ବ୍ରହ୍ମପୁର,୧୧/୧୧: ବ୍ରହ୍ମପୁର ଜେଲ୍ରେ ଥିବା ପୂର୍ବତନ ବିଧାୟକ ବିକ୍ରମ କୁମାର ପଣ୍ଡାଙ୍କୁ ଭେଟିବାକୁ ଜେଲ୍ରେ କଟକଣା କରାଯାଉଛି । ଓକିଲ ଭେଟିବାକୁ କୋର୍ଟ ନିର୍ଦ୍ଦେଶ ଦେଇଥିବା ସତ୍ତେ୍ୱ ଜେଲ୍ରେ ଭେଟିବାକୁ ଅନୁମତି ମିଳୁନି । ସପ୍ତାହରେ ଘର ଲୋକ ଦୁଇ ଥର ଭେଟିଲେ ଆଉ ଓକିଲଙ୍କୁ ଭେଟିବାକୁ ମନା କରୁଛନ୍ତି ଜେଲ୍ କର୍ତ୍ତୃପକ୍ଷ । ସୋମବାର ବିକ୍ରମଙ୍କ ଓକିଲ ଦୀପକ କୁମାର ପଟ୍ଟନାୟକ ଏ ନେଇ ଏକ ପିଟିସନ୍ ବ୍ରହ୍ମପୁର ଏସ୍ଡିଜେଏମ୍ କୋର୍ଟରେ ଦେଇଥିଲେ । କୋର୍ଟ ଏହି ପିଟିସନ୍ର ଶୁଣାଣି କରିଛନ୍ତି । ସୂଚନାଯୋଗ୍ୟ ବିକ୍ରମଙ୍କୁ ଘର ଖାଦ୍ୟ ଦେବା ସହ ତାଙ୍କୁ ଓକିଲ ସ୍ୱତନ୍ତ୍ର ଭାବେ ଭେଟିବେ ବୋଲି ପୂର୍ବରୁ ଏକ ପିଟିସନ୍ ଆଧାରରେ କୋର୍ଟ ନିର୍ଦ୍ଦେଶ ଦେଇଥିଲେ ।
ସେପଟେ ଫୁଲବାଣୀ ଜେଲ୍ରେ ଥିବା ଶିବ ଶଙ୍କର ଦାଶ (ପିଣ୍ଟୁ)ଙ୍କ ପାଇଁ ମଧ୍ୟ ମାତ୍ରାଧିକ କଟକଣା, ତାଙ୍କର ଚିକିତ୍ସାରେ ଅବହେଳା ଓ ପରିବାର ଲୋକଙ୍କୁ ସାକ୍ଷାତରେ ଜେଲ୍ କର୍ତ୍ତୃପକ୍ଷ ସମସ୍ୟା କରୁଥିବା ଯୋଗୁ ତାଙ୍କ ଓକିଲ ଶିବ ନାରାୟଣ ସାହୁ ଓ କୈଳାସ ପଣ୍ଡା ଆଜି ବ୍ରହ୍ମପୁର ଏସ୍ଡିଜେଏମ୍ରେ ଏକ ପିଟିସନ୍ ଦେଇଛନ୍ତି । କୋର୍ଟ ଏହାର ଶୁଣାଣି କରିଛନ୍ତି । ପିଣ୍ଟୁଙ୍କୁ ଆଭାସୀରେ ପରିବାର ଲୋକଙ୍କ ସହ କଥା ହେବାରେ ମଧ୍ୟ କଟକଣା ହୋଇଥିବା ତାଙ୍କ ଓକିଲ ଅଭିଯୋଗ ଆଣିଛନ୍ତି ।
