତାନି ଶୁଳ୍କ ଲାଗିବା ପରେ ଚୀନରୁ ଆମେରିକା ଆସୁଥିବା ବସ୍ତୁ ଗୁଡିକ ବହୁତ ମହଙ୍ଗା ହୋଇଯିବ । ବିଶ୍ବ ବଜାରରେ ପ୍ରଥମରୁ ଇଲେକ୍ଟ୍ରୋନିକ୍ସ , ଲେଦର, ଟେକ୍ସଟାଇଲ, ମଶିନାରୀ ଓ ଖେଳନା ଭଳି ଅନେକ ଉତ୍ପାଦ ରପ୍ତାନି କରୁଥିଲା ବେଳେ ଆମେରିକା ବଜାରକୁ ମଧ୍ୟ ଏହି ବସ୍ତୁମାନ ପଠାଇ ଭାରତ କମ ମୁଲ୍ୟରେ ଭଲ ସାମଗ୍ରୀ ଯୋଗାଇ ପାରିବ ।
ପୂର୍ବରୁ ଆମେରିକାର ରାଷ୍ଟପତି ବନିଥିବା ଡୋନାଲ୍ଡ ଟ୍ରମ୍ପ ୨୦୧୮ ମସିହାରୁ ଆମେରିକା ଓ ଚୀନ ମଧ୍ୟରେ ଟ୍ରେଡ ଓ୍ବାର ଆରମ୍ଭ ହୋଇସାରିଥିଲା । ଟ୍ରେଡ ଓ୍ବାର ପରେ ଅନେକ କମ୍ପାନୀ ଚୀନ ଛାଡି ଅନ୍ୟ ଦେଶକୁ ପଳାଇଥିସେ । ଆପଲ କମ୍ପାନି ଭାରତକୁ ଆସିଥିଲା ବେଳେ ଆହୁରି ଅନେକ କମ୍ପାନୀ ଭିଏତନାମ ଓ ମାଲେସିଆ ଭଳି ଦେଶକୁ ଚାଲିଯାଇଥିଲେ ।
