ମୁମ୍ବାଇ, ୧୦/୦୧ : ଅଭିନେତ୍ରୀ କଙ୍ଗନା ରାଣାୱତଙ୍କ ଫିଲ୍ମ ଖୁବଶୀଘ୍ର ରିଲିଜ ହେବାକୁ ଯାଉଛି। ଏନେଇ ଅଭିନେତ୍ରୀ ଫିଲ୍ମ ପ୍ରମୋସନ ପାଇଁ ଲାଗି ପଡ଼ିଥିବା ବେଳେ ଏହାରି ମଧ୍ୟରେ ପ୍ରଯୋଜକ ତଥା ନିର୍ଦ୍ଦେଶକ କରଣ ଜୋହରଙ୍କୁ କରିଛନ୍ତି ଫିଲ୍ମ ଅଫର୍ । ନିକଟରେ, ଅଭିନେତ୍ରୀ ସିଙ୍ଗିଙ୍ଗ୍ ରିଆଲିଟି ଶୋ 'ଇଣ୍ଡିଆନ୍ ଆଇଡଲ୍ ୧୫'ରେ ଅଂଶଗ୍ରହଣ କରିଥିଲେ, ଯେଉଁଠାରେ ସେ କରଣ ଜୋହରଙ୍କ ସହ କାମ କରିବାକୁ ଚାହାଁନ୍ତି ବୋଲି କହିଛନ୍ତି। ଏହା ସହ କରଣ ଜୋହରଙ୍କୁ ଫିଲ୍ମଟି ଅଫର୍ କରିଥିବା ଜଣାପଡିଛି।
ତେବେ ଅଭିନେତ୍ରୀ କହିଛନ୍ତି, "କ୍ଷମା କରିବେ, କିନ୍ତୁ କରଣ ସାର୍ ମୋ ସହ ଏକ ଫିଲ୍ମ କରିବା ଉଚିତ। ମୁଁ ଏକ ବହୁତ ଭଲ ଫିଲ୍ମ ତିଆରି କରିବି ଏବଂ ତାଙ୍କୁ ଫିଲ୍ମରେ ଏକ ଭଲ ଭୂମିକା ମଧ୍ୟ ଦେବି, ଯାହା ଶାଶୁ-ବୋହୂଙ୍କ ମଧ୍ୟରେ ଲଢ଼େଇ ଉପରେ ଆଧାରିତ ହେବ ନାହିଁ। ଏହା ଏକ ଉପଯୁକ୍ତ ଚଳଚ୍ଚିତ୍ର ହେବ ଏବଂ ତାଙ୍କୁ ଏକ ଉପଯୁକ୍ତ ଭୂମିକା ମିଳିବ।" ପ୍ରକାଶ ଥାଉକି, କରଣ ଜୋହର ଏବଂ କଙ୍ଗନା ରାଣାୱତ ଉଭୟ ଉଭୟଙ୍କ ନାଁରେ ପ୍ରତିକ୍ରିୟା ଦେଇ ଅନେକ ଥର ଶିରୋନାମାରେ ରହିଛନ୍ତି । ତେବେ ଫିଲ୍ମ 'ଏମରଜେନ୍ସି' ରେ କଙ୍ଗନା ରାଣାୱତଙ୍କୁ ଦେଖିବାକୁ ମିଳିବ । ଏହି ଫିଲ୍ମ ଚଳିତ ମାସ ଜାନୁଆରୀ ୧୭ରେ ରିଲିଜ ହେବାକୁ ଯାଉଛି । ଏହି ଚଳଚ୍ଚିତ୍ରରେ କଙ୍ଗନାଙ୍କ ସମେତ ଅନୁପମ ଖେର, ଶ୍ରେୟସ ତଲପଡେ, ଦିବଙ୍ଗତ ଅଭିନେତା ସତୀଶ କୌଶିକ, ମିଲିନ୍ଦ ସୋମାନ, ମହିଲା ଚୌଧୁରୀ ଏବଂ ବିଶାକ ନାୟର ନଜର ଆସିବେ । ଏହି ଚଳଚ୍ଚିତ୍ରରେ କଙ୍ଗନା ଅଭିନୟ ସହ ନିର୍ଦ୍ଦେଶନା ଦେଇଛନ୍ତି ।
