ନୂଆଦିଲ୍ଲୀ,୧୯।୬: ଏୟାର ଇଣ୍ଡିଆର ସିଇଓ କ୍ୟାପବେଲ୍ ଓ୍ବିଲସନ୍ ଅମହମ୍ମଦାବାଦ ବିମାନ ଦୁର୍ଘଟଣାକୁ ନେଇ ସୂଚନା ଦେଇଛନ୍ତି। ସେ କହିଛନ୍ତି, ବିମାନର ରକ୍ଷଣାବେକ୍ଷଣା ଭଲ ଭାବରେ କରାଯାଇଥିଲ। ଏହାର ଶେଷ ଥର ପାଇଁ ବଡ଼ ଧୀରଣର ଯାଞ୍ଚ ଜୁନ୍ ୨୦୨୩ ଓ ଆଗାମୀ ଯାଞ୍ଚ ଡିସେମ୍ବର ୨୦୨୫ ରେ ନିର୍ଦ୍ଧାରିତ କରାଯାଇଥିଲା। ଏହାର ଡାହଣ ଇଞ୍ଜିନକୁ ମାର୍ଚ୍ଚ ୨୦୨୫ ରେ ମରାମତି କରାଯାଇଥିଲା ଓ ବାମ ଇଞ୍ଜିନକୁ ଅପ୍ରେଲ ୨୦୨୫ ରେ ନିରୀକ୍ଷଣ କରାଯାଇଥିଲା। ବିମାନ ଓ ଇଞ୍ଜିନ ଦୁଇଟିର ନିୟମିତ ଭାବରେ ଯାଞ୍ଚ କରାଯାଉଥିଲା। ଉଡାଣ ପୂର୍ବରୁ ଏଥିରେ କୌଣସି ସମସ୍ୟା ନଥିଲା। ଆମେ ପୁରା ବିମାନ ଉଦ୍ୟୋଗ ସହ ଅଫିସିଆଲ ଯାଞ୍ଚ ରିପୋର୍ଟକୁ ଅପେକ୍ଷା କରୁଛୁ।’
ସେ କହିଛନ୍ତି, ୧୪ ଜୁନ୍ ୨୦୨୫ରେ ଡିଜିସିଏ ପକ୍ଷରୁ ନିର୍ଦେଶ ମିଳିବା ପରେ, ଆମେ ନିଜର ୩୩ ବୋଇଂ ୭୮୭ ବିମାନର ଭଲ ଭାବରେ ଯାଞ୍ଚ କରୁଛୁ। ଏପର୍ଯ୍ୟନ୍ତ ୨୬ ବିମାନର ନିରୀକ୍ଷଣ ଶେଷ ହୋଇସାରିଛି। ଏହାକୁ ସେବାରେ ନିୟୋଜିତ କରିବାର ମଞ୍ଜୁରୀ ଦିଆଯାଇଛି। ବାକି ବିମାନର ବର୍ତ୍ତମାନ ରକ୍ଷଣାବେକ୍ଷଣା ଓ ଅତିରିକ୍ତ ଯାଞ୍ଚ କରାଯିବ। ସେ କହିଛନ୍ତି, ସମୀକ୍ଷା ପରେ ଡିଜିସିଏ କହିଛି ଆମର ବୋଇଂ ୭୮୭ ୟୁନିଟ ଓ ରକ୍ଷଣାବେକ୍ଷଣା ପକ୍ରିୟା ସମ୍ପୂର୍ଣ୍ଣ ଭାବରେ ସୁରକ୍ଷା ମାନକକୁ ପୁରା କରୁଛି।
ବିମାନ ବ୍ଲାକ (ଡିଏଫ୍ଡିଆର ଓ ସିଭିଆର) ଦୁଇଟି ଭାଗରେ ଉଦ୍ଧାର କରାଯାଇଛି। ଏହାର ପ୍ରଥମ ସେଟ୍ ୧୩ ଜୁନ୍ରେ ମିଳିଛି। ସେଭଳି ଦ୍ବିତୀୟ ସେଟ୍ ୧୬ ଜୁନ୍ରେ ଉଦ୍ଧାର କରାଯାଇଛି। ଏହି ବିମାନ ମଡେଲ ଦୁଇଟି ବ୍ଲାକ ସେଟ୍ରେ ରହିଛି, ଯାହାଫଳରେ ଅଧିକ ସୂଚନା ମିଳିବାର ଆଶା ରହିଛି।
