ନୂଆଦିଲ୍ଲୀ,୩୦/୦୬; ଜଣାଶୁଣା ଟିଭି ଷ୍ଟାର ଗୌରବ ଖାନ୍ନା ଏବେ ଚର୍ଚ୍ଚାର ବିଷୟ ପାଲଟିଛନ୍ତି । ଷ୍ଟାର କପୁଲ୍ ଗୌରବ ଖାନ୍ନା ଏବଂ ଆକାଂକ୍ଷାଙ୍କ ସମ୍ପର୍କ ଭାଙ୍ଗିଛି । ପତ୍ନୀ ଆକାଂକ୍ଷା ଚାମୋଲାଙ୍କ ଠାରୁ ଛାଡପତ୍ର ନେଇଛନ୍ତି ଗୌରବ। ଯାହା ଅଭିନେତ୍ରୀ ନିଜେ ଏକ ବିଶ୍ୱସ୍ତରୀୟ ପ୍ଲାଟଫର୍ମରେ ଖୁଲାସା କରିଛନ୍ତି । ଆକାଂକ୍ଷା ବର୍ତ୍ତମାନ ନେଟଫିକ୍ସ ଶୋ' ଲକ୍ ଅପ୍ ୨ରେ ଅଂଶଗ୍ରହଣ କରୁଛନ୍ତି । ଯେଉଁଠାରେ ସେ ତାଙ୍କ ଜୀବନର ସବୁଠାରୁ ବଡ଼ ରହସ୍ୟ ପ୍ରକାଶ କରିଛନ୍ତି । ଶୋ'ରେ ଆକାଂକ୍ଷା କହିଛନ୍ତି ସେ ଏବଂ ଗୌରବ ଛାଡ଼ପତ୍ର ନେଉଛନ୍ତି ଏବଂ ଗତ ବର୍ଷେ ହେବ ସେ ଅଲଗା ରହୁଛନ୍ତି । ଏହି ସିକ୍ରେଟ୍ କହିବା ବେଳେ କିଛି ଲୋକ ଜାଣନ୍ତି, ଯାହା ଆକାଂକ୍ଷା ଶୋ' ରେ କାହା ସହିତ ସେୟାର କରିପାରିବେ ନାହିଁ ।
ଲକ୍ ଅପ୍ ୨ର ଏକ ଏପିସୋଡରେ ଆକାଂକ୍ଷା ଏବଂ ହର୍ଷଦ ଚୋପ୍ରାଙ୍କ କାର୍ଯ୍ୟ ସେମାନଙ୍କ ରଣନୀତି ଉପରେ ପ୍ରଶ୍ନ ଉଠାଇଥିଲା । କାରଣ ଆକାଂକ୍ଷା ଏବଂ ହର୍ଶଦ ଶୋ ରେ ନିଜକୁ ରକ୍ଷା କରିଥିଲେ । ଘରର ସଦସ୍ୟ ସେମାନଙ୍କ ଖେଳଖୁ ନିରାପଦ ବୋଲି କହିଥିଲେ । ଅନ୍ୟ ଖେଳାଳି ଏହାକୁ ସମାଲୋଚନା କରିଥିଲେ । ଏହା ଶୋ ରେ ସରଗରମ ମାହୋଲ ସୃଷ୍ଟି କରିଥିଲା । ହୋଷ୍ଟ ରିତେଶ ଦେମୁଖ ଜେଲ୍ ହୋଇଥିବା ପ୍ରତିଯୋଗୀଙ୍କୁ ଅଭିନେତା ଏବଂ ଅଭିନେତ୍ରୀଙ୍କ ରାଣନୀତି ଉପରେ ସେମାନଙ୍କ ମତାମତ ବାଣ୍ଟିବାକୁ କହିଥିଲେ । ଏଥିରେ, ଆକାଂକ୍ଷା ଶୋ’ରେ ନିଜକୁ ସୁରକ୍ଷିତ ରଖିବା ଉପରେ ମତାମତ ଦେଇଥିଲେ। ଅଭିନେତ୍ରୀ ମାଧୁରୀ ଜୈନ ଗ୍ରୋଭରଙ୍କୁ କହିଥିଲେ, "ଶୋ’ରେ ନିଜକୁ ସୁରକ୍ଷିତ ରଖିବା ଆମ ପାଇଁ ସହଜ ନଥିଲା । ମୁଁ ଯେଉଁ ବଡ଼ ସିକ୍ରେଟ୍ ପ୍ରକାଶ କରିଛି, ମ୍ୟାଡାମ୍, ତାହା ମୋ ଜୀବନକୁ ବଦଳାଇ ଦେଇପାରେ । ଆପଣ କହିବା ସହଜ ଯେ ଆପଣ ଆମ ତିନି ଜଣଙ୍କୁ ସୁରକ୍ଷିତ ରଖିପାରିଥାନ୍ତେ, କିନ୍ତୁ ହୁଏତ ହୁଏତ ହର୍ଷଦ ଯେଉଁ ଗୁପ୍ତ କଥା ପ୍ରକାଶ କରିଥିଲେ..