ଆନନ୍ଦପୁର, ୨୨/୦୧: ଆନନ୍ଦପୁର ବ୍ଲକ ଅଧୀନ ଘସିପୁରା ଥାନା ଧକୋଠାସ୍ଥିତ ଏକ ଜନସେବା କେନ୍ଦ୍ରରେ ଜଣେ ମହିଳାଙ୍କୁ ଅସଦାଚରଣ କରାଯାଇଥିବା ଅଭିଯୋଗ । ଆଜି ସକାଳ ସମୟର ଆଧାର କାର୍ଡର ବାୟୋମେଟ୍ରିକ୍ ସଂଶୋଧନ ପାଇଁ ଆସିଥିବା ମହିଳାଙ୍କ ଉପରେ ଏଭଳି ଅସଦାଚରଣ ହୋଇଥିବା ଅଭିଯୋଗ ହୋଇଛି । ଏନେଇ ପୋଲିସ ଅଭିଯୋଗ ପାଇ ଅଭିଯୁକ୍ତକୁ ଅଟକ ରଖି ତଦନ୍ତ କରୁଥିବା ଜଣାପଡ଼ିଛି।
ତେବେ ମହିଳାଙ୍କୁ ଏକୁଟିଆ ପାଇ ଜନସେବା କେନ୍ଦ୍ର ମାଲିକ ଦୋକାନ ସଟର ପକାଇ ଅସଦାଚରଣ କରିଥିଲେ । ଏନେଇ ମହିଳାଙ୍କ ପାଟି ଶୁଣି ସ୍ଥାନୀୟ ଲୋକେ ଋଣ୍ଡିଭୂତ ହେବା ସହିତ ମହିଳାଙ୍କୁ ଉଦ୍ଧାର କରିଥିଲେ । ଏଥିସହ ଜନସେବା କେନ୍ଦ୍ର ମାଲିକଙ୍କୁ ନିର୍ଧୁମ ଛେଚିଥିଲେ । ଏହାପରେ ପୋଲିସକୁ ସୂଚନା ଦିଆଯାଇଥିଲା। ଏନେଇ ପୋଲିସ ଘଟଣାସ୍ଥଳରେ ପହଞ୍ଚି ଜନସେବା କେନ୍ଦ୍ର ମାଲିକଙ୍କୁ କାବୁ କରିବାରେ ସଫଳ ହୋଇଛି ।
