ନୂଆଦିଲ୍ଲୀ,୨୦/୧୧: ଦିଲ୍ଲୀରେ ଗତ କିଛି ଦିନ ଧରି ଜାରି ରହିଥିବା ବାୟୁପ୍ରଦୂଷଣରୁ ମିଳିଛି ସାମନ୍ୟ ଆଶ୍ବସ୍ତି । ତଳରୁ ଖସିଛି ଏକ୍ୟୁଆଇ ସ୍ତର । କ୍ରୁତିମ ବର୍ଷା ଓ ପବନ ଯୋଗୁଁ ପ୍ରଦୂଷମ ସ୍ତର ସାମାନ୍ୟ କମିଥିବା ଜଣାପଡିଛି । ହେଲେ ଏବେବି ଟଲିନି ବିପଦ । ତାପମାତ୍ରାରେ ହ୍ରାସ ଲୋକଙ୍କର ଅସୁବିଧାକୁ ବଢାଇଦେଇଛି । ଆଗାମୀ ଦୁଇ ଦିନରେ ନ୍ୟୁନତମ ତାପମାତ୍ରା ୧୦ ଡିଗ୍ରୀ ତଳକୁ ଖସିବାର ଅନୁମାନ କରାଯାଉଛି ।
ତେବେ ଗତ କିଛି ଦିନ ହେବ ଦିଲ୍ଲୀରେ ବାୟୁ ପ୍ରଦୂଷଣ ଲୋକଙ୍କୁ କଲବଲ କରୁଛି । ଦିଲ୍ଲୀ ଏନସିଆରେ ବିଳମ୍ବିତ ରାତି ଏବଂ ସକାଳର ସମୟ ଘନ କୁହୁଡି ଦେଖିବାକୁ ମିଳିଛି । କୁହୁଡି କାରଣରୁ ସକାଳର ସମୟ ଦିଲ୍ଲୀ ଏନସିଆରରେ ଦୃଶ୍ୟମାନତା ବହୁତ କମ ଜାରି କରାଯାଇଛି । ଦିଲ୍ଲୀରେ ବୁଧବାର ଦିନ ସକାଳର ସମୟ ମଧ୍ୟ ଏକ୍ୟୁଆଇ ବହୁତ ଖରାପ ବୋଲି କୁହାଯାଉଛି । ଦ୍ୱାରକା ଏବଂ ଉତ୍ତମ ନଗରରେ ୩୮୮, ଜନକପୁରୀରେ ୩୮୪, ସୁଖଦେବ ବିହାରରେ ୩୮୧, ଅଲିପୁରରେ ଏକ୍ୟୁଆଇ ୩୭୯,ଶାଲିମାର ବାଗରେ ୩୭୭, ରୋହିଣୀରେ ୩୮୨, ମଡେଲ ଟାଉନରେ ୩୭୭ ରେକର୍ଡ କରାଯାଇଛି। ଦିଲ୍ଲୀର ଅଧିକାଂଶ ଅଞ୍ଚଳରେ ୩୦୦ ଉପରୁ ଅଧିକ ମାପକରାଯାଇଛି । ସେହିପରି ଆଜି ଘନ କୁହୁଡ଼ି ହେବାର ପୂର୍ବାନୁମାନ କରିଛି ପାଣିପାଗ ବିଭାଗ । ସର୍ବାଧିକ ଏବଂ ସର୍ବନିମ୍ନ ତାପମାତ୍ରା ଯଥାକ୍ରମେ ୨୫ଏବଂ ୧୨ଡିଗ୍ରୀ ସେଲସିୟସ ହେବାର ସମ୍ଭାବନା ଅଛି ।
