ନୂଆଦିଲ୍ଲୀ ୦୯/୦୭: ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ପୂର୍ବତନ ସେକ୍ରେଟାରୀ ବେଦିକା ସେଟ୍ଟିଙ୍କୁ ଗିରଫ କରିଛି ମୁମ୍ବାଇ ପୋଲିସ । ବେଦିକାଙ୍କୁ ଅଭିନେତ୍ରୀଙ୍କ ସହିତ ୭୬ ଲକ୍ଷ ଟଙ୍କାର ଠକେଇ ମାମଲାରେ ଗିରଫ କରାଯାଇଛି। ବେଦିକାଙ୍କ ବିରୋଧରେ ଅଭିଯୋଗ ରହିଛି କି, ସେ ଆଲିଆ ଭଟ୍ଟଙ୍କ ପ୍ରଡକ୍ସନ ହାଉସ୍ ଏବଂ ବ୍ୟକ୍ତିଗତ ଆକାଉଣ୍ଟସହ ହେରଫେର କରିଛନ୍ତି ଏବଂ ଅଭିନେତ୍ରୀଙ୍କ ଠାରୁ ୭୬ ଲକ୍ଷ ଟଙ୍କା ଠକେଇ କରିଛନ୍ତି। ବେଦିକା ସେଟ୍ଟୀଙ୍କ ବିରୋଧରେ ଜୁହୁ ପୋଲିସରେ ଏକ ମାମଲା ରୁଜୁ କରାଯାଇଥିଲା, ଯାହାର ତଦନ୍ତ ଚାଲିଛି। ବର୍ତ୍ତମାନ, ଆଲିଆ କିମ୍ବା ତାଙ୍କ ଟିମ୍ ପକ୍ଷରୁ ଏ ବିଷୟରେ କୌଣସି ସରକାରୀ ବୟାନ ଜାରି କରାଯାଇ ନାହିଁ।
ଅଭିଯୋଗ ହୋଇଛି ଯେ ଶେଟ୍ଟି ଜାଲ୍ ବିଲ୍ ଆଧାରରେ ଆଲିଆ ଏବଂ ତାଙ୍କ ପ୍ରଡକ୍ସନ୍ ହାଉସ୍ ଠାରୁ ବେଆଇନ ଭାବରେ ୭୬ ଲକ୍ଷ ଟଙ୍କା ନେଇଥିଲେ। ବେଦିକା ନକଲି ବିଲ୍ ତିଆରି କରି ସେଥିରେ ଆଲିଆଙ୍କ ଦସ୍ତଖତ ନେଉଥିଲେ ଏବଂ ତା’ପରେ ସମସ୍ତ ଟଙ୍କା ତାଙ୍କ ବନ୍ଧୁଙ୍କ ଆକାଉଣ୍ଟକୁ ଟ୍ରାନ୍ସଫର କରୁଥିଲେ। ଏହିପରି ଭାବରେ, ଶେଟ୍ଟି ଦୁଇ ବର୍ଷ ମଧ୍ୟରେ ପ୍ରାୟ ୭୬ ଲକ୍ଷ ଟଙ୍କା ହଡ଼ପ କରିଥିଲେ। ଏହି ମାମଲାରେ, ଚଳିତ ବର୍ଷ ଜାନୁଆରୀରେ ଜୁହୁ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଥିଲା, ଯାହା ପରେ ବେଦିକାଙ୍କର କୌଣସି ସନ୍ଧାନ ମିଳିନଥିଲା। ବେଦିକା ଗତ ୫ ମାସ ଧରି ଫେରାର୍ ଥିଲେ। ଏବେ ତାଙ୍କୁ ବେଙ୍ଗାଲୁରୁରୁ ଗିରଫ କରାଯାଇ କୋର୍ଟରେ ହାଜର କରାଯାଇଛି। ଅଭିଯୁକ୍ତ ବେଦିକାଙ୍କୁ ଜୁଲାଇ ୧୦ ପର୍ଯ୍ୟନ୍ତ ପୋଲିସ ହେପାଜତକୁ ପଠାଇ ଦିଆଯାଇଛି।
