ନୂଆଦିଲ୍ଲୀ,୧୦।୩: ମୁମ୍ବାଇରୁ ନ୍ୟୁୟର୍କ ଯାଉଥିବା ଏୟାର ଇଣ୍ଡିଆାର ବିମାନରେ ବମ୍ ଥିବାର ସୂଚନା ପରେ ଖେଳିଗଲା ଆତଙ୍କ। ଏହି ସୂଚନା ପରେ ତୁରନ୍ତ ମୁମ୍ବାଇ ଫେରି ଆସିଲା ବିମାନ। ମିଳିଥିବା ଖବର ଅନୁସାରେ, ବିମାନରେ ୩୨୦ ରୁ ଅଧିକ ଲୋକ ଥିଲେ ଓ ଏହା ସୁରକ୍ଷିତ ଭାବରେ ମୁମ୍ବାଇରେ ଅବତରଣ କରିଥିଲା। ସୁରକ୍ଷା ଏଜେନ୍ସି ଏହାର ଯାଞ୍ଚ କରୁଛି।
ଏୟାର ଇଣ୍ଡିଆର ସୂଚନା ଅନୁସାରେ, ୧୦ ମାର୍ଚ୍ଚ ୨୦୨୫ ରେ ମୁମ୍ବାଇ ନ୍ୟୁୟର୍କ (ଜେଏଫ୍କ) ଉଡାଣ ଏଆଇ ୧୧୯ ରେ ସମ୍ଭାବିତ ସୁରକ୍ଷା ବିପଦ ସମ୍ପର୍କରେ ଜଣାପଡିଥିଲା। ଅତ୍ୟାବଶ୍ୟକୀୟ ପ୍ରୋଟୋକଲ୍ର ପାଳନ କରିବା ପରେ, ବିମାନରେ ଥିବା ସମସ୍ତ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ବିମାନକୁ ମୁମ୍ବାଇ ଫେରାଇ ନିଆଯାଇଥିଲା। ସୁତ୍ରରୁ ମିଳିଥିବା ସୂଚନା ଅନୁସାରେ, ବିମାନରେ ବମ୍ ଥିବାର ସୂଚନା ମିଳିଥିଲା ଓ ଏ ବିଷୟରେ ବିମାନର ଶୌଚାଳୟରେ ଏକ ଚିଠି ମଧ୍ୟ ମିଳିଛି। ବୋଇଂ ୭୭୭-୩୦୦ ଇଆଇ ବିମାନରେ ଚାଳକ ଦଳର ୧୯ ସଦସ୍ୟଙ୍କ ସହିତ ୩୨୨ ଯାତ୍ରୀ ଥିଲେ।
ଏୟାର ଇଣ୍ଡିଆର ମୁଖପାତ୍ର ଏ ବିଷୟରେ କହିଛନ୍ତି ଯେ, ଆଜି ୧୦ ମାର୍ଚ୍ଚରେ ମୁମ୍ବାଇ-ନ୍ୟୁୟର୍କ (ଜେଏଫ୍କେ) ଉଡାଣ ଭରିଥିବା ଏଆଇ୧୯ରେ ଉଡାଣ ବେଳେ ସମ୍ଭାବିତ ସୁରକ୍ଷା ବିପଦ ସମ୍ପର୍କରେ ଜାଣିବାକୁ ପାଇଥିଲା। ଅତ୍ୟାବଶ୍ୟକୀୟ ପ୍ରୋଟୋକଲ୍ ପାଳନ କରିବା ପରେ, ବିମାନରେ ଥିବା ସବୁ ଯାତ୍ରୀଙ୍କ ସୁରକ୍ଷାକୁ ଦେଖି ବିମାନକୁ ପୁଣିଥରେ ମୁମ୍ବାଇ ଫେରାଇ ନିଆଯାଇଥିଲା।
