ନୂଆଦିଲ୍ଲୀ,୧୪।୭: ଅହମ୍ମଦାବାଦ ବିମାନ ଦୁର୍ଘଟଣାର ଯାଞ୍ଚ ରିପୋର୍ଟ ଉପରେ ଏୟାର ଇଣ୍ଡିଆ ସିଇଓଙ୍କ ବୟାନ ସାମନାକୁ ଆସିଛି। ଏଏଆଇବିର ପ୍ରାଥମିକ ରିପୋର୍ଟରେ କୌଣସି ଯାନ୍ତ୍ରିକ ସମସ୍ୟା ନେଇ ସୂଚନା ମିଳିନି । ଏୟାର ଇଣ୍ଡିଆର ମୁଖ୍ୟ କାର୍ଯ୍ୟକାରୀ ଅଧିକାରୀ ଓ ପ୍ରବଦ୍ଧ ନିର୍ଦେଶକ କ୍ୟାମ୍ପବେଲ ଓ୍ବିଲସନ୍ ସୋମବାର ସୂଚନା ଦେଇଛନ୍ତି। ସେ କହିଛନ୍ତି ଇନ୍ଧନର କ୍ବାଲିଟିରେ କୌଣସି ସମସ୍ୟା ନଥିଲା। ‘ଟେକ୍ ଅଫ୍ ରୋଲ୍’ରେ କୌଣସି ଅସାମନତା ନଥିଲା। ପାଇଲଟ୍ ଉଡାଣ କରିବା ପୂର୍ବରୁ ବ୍ରେଥ ଆନାଲାଇଜର ଟେଷ୍ଟ ପାସ୍ କରିଥିଲେ। ତାଙ୍କ ନିରେ କିଛି ବି ଅସ୍ବାଭାବିକତା ଦେଖିବାକୁ ମିଳିନଥିଲା। ’ଟେକ ଅଫ୍ ରୋଲ’ ସେହି ପର୍ଯ୍ୟାୟ ହୋଇଥାଏ ଯେତେବେଳ ଏକ ବିମାନ ରନ୍ଓ୍ବେରେ ରନିଂ କରିଥାଏ ଯେପରି ଉଡାଣ ଭରିବା ପାଇଁ ପର୍ଯ୍ୟାପ୍ତ ଗତି ପାଇପାରିବ।
ଓ୍ବିଲସନ୍ କହିଛନ୍ତି, ଆମେ ତଦନ୍ତକାରୀଙ୍କ ସହଯୋଗ କରୁଛୁ। ଦୁର୍ଘଟଣାର କିଛି ଦିନ ଭିତରେ ଏବେ ଅତ୍ୟାଧିକ ସାବଧାନି ଗ୍ରହଣ କରାଯାଇଥିଲା। ଡିଜିସିଏ ଦେଖାଶୁଣାରେ ସାମିଲ ପ୍ରତ୍ୟେକ ବୋଇଂ ୭୮୭ ବିମାନର ଯାଞ୍ଚ କରାଯାଇଛି। ଏହି ସବୁ ସେବା ଦେବା ପାଇଁ ଉପଯୁକ୍ତ ବୋଲି ଜଣାପଡିଛି। ସେ କହିଛନ୍ତି, ଆମେ ସବୁ ବିମାନର ଜରୁରୀ ଯାଞ୍ଚ ଜାରି ରଖିବୁ ଓ ଭବିଷ୍ୟତରେ ଯାହା ବି ଯାଞ୍ଚର ସୁପାରିଶ ଅଧିକାରୀ କରିବେ, ତାହା ମଧ୍ୟ କରାଯିବ।
ଏଏଆଇବି ଏୟାର ଇଣ୍ଡିଆ ବୋଇଂ ୭୮୭-୮ ବିମାନର ଦୁର୍ଘଟଣାଗ୍ରସ୍ତ ହେବାପରେ ଶନିବାର ନିଜର ପ୍ରାରମ୍ଭିକ ରିପୋର୍ଟ ଜାରି କରିଛି। ଏହି ଦୁର୍ଘଟଣାରେ ୧୨ ଜୁନରେ ୨୬୦ ଜଣଙ୍କର ମୃତ୍ୟୁ ହୋଇଥିଲା। ଅହମ୍ମଦାବାଦରୁ ଲଣ୍ଡନ ଗେଟଓ୍ବିକ୍ ଯାଉଥିବା ବିମାନ ଉଡାଣ ଭରିବାର ତୁରନ୍ତ ପରେ ମେଡିକାଲ କଲେଜର ହଷ୍ଟେଲ ବିଲ୍ଡିଂରେ ମାଡ ହୋଇଥିଲା।
