କେନ୍ଦୁଝର ସଦର,୨୨/୬ : କେନ୍ଦୁଝର ଜିଲ୍ଲା ସଦର ବ୍ଲକ ଅନ୍ତର୍ଗତ ଗୋବର୍ଦ୍ଧନ ପଞ୍ଚାୟତ ହଳଦିଆଗୁଣା ଗ୍ରାମର ଟୁରା ମୁଣ୍ଡା ସବୁ ଦିନ ଭଳି ଗତକାଲି ମଧ୍ଯ ସ୍ଥାନୀୟ ଏମଏସପି ସ୍ପଞ୍ଜ ଆଇରନ କାରଖାନାର ପାଇପ୍ ଲାଇନରେ ବି ସିପ୍ଟ ଶ୍ରମିକ କାମ କରିବାକୁ ଯାଇଥିଲେ । ହଠାତ ରାତିରେ ରକ୍ତ ବାନ୍ତି ହେବା ସହ ଟୁରା ସମ୍ପୂର୍ଣ୍ଣ ଭାବେ ଅସୁସ୍ଥ ହୋଇଥିଲେ ଦୀର୍ଘ ସମୟ ପରେ କାରଖାନା କର୍ତ୍ତୃପକ୍ଷ ଟୁରାକୁ ପ୍ରଥମେ ପଦ୍ମପୁର ଗୋଷ୍ଠି ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା ସେଠାରେ ଟୁରା ଗୁରୁତର ଥିବାରୁ ଡାକ୍ତର ଜିଲ୍ଲା ମୁଖ୍ୟ ଚିକିତ୍ସାଳୟକୁ ରେଫର୍ କରିଥିଲେ।
ଚିକିତ୍ସାଧିନ ଅବସ୍ଥାରେ ରାତି ୩ଘଟିକାରେ ସମୟରେ ଟୁରାର ମୃତ୍ୟୁ ଘଟିଛି। ପରିବାର ଲୋକେ ଆଜି ସକାଳୁ ସକାଳୁ ମୃତଦେହକୁ ଆଣି ଏମଏସପି କାରଖାନାର ମୁଖ୍ୟ ଫାଟକ ନିକଟରେ ଆମ୍ବୁଲାନ୍ସରେ ଶବକୁ ରଖି ଶାନ୍ତି ପୂର୍ଣ୍ଣ ଭାବେ ଚାରି ଘଣ୍ଟା ଧରି ସହାୟତା ଦାବୀ କରିବା ପରେ କମ୍ପାନୀ କର୍ତ୍ତୃପକ୍ଷରୁ ଶବ ଦାହ ଖର୍ଚ୍ଚ ୧୦ ହଜାର, ଶବକୁ ଆଣିବା ବାବଦକୁ ୫ ହଜାର ନଗଦ ଦେବା ସହ ଏକାଦଶରେ ୧୦ ହଜାର , ଲିଗାଲ ସାର୍ଟିଫିକେଟ ଦେଲା ପରେ ୪.୩୨ ଲକ୍ଷ ଏବଂ ପରିବାର ଲୋକଙ୍କୁ ଚାକିରି ଦେବା ପ୍ରତିଶ୍ରୁତି ପରେ ଶବ ଦାହ ହୋଇଛି।
