ତେହେରାନ – ଆମେରିକା ଓ ଇସ୍ରାଏଲ ଇରାନର ତୈଳ ଭଣ୍ଡାର ଗୁଡ଼ିକ ଉପରେ କରାଯାଇ ଥିବା ଆକ୍ରମଣ କାରଣରୁ ବିଷାକ୍ତ ଧୂଆଁର ବାଦଲ କଳା ବର୍ଷା କରିଛି। ଅନ୍ତର୍ଜାତୀୟ ସ୍ୱାସ୍ଥ୍ୟ ଅଧିକାରୀମାନେ ଏହାକୁ ନଜରରେ ରଖି ଲୋକଙ୍କ ପାଇଁ ଗୁରୁତର ବିପଦର ଚେତାବନୀ ଦେଇଛନ୍ତି। ଗତ ସପ୍ତାହରେ ଇରାନର ଅନେକ ତୈଳ ଡିପୋ ଓ ଏକ ରିଫାଇନାରୀ ଉପରେ ଆକ୍ରମଣ ପରେ ତେହେରାନ ନିକଟରେ କଳା ଓ ତେଲିଆ ବର୍ଷା ହୋଇଥିଲା, ଯେଉଁଥିରେ ରାଜଧାନୀର ନିବାସୀମାନେ ଆଖିରେ ଜ୍ୱଳନ ଓ ନିଃଶ୍ୱାସ ନେବାରେ ସମସ୍ୟା ଅନୁଭବ କରିଥିଲେ।
ଦୁଇ ସପ୍ତାହ ଧରି ଜାରି ଯୁଦ୍ଧ ବେଳେ କ୍ଷେତ୍ରର ଅନ୍ୟ ଭାଗରେ ମଧ୍ୟ କଳା ଧୂଆଁର ଆସ୍ତରଣ ଦେଖିବାକୁ ମିଳିଛି। ଇରାନ ମଧ୍ୟ ପାରସ୍ୟର ଉପସାଗରର ପଡୋଶୀ ଦେଶର ତୈଳ ଓ ପ୍ରାକୃତିକ ଗ୍ୟାସ ଭଣ୍ଡାର ଉପରେ ଡ୍ରୋନ୍ ଓ ମିସାଇଲକୁ ଆକ୍ରମଣ କରି ଆମେରିକୀୟ –ଇସ୍ରାଏଲୀୟ ବିମାନ ଆକ୍ରମଣର ଜବାବ ଦେଉଛି। ବିଶେଷଜ୍ଞଙ୍କ ମୁତାବିକ , ବର୍ଷା ଅପେକ୍ଷାକୃତ କମ୍ ସମୟରେ ବାୟୁମଣ୍ଡଳରୁ ବିପଜ୍ଜନକ ରାସାୟନିକକୁ ସ୍ପଷ୍ଟ କରି ଦେଇଛି , କିନ୍ତୁ କଳା ବର୍ଷାର ସଂପର୍କରେ ଆସୁଥିବା ଲୋକଙ୍କୁ ସ୍ୱଳ୍ପକାଳୀନ ଓ ଦୀର୍ଘକାଳୀନ ସ୍ୱାସ୍ଥ୍ୟ ସମସ୍ୟାରୁ ରକ୍ଷା ପାଇବା ପାଇଁ ସାବଧାନତା ଅବଲମ୍ୱନ କରିବା ଉଚିତ୍।
ଏହା ସେତେବେଳେ ହୋଇଥାଏ,ଯେବେ ପାଉଁଶ ଓ ବିଷାକ୍ତ ରସାୟନିକ ପଦାର୍ଥ ବାୟୁମଣ୍ଡଳରେ ଜଳ ବୁନ୍ଦା ସହ ମିଶି ବର୍ଷା ବେଳେ ପୃଥିବୀ ପୃଷ୍ଠକୁ ଖସି ଥାଏ। ତୈଳ ରିଫାଇନାରି ଗୁଡ଼ିକ କିମ୍ୱା ତୈଳ କ୍ଷେତ୍ରରେ ନିଆଁ ଲାଗିବା ପରେ ଏହା ସାଧାରଣ କଥା ଏବଂ ଏହା ଜଙ୍ଗଲର ନିଆଁ, ଆଗ୍ନେୟ ଉଦଗୀରଣ ଓ ଔଦ୍ୟୋଗିକ ପ୍ରଦୂଷଣ କାରଣରୁ ମଧ୍ୟ ହୋଇପାରେ। ବିଶେଷଜ୍ଞମାନେ କହିଛନ୍ତି ଯେ, ପାଉଁଶର ଛୋଟ ଛୋଟ କଣିକା ମାନବ କେଶର ଚଉଡା ଠାରୁ ପ୍ରାୟ ୪୦ ଗୁଣା ଛୋଟ ହୋଇ ଥାଏ ଏବଂ ଏହା ଫୁସଫୁସରେ ଗଭୀର ଭାବେ ରହେ। ରକ୍ତପ୍ରବାହରେ ପ୍ରବେଶ କରିପାରେ, ଯେଉଁଥିରେ ନିଃଶ୍ୱାସ ନେବା ଓ ହାର୍ଟ ସମ୍ୱନ୍ଧୀୟ ସମସ୍ୟା ହୋଇପାରେ , ଯାହା ସମୟ ପୂର୍ବରୁ ମୃତ୍ୟୁର କାରଣ ହୋଇପାରେ।
ପିଏଏଚ୍ର ସଂପର୍କରେ ଆସିବା ଦ୍ୱାରା କ୍ୟାନସରର ବିପଦ ବଢିପାରେ। ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଓ ଇରାନର ସ୍ୱାସ୍ଥ୍ୟ ଏବଂ ପର୍ଯ୍ୟାବରଣ ଅଧିକାରୀମାନେ ଲୋକଙ୍କୁ ଘର ଭିତରେ ରହିବା ଓ ମାସ୍କ ପିନ୍ଧିବାର ପରାମର୍ଶ ଦେଇଛନ୍ତି।