ମୁଁ ସେ ବିଷୟରେ ଜାଣିନାହିଁ, କିନ୍ତୁ ମୁଁ ଜାଣିଥିଲି । ମୁଁ ଯେଉଁ ସିକ୍ରେଟ୍ କହିଛି ତାହା ମୋ ଜୀବନ ଧ୍ୱଂସ କରିଦେବା ପରି । ଏହା କହି ଆକାଂକ୍ଷା ହଠାତ୍ କାନ୍ଦି ପକାଇଥିଲେ । ତାଙ୍କୁ ଏହି ଅବସ୍ଥାରେ ଦେଖି ସମସ୍ତ ପ୍ରତିଯୋଗୀ ଶାନ୍ତି କରିବାକୁ ଚେଷ୍ଟା କରିଥିଲେ । ରିତେଶ ଆକାଂକ୍ଷାଙ୍କୁ ବିକଳ୍ପ ଦେଲେ ଯେ, ଯଦି ସେ ଚାହାନ୍ତି ତେବେ ଶୋରେ ସମସ୍ତଙ୍କ ସାମ୍ନାରେ ସିକ୍ରେଟ୍ କହିପାରିନ୍ତି । ଆକାଂକ୍ଷାଙ୍କ ଏହି ବୟାନ୍ ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରିଛି । ତାଙ୍କର ଏବଂ ଗୌରବଙ୍କ ସମ୍ପର୍କକୁ ନେଇ ପ୍ରଶ୍ନ ଉଠିଛି । ହେଲେ ଛାଡପତ୍ର ନେଇ ଗୌରବଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । ତାଙ୍କ ପ୍ରଶଂସକ ତାଙ୍କ ପକ୍ଷ ଶୁଣିବାକୁ ଅପେକ୍ଷା କରିଛନ୍ତି ।
'ଗୌରବ ବିଶ୍ୱାସ ଭାଙ୍ଗିଲେ, ଝିଅକୁ ଖଳନାୟିକା ସଜେଇଲେ'- ଫେମସ୍ ଟିଭି ଷ୍ଟାର କପୁଲଙ୍କ ଛାଡପତ୍ର ଖବର ତାଙ୍କ ଫ୍ୟାନ୍ସଙ୍କୁ ଚକିତ କରିଛି । ଯଦିଓ କିଛି ଲୋକ ଏହାକୁ ପବ୍ଲିସିଟି କହୁଛନ୍ତି । ଏହି ମାମଲା ଏବେ ନୂଆ ମୋଡ଼ ନେଇଛି । ସାଙ୍ଘାତିକ ଅଭିଯୋଗ ଆଣିଛନ୍ତି ଆକାଂକ୍ଷାଙ୍କ ବାପା । ଇନଷ୍ଟାରେ ଭିଡିଓ କହି ନିଜକୁ ଆକାଂକ୍ଷାଙ୍କ ବାପା ବୋଲି କହି ଗୌରବଙ୍କ ବିରୋଧରେ ଅନେକ ଗମ୍ଭୀର ଅଭିଯୋଗ ସେ କହିଛନ୍ତି, ମୋ ଝିଅ ଯାହା କହିଛନ୍ତି ତାହା ସତ । ସେ ଗତ ବର୍ଷ ଧରି ଅନ୍ଧେରିର ମୋ ଘରେ ରହୁଛନ୍ତି । ଛାଡପତ୍ର ପ୍ରକ୍ରିୟା ଚୂଡ଼ାନ୍ତ ନହେବା ପର୍ଯ୍ୟନ୍ତ, ଆମେ କେବଳ ପରସ୍ପରକୁ ବୃତ୍ତିଗତ ଭାବରେ ସମର୍ଥନ କରିବୁ । ଗୌରବ ଜଣେ ବହୁତ ଭଲ ଅଭିନେତା । ସେ ମୋ ଝିଅକୁ ଆର୍ଥିକ କିମ୍ବା ଭାବନାର ସମର୍ଥନ କରିନାହାନ୍ତି । ସେ ସନ୍ତାନ ଜନ୍ମ କରିବାର ପ୍ରତିଶ୍ରୁତି ଭାଙ୍ଗିଛନ୍ତି ଜାଣିଶୁଣି ଏପରି ବ୍ୟବହାର କରିଛନ୍ତି ଯାହା ଦ୍ୱାରା ସାଧାରଣ ସହାନୁଭୂତି ମିଳିବ। ଗଣମାଧ୍ୟମରେ ଆକାଂକ୍ଷାଙ୍କୁ ଖଳନାୟକ ଭାବରେ ଚିତ୍ରଣ କରିବା ପାଇଁ ଏହା ତାଙ୍କର ଯୋଜନା ଥିଲା ।''
ଏହା ବି ପଢନ୍ତୁ...‘ଆଓ୍ବାରାପନ ୨’ର ସେଟରୁ ଜେନେଲିୟା- ଇମରାନ ହାଶମୀଙ୍କ ଭିଡ଼ିଓ ଲିକ୍, ମୋଶନ ପୋଷ୍ଟର ଆଉଟ୍
