ବଲାଙ୍ଗୀର,୨୦/୦୫: ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଅନ୍ତର୍ଗତ କରୁଆଝର ଗ୍ରାମ ପଞ୍ଚାୟତର ସାନଗୁର୍ଜୀଭଟା ବିଦ୍ୟାଳୟରୁ ମଧ୍ୟାହ୍ନ ଭୋଜନ ଚୋରି। ଗ୍ରୀଷ୍ମ କାଳୀନ ଛୁଟି ଆଗରୁ ଏଠାରେ ମଧ୍ୟାହ୍ନ ଭୋଜନ ପାଇଁ ସରକାରଙ୍କ ଦ୍ବାରା ଚାଉଳ ଦିଆଯାଇଥିଲା। ସେଥିରୁ କିଛି ବିନିଯୋଗ କରାଯାଇଥିବା ବେଳେ ପାଖାପାଖି ୧୩ କିଣ୍ଟାଲ ୨୬ ପକେଟ୍ ବଳକା ଥିଲା । ହେଲେ ସେସବୁ ଚୋରି ହୋଇଥିବା ସ୍କୁଲର ପ୍ରଧାନ ଶିକ୍ଷକ ସର୍ବେଶ୍ଵର ମିଶ୍ର ପ୍ରକାଶ କରିଛନ୍ତି।
ତେବେ କିଏ ଓ କିଭଳି ଏତେ ପରିମାଣର ଚାଉଳ ଚୋରି କରି ନେଇଗଲା ,ଏ ନେଇ ଅଭିଭାବକ କମିଟି ଓ ଗ୍ରାମବାସୀ ସନ୍ଦେହ ପ୍ରକଟ କରିଛନ୍ତି। ଏହି ଘଟଣା ସମ୍ପର୍କରେ ତଦନ୍ତ ପାଇଁ ଲାଠୋର ଥାନା ଅଧିକାରୀ ରାକେଶ ବେହେରା ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ କରୁଥିବା କହିଛନ୍ତି। ଏ ସଂପର୍କରେ ପ୍ରଧାନ ଶିକ୍ଷକ ସର୍ବେଶ୍ଵର ମିଶ୍ରଙ୍କୁ ପଚାରିବାରୁ ସେ କହିଛନ୍ତି , ଆମେ ଛୁଟି ପରେ ସ୍କୁଲ କୋଠରୀରେ ଚାଉଳ ସବୁ ରଖିଥିଲୁ କି କାହାରିକୁ ଦାୟିତ୍ଵ ମଧ୍ୟ ଦେଇ ନ ଥିଲୁ ବୋଲି କହିଛନ୍ତି।
