ନୂଆଦିଲ୍ଲୀ: ୟେମେନର ରାଜଧାନୀ ସାନାରେ ଆମେରିକା ପକ୍ଷରୁ ବିମାନ ଆକ୍ରମଣ ହୋଇଛି । ଏହି ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ୧୫ ଜଣ ଆହତ ହୋଇଛନ୍ତି। ବର୍ତ୍ତମାନ ସମୟରେ ଆମେରିକା ହୁଥିଙ୍କ ନିୟନ୍ତ୍ରିତ ସାନା ଉପରେ ନିରନ୍ତର ଆକ୍ରମଣ କରୁଛି। ହୁଥି-ନିୟନ୍ତ୍ରିତ ସ୍ୱାସ୍ଥ୍ୟ ଅଧିକାରୀ ମାନେ କହିଛନ୍ତି ଯେ, ସାନା ଉପନଗର ଅସରରେ ହୋଇଥିବା ଆକ୍ରମଣରେ ଆହତଙ୍କ ମଧ୍ୟରେ ତିନି ଜଣ ଶିଶୁ ଏବଂ ଦୁଇ ଜଣ ମହିଳା ଅଛନ୍ତି । ଲୋକମାନେ ଏହି ଆକ୍ରମଣକୁ ଅତ୍ୟନ୍ତ ହିଂସାତ୍ମକ ବୋଲି ବର୍ଣ୍ଣନା କରିଛନ୍ତି। ଉଦ୍ଧାରକାରୀ ଦଳ କୋଠାର ଭଗ୍ନାବଶେଷରେ ଲୋକଙ୍କୁ ଖୋଜୁଛନ୍ତି ।
କୁହାଯାଉଛି ଯେ ଲୋହିତ ସାଗରରେ ମୁତୟନ ହୋଇଥିବା ଆମେରିକୀୟ ସେନା ଉତ୍ତର ୟେମେନର ସାଦା ପ୍ରଦେଶରେ ବିମାନ ଆକ୍ରମଣ କରିଛନ୍ତି । ଏହାର କେନ୍ଦ୍ରୀୟ ସହର ଯାହାକି ହୁଥିଙ୍କ ଗଡ଼ ପରିସରର ଅଞ୍ଚଳ ଗୁଡ଼ିକୁ ଟାର୍ଗେଟ କରାଯାଇଥିଲା। ଉତ୍ତର ଲୋହିତ ସାଗରରେ ଥିବା ୟୁଏସଏସ ହ୍ୟାରି ଏସ. ଟ୍ରୁମ୍ୟାନ୍ ଉପରେ ହୁଥି ମାନେ ଆକ୍ରମଣ କରିଥିଲେ। କେନ୍ଦ୍ରୀୟ ଇସ୍ରାଏଲରେ ଥିବା ଟ୍ରୁମ୍ୟାନ୍ ବିମାନ ବାହକ ଜାହାଜ ଏବଂ ବେନ୍ ଗୁରିଅନ୍ ବାୟୁସେନା ଘାଟି ଉପରେ ଆକ୍ରମଣ ପରେ ଆକ୍ରମଣ ହୋଇଥିଲା।
ଏହା ପୂର୍ବରୁ ଆମେରିକା ୟେମେନରେ ହୁଥି ବିଦ୍ରୋହୀଙ୍କ ଘାଟି ଉପରେ ବୋମା ମାଡ଼ କରିଥିଲା। ଏହି ବିସ୍ଫୋରଣ ରାଜଧାନୀ ସାନା ଏବଂ ଉତ୍ତର-ପଶ୍ଚିମରେ ଥିବା ସାଦା ସହରକୁ ଟାର୍ଗେଟ କରିଥିଲା। ବୋମା ବିସ୍ଫୋରଣ ପରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହୁଥି ବିଦ୍ରୋହୀଙ୍କୁ ଧମକ ଦେଇଥିଲେ । କହିଥିଲେ ଯେ ସେ ସେମାନଙ୍କୁ ସମ୍ପୂର୍ଣ୍ଣ ଧ୍ୱଂସ କରିଦେବେ। ଟ୍ରମ୍ପ ଇରାନକୁ ଚେତାବନୀ ମଧ୍ୟ ଦେଇଥିଲେ ଏବଂ ଇରାନ ଉପରେ ହୁଥି ବିଦ୍ରୋହୀଙ୍କୁ ସାହାଯ୍ୟ କରିବାର ଅଭିଯୋଗ ଆଣିଥିଲେ।
