ଦୁବାଇ,୧୩/୦୧: ତାମିଲ ସୁପରଷ୍ଟାର ଅଜିତ କୁମାର ଦୁବାଇ ଅଟୋଡ୍ରମରେ ଆୟୋଜିତ ୨୪ଏଚ୍ ୨୦୨୫ ରେସ୍ରେ ତୃତୀୟ ସ୍ଥାନ ହାସଲ କରିଛନ୍ତି । ପୁରସ୍କାର ବିତରଣ ଉତ୍ସବ ସମୟରେ ସେ ତ୍ରିରଙ୍ଗା ଧରି ମଞ୍ଚକୁ ଯାଇଥିଲେ ଏବଂ ଅତିଥିଙ୍କ ଠାରୁ ଟ୍ରଫି ଧରିଥିଲେ ।
୫୩ ବର୍ଷୀୟ ଅଭିନେତା ଅଜିତ ଗତ ସେପ୍ଟେମ୍ବର ମାସରେ ନିଜ ନାମରେ ରେସିଂ ଟିମର୍ ଶୁଭାରମ୍ଭ କରିଥିଲେ । ଏହାପରେ ସେ ୩ରୁ ଊଦ୍ଧ୍ୱର୍ ପ୍ରତିଯୋଗିତାରେ ଭାଗ ନେଇ ସାରିଲାଣି । ଦୁବାଇରେ ଅଭ୍ୟାସ ସମୟରେ ତାଙ୍କ କାର ଭୟଙ୍କର ଦୁର୍ଘଟଣାର ଶିକାର ହୋଇଥିଲା । କିନ୍ତୁ ଅଜିତ ସଂପୂର୍ଣ୍ଣ ସୁସ୍ଥ ରହିଥିଲେ । ଏ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଅଭିନେତା ଆର. ମାଧବନ ଆଜିର ରେସରେ ଉପସ୍ଥିତ ରହିଥିଲେ । ସୋସିଆଲ ମିଡିଆରେ ସେ ଲେଖିଛନ୍ତି, ‘ମୁଁ ଗର୍ବିତ । ସେ ହିଁ ହେଉଛନ୍ତି ଏକମାତ୍ର, ଅଜିତ କୁମାର ।’
